Дэлхий дахинд

Африкт коронавирусийн улмаас хумхаа өвчний нас баралт хоёр дахин нэмэгдэж магадгүй

Нийтэлсэн

5 жил өмнө

2020-04-24

Нийтэлч

Африк тивд коронавируст цар тахлын улмаас хумхаа өвчний нас баралт хоёр дахин нэмэгдэж 770 мянгад хүрч болзошгүйг Дэлхийн эрүүл мэндийн байгууллага (ДЭМБ)-аас анхаарууллаа.

ДЭМБ-ын Африкийн бүсийн захирал Матшидисо Моетигийн хэлснээр тивийн төв болон өмнөд хэсгийн орнуудад коронавирусийн тархалт нэмэгдвэл хумхаа өвчний нас баралт 2018 оныхтой харьцуулахад хоёр дахин нэмэгдэж магадгүй аж. Тиймээс Африкийн бүх улс орныг хумхаа өвчнөөс урьдчилсан сэргийлэх арга хэмжээ авахыг хүсжээ.

Хумхаа нь шумуулаар дамждаг аюулт өвчин бөгөөд халуурах, чичрэх, ханиалгах зэрэг шинж тэмдэг илэрдэг байна. Зөвхөн 2018 онд тус өвчнөөр 213 сая хүн өвчилж, 360 мянган хүн нас барсан ба нас барагсдын гуравны хоёр нь 5 хүртэлх насны хүүхдүүд байжээ. Моети “Хэрэв шинэ коронавирусийн тархалтыг бууруулахад гол анхаарлаа хандуулсны улмаас хумхаан эсрэг эмийн хэрэглээ 75 хувь буурвал хумхаагаар нас барагсад хоёр дахин нэмэгдэж 769 мянгад хүрч болзошгүй” гэв.

Тэрээр коронавируст хэт анхаараад бусад өвчнийг мартахгүй байхыг зөвлөсөн юм. Африк тивд одоогоор коронавируст халдварын 28 мянган тохиолдол илэрч 1300 хүн нас бараад буй.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

9 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...