Дэлхий дахинд

БНСУ тусгаарлалт зөрчсөн гадаадын оюутнуудыг “хөөж” байна

Нийтэлсэн

5 жил өмнө

2020-04-20

Нийтэлч

Өмнөд Солонгосын Засгийн газраас өөрийгөө тусгаарлах журмыг зөрчсөн гадаадын иргэдийг албадан нутаг буцааж байна. Өмнөд Солонгосын Хууль зүйн яамнаас мэдээлснээр, өнгөрсөн долоо хоногт л гэхэд тусгаарлалтын журам зөрчсөн гадаадын зургаан оюутан, хоёр иргэнийг албадан нутаг буцаахаар шийдвэрлэжээ. Тухайлбал, Гунсан хотод суралцдаг Вьетнамын гурван оюутныг гэртээ гар утсаа орхиод гадагш гарсныг нь илрүүлсэн байна. Өмнөд Солонгосын албаныхан өөрийгөө тусгаарлах үүрэг авсан иргэдийн гар утасны байршил тогтоох “GPS” системийг ашиглан хянаж байгаа юм. Үүний зэрэгцээ Сөүлд бүртгэлтэй вьетнам гэр бүл Гимхэ хотод загасчилж яваад баригджээ.

Малайзын нэгэн оюутан дээрхтэй ижил байдлаар гурван удаа гар утсаа гэртээ үлдээгээд гадагш гарсан нь тогтоогдсон аж. Тэднийг олон улсын нислэгүүдийн хуваарь тогтворгүй байгааг харгалзан үзэж, албадан гаргахаас илүү өөрсдөө нэн даруй нутаг буцахыг сануулсан байна. Өөрөөр хэлбэл тэд олон улсын нислэг сэргэсэн даруй нутаг буцаагдах ба тэр болтол цагаачлалын газар саатуулагдах ажээ.

Үүний зэрэгцээ өөрийгөө тусгаарлах журмыг хүлээн зөвшөөрөөгүй 29 хүнийг Өмнөд Солонгост нэвтрүүлээгүй байна. Тус улс нь гадаадаас ирсэн хүмүүст 14 хоног өөрийгөө тусгаарлах журмыг хэрэгжүүлж буй юм.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

7 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...