2019 он гарахад ганцхан сар үлдлээ. Ирж байгаа энэ онд манай гариг дэлхий дээр юу болж, хүн төрөлхтний амьдрал ямар байх талаар 500 жилийн өмнө амьдарч байсан их зөнч Нострадамус юу гэж харж, таамагласан юм бол?

Нострадамус гэж хэн бэ

Ирээдүйг зөгнөн хардаг энэ хүн 1503 оны нэгдүгээр сарын 14-нд францын еврейн гэр бүлд мэндэлжээ. Тэрбээр тухайн үеийнхээ францын шилдэг сургууль болох Авиньон болон  Монпелийн их сургуулийг дүүргэж сайн боловсрол эзэмшсэн байна.

Эмчийн мэргэжил эзэмшсэн тэрбээр уламжлалт анагаах ухаан сонирхохын зэрэгцээ тэр цагт Европыг бүхэлд нь хамран дэгдэж түгшүүлж байсан тахлаас хамгаалах эм бүтээх сонирхолтой байж. Тэр үнэхээр хүсч байсан ч түүний хичээл зүтгэл тийм ч амархан үр дүнд хүрсэнгүй, харин ч эхнэр хүүхдүүд нь энэ аймшигт өвчнөөр амиа алджээ.

Тэгээд зогссонгүй түүний эмийн ургамлаар хийсэн туршилтын нь улмаас шашны шүүхээс түүнийг мөрдөн хавчиж үүнээс нуугдах хэрэгтэй болсон байна. Ингээд анагаах ухааны туршилт судалгаа хийх аргагүй болсон тэр эх орноо орхин гарахад хүрчээ. Гэсэн ч түүний гаргаж авсан эм янз бүрийн өвчнөөс олон хүний амийг аварч, энэ гайхамшигт  эмчийн тухай мэдээлэл бүхий л Европоор тархаж эхэлжээ.
Нострадамусыг зөвхөн анагаах ухааны салбар дахь амжилт нь алдаршуулсангүй, тэрбээр агуу их зурхайч, зөн билэгч, мэргэн ухаантан гэдгээрээ өнөө алдартай болж, үе үеийн судлаачдын анхаарлыг татсаар байгаа юм.

Зөгнөл биелсэн нь

Их зөнч Нострадамус алс ирээдүйг харснаа 1555 онд туурвисан 353 бүлэг шүлэгтээ бичиж хүү Сезартаа илгээсний дотор хүн төрөлхтний үе үеийн удирдагчдын хувь заяа, дэлхийг хамарсан томоохон үйл явдлуудыг таамаглан хэлсэн байдаг. Харамсалтай нь Нострадамусын бүх гар бичмэл бүрэн эхээрээ олдоогүй ч өнөөг  хүртэл хадгалж ирсэн  хэсгүүд нь зөвхөн судлаач төдийгүй олны анхаарлыг багагүй татсаар байгаа юм.

Нострадамусын хэлснээр болж, батлагдсан таамаглалууд нь:

• Наполеон 1812 онд Орос руу довтолж Орос ялсан
• Гитлер засгийн эрхэнд гарч Дэлхийн хоёрдугаар дайн эхэлсэн
• -ЗХУ задарч, коммунист дэглэм сүйрсэн
• Чернобылийн атомын цахилгаан станцад болсон сүйрэл
• 2001 оны есдүгээр сарын 1-нд террористууд Нью-Йоркт халдсан
• -Афганистан, Сири, Ирак дахь дайны ажиллагаа

2019 он ямар байх вэ

Их зөнчийн бүтээлийн ихээхэн хэсэг нь яг өнөөгийн цаг үетэй холбоотой. Нострадамусынхаар бол 2019 онд хүн төрөлхтний соёл иргэншлийг үгүй хийх төдийгүй гариг дэлхий оршин тогтноход хүргэж мэдэх аймшигт өөрчлөлт тулгарах гэнэ. Их зөнчийн таамгийг судлаачид үүнийг АНУ, Орос, Хятад, дэлхийн бусад улс орнууд оролцсон Дэлхийн гуравдугаар дайнд хүргэж мэднэ гэж байна.

Нострадамус үүнийг “Барууныхан дорнын эсрэг босч  бүх дэлхийгээр нэг цус урсана. Тэнгэр үүл мананд хучигдан хүмүүс аймшигт өвчинд нэрвэгдэж, өлсөж цанган, амьсгал нь боогдож үхнэ” гэж шүлэглэжээ.

Олон эрдэмтэн үүнийг талууд харилцан цөмийн цохилт хийснээс үүдэх  үр дагавар хэмээн тайлж байна. Энд Москва, Анкарагийн сөргөлдөөнийг бүр тусгайлан тэмдэглэсэн нь анхаарал татаж байна. Зөнчийнхөөр бол Турк улс Оросын цэргийн хүчирхийллийн эсрэг боссоноор Константинополь газрын хөрснөөс арчигдана гэнэ.

Ностарадамусын бичлэгт Украины тухай ч бас бий. Оросын хөрш энэ гүрэн олон жилийн дотоодын үймээн самуун дайнаасаа болоод бүр сүйрэхэд ч хүрч мэднэ гэнэ. Энд их зөнч өнөө хүртэл үргэлжилсээр байгаа Донбассын иргэний дайн, мөргөлдөөнийг дурьдсан бололтой.

Зөвхөн дэлхий дахиныг хамарсан цэргийн мөргөлдөөн хүн төрөлхтнийг сүйрлийн ирмэгт авчрах биш өөр ч шалтгаан бий. Хүн төрөлхтний сэтгэлгээний доройтол, бурханлаг үнэт зүйлсээ үл ойшоон татгалзах болсон нь сүйрэл мөхөлд хүрэх шалтгаан болох гэнэ.

Дэлхий даяар хүчирхийлэл, халдлага дайралт, авлигын хэрэг ихэсч байгаа мэдээлэл нь үүний нэг баталгаа болж байна.

Байгаль цаг уурын өөрчлөлт

Ирэх онд дэлхий дахинд учрах бас нэг аюул нь сансраас ирэх гэнэ. Нострадамус “Арслангийн орд, Хумхын эсрэг байрлахын цагт наран шарж, газар дэлхий чичирч зуу зуун мянган хүн аймшигт түймэрт шатаж үхнэ” гэсэн байна. Их зөнчийн энэ таамаг дэлхий дахины эрдэмтдийн дунд ихээхэн маргаан дэгдээж байгаа ч үнэхээр зуун бүрийн 20-иод онд сансрын ийм үзэгдэл болж байсан баримт бий. Гэхдээ их зөнчийн хэлж байгаа нь энэ онд өөр хүчин зүйлтэй бас давхцаж байгаа юм. Энэ бол 26 мянган жилд нэг тохиодог Нарны аймаг галактикийн тэнхлэгээр дамжин өнгөрөх явдал. Одон орончдын тооцоогоор бол энэ нь 2019 оны арваннэгдүгээр сарын 28-нд тохиох юм байна.

2019 онд таны бизнес, санхүү ямар байх вэ

Ганцхан сарын дараа айлчлан ирэх 2019 он бүхий л ордын хувьд тууштай хөдөлмөр, хичээл зүтгэлийн ачаар санхүүгийн талаар сайн байхыг харуулж байна. Оросын “Зөн билгийн тулаан”-ы 15 дахь тэмцээний ялагч зөнч Яна Пасынкова гахай жилийн  таны санхүүгийн төлвийг урьдчилан хэлж байна.

Хонины орд

Гахай жил хонины ордынхонд шинэ боломж нээж өгнө. Хавраас эхлээд танд ирэх бүхий л ажил хэрэгч саналуудыг хүлээн авч үндсэн ажлынхаа хажуугаар амжуулж нэмэлт ажил хий. Ингэснээр ашиг орлого тань нэмэгдэж, таны хөдөлмөр, чадвар их эрэлттэй байх болно.

Үхрийн орд

2019 онд Үхрийнхэн хэд хэдэн ажлыг нэгэн зэрэг хийх болно. Таны гахай жилийн гол уриа бол “Бүү шантар”. Ингэж байж ашиг орлого тань сайн байна, гэхдээ энэ мөнгө оны эхний хагаст л хүрэлцэнэ. Тавдугаар сараас та зарлагаа багасгаад нэмэлт орлого хайх хэрэгтэй.

Ихрийн орд

Ихрүүд өнөөдөр ажил тань таалагдахгүй, сэтгэл санаа үл ялиг таагүй  байж магадгүй. Ийм болохоор ирж байгаа онд эрүүл мэнддээ хөрөнгө зарцуул. Шаардлагатай бол ажлаа зоригтой соль. Шинэ газар танд бага цалин өгч байлаа ч гэсэн сэтгэл санаа чинь тайвширч тогтворжино.

Мэлхийн орд

Мэлхийн орныхны хувьд гахай жил амжилтад хүрэх туршилтын жил. Энэ жил мэлхийнүүд албан тушаал ахиж, материаллаг байдал чинь ч сайжирна. Гэхдээ үнэгүй бяслаг зөвхөн хавханд байдгийг ямагт санаж яв. Хувь заяаны асар том бэлгийн ард үүрэг хариуцлага бас байгаа. “За”, “Үгүй” гэхийн өмнө сайтар тунгаан бод. Тэгж байж шийдвэр гарга.

Арслангийн орд

Арслангууд яг л ихрийнхэн шиг шинэ онд өөрийгөө жаахан гамна. Үүний зэрэгцээ зардлаа сайтар тооцож бодох хэрэгтэй. Өвлөөс эхлээд л өөрийнхөө хүч бололцоог сайтар тооц. Та үнэхээр боломжгүй байгаа бол хэн нэгнээс  санхүүгийн тусламж авахаас  бүү нэрэлх. Ингээд зун, намраас санхүү чинь сайжирна.

Охины орд

Охиныхон биеэ бодолгүй маш их ажиллаж, одоо өөрийгөө жаахан халамжлах хэрэгтэй болжээ. Эрүүл мэндээ анхаарч, санаа тавьснаар эрч хүч тань сайжирч, ашиг орлого тань нэмэгдэх болно.

Жинлүүрийн орд

Оны эхний хагас жилд таны санхүү тийм ч сайн биш байх болохоор энэ үед өөртөө болон ойрынхондоо санаа тавьж өнгөрүүл. Дөрөвдүгээр сараас эхлээд орлого тань тогтворжино. Анагаах ухааны салбарт ажиллагсдад ажил дээрээ өөрийнхөө байр суурийг бэхжүүлэх боломж гарч ирнэ.

Хилэнцийн орд

Хилэнцийнхэнд ажлын байрандаа толины өмнө бага зогсч, өгсөн үүрэг, өмнөх зорилтдоо хүрэхийн төлөө их ажилла гэж зөвлөх байна. Удирдлага тань таны энэ байдлыг таашаахгүй байгаа болохоор, өмнөх ажлаа сайн хийж үүнийг засах хэрэгтэй.

Нумын орд

Нумынхны хувьд гахай жил ялалт, амжилтын жил байх болно. Аятайхан албан тушаал, цалин гэж та удаан мөрөөдөж байсан байх. Ийм саналыг шууд зөвшөөрөх хэрэгтэй. Ялангуяа төрийн албан хаагчдын өмнө ийм шинэ боломж гарна шүү.

Матрын орд

Матрынхан тууштай хөдөлмөр, аливаа зүйлийн эцсийг үзэх чадварын ачаар санхүүгийн хувьд тогтвортой байдаг. Гэхдээ ажилдаа дур сонирхолтой байж таашал авч байхаа мартуузай. 2019 онд маш олон сонирхолтой ажлууд гарч ирэх ч энэ чинь хуучин ажилд тань садаа болохгүй. Өвөл бол хараа дээгүүр байх хамгийн сайхан үе.

Хумхын орд

Ирж байгаа онд хумхынхан өндөр амжилтад хүрч, санхүүгийн өндөр шагнал хүртэнэ. Ганцхан үүнийгээ зөв, шударга зарцуулах хэрэгтэй. Наймдугаар сарын сүүлчээр та томоохон зүйл худалдан авна. Харин жаахан тэвчих хэрэгтэй.

Загасны орд

Ирж байгаа онд эргэн тойрныхон тань  санхүүгийн хувьд таныг их дэмжинэ.  Энэ бол төлөөгүй өр, өгөөгүй цалин. Үүний төлөө та бүү нэрэлх, дуугүй байх хэрэггүй. Өөрийнхөө хөдөлмөр зүтгэлийн хөлсийг зоригтой ав. Ажлын карьер, цалин хөлсөө нэмэгдүүлэх сайхан боломж ирэх онд гарч ирж байна.