“The Voice of Mongolia” шоу шүүгчдийн багуудын халз тулаанаар үргэлжилж байгаа билээ. Ирэх ням гарагт Төрийн соёрхолт дуучин, шүүгч Д.Болдын багийн халз тулаан болно. Сонсох шатнаас өөрсдийн өнгө төрх, ур чадвараараа ялгарч сонгогдсон Д.Болд шүүгчийн багийн авьяаслаг 16 оролцогч халз тулаанд бэлэн болжээ. Урлагийн торгон мэдрэмжтэй, жинхэнэ шоу хийж чаддаг гэдгээрээ олны таашаалыг хүлээгээд буй Д.Болд шүүгчийн багаас гал гарсан ямар үзүүлбэрүүд гарах бол гэж үзэгчид хүлээж суугаа нь лавтай.

“Монгол ТВ” телевизийн албан ёсны эрхтэйгээр “The Voice of Mongolia” Монголд анх удаа 2018 оны нэгдүгээр сарын 21-ний өдрөөс эхлэн үзэгчдэд хүрч эхэлсэн билээ.

Дэлхийн 60 гаруй оронд амжилттай зохиогдсон телевизийн алдартай шоу нэвтрүүлэг манайд анх нээлтээ хийсэн цагаасаа хойш л үзэгчдийг байлдан дагуулж, амралтын өдөр гэр бүлээрээ үздэг, тэсэн ядан хүлээдэг нэвтрүүлгийн нэг болсон гэж хэлэхэд хилсдэхгүй.

“The Voice” шоунд зөвхөн оролцогчдын төдийгүй шүүгчдийн хоорондын өрсөлдөөн өрнөж байдаг. Аль шүүгчийн багаас ялагч тодрох вэ гэдэг нь бас нэгэн сонирхолтой өрсөлдөөн юм. Өөрөөр хэлбэл шоу маш олон хүнд мөрөөдөлдөө хүрэх боломж олгохоос гадна шүүгчид хоорондоо хэн нь хамгийн сайн продюссер вэ гэдгээ үзэх томоохон шалгуур болдог.