Дэлхий дахинд

Ерөнхийлөгч Трамп Хятадын банкнаас 211 ам.долларын зээл авч байжээ

Нийтэлсэн

5 жил өмнө

2020-04-28

Нийтэлч

АНУ-ын Ерөнхийлөгч Дональд Трамп Хятадын банкнаас их хэмжээний зээл авсан хэмээн шүүмжлэлийн бай болж байна. Коронавирусийн халдварын голомт болоод байгаа Америк улсад цар тахлаас урьдчилан сэргийлэх арга хэмжээг түргэн шуурхай авч чадаагүй хэмээн Ерөнхийлөгч Дональд Трамп сүүлийн үед шүүмжлэлд өртөж буй юм.

Тэгвэл Ардчилсан намынхан Трамп 2012 онд Bank of China-гаас маш их хэмжээний буюу 211 сая ам.долларын зээл авсан талаарх баримтыг дэлгэлээ. Тодруулбал Нью-Йорк хотын Манхэттэн дүүрэгт байрлах, Трамп цамхгаас хэдхэн алхмын зайд байрлах 43 давхар цамхгийн 30 орчим хувийг Дональд Трамп 2012 онд худалдан авчээ. Гэхдээ тэрбээр тус цамхгийг худалдан авахдаа Хятадын Bank of China-гаас 211 сая ам.долларын зээл авч байжээ. Зээлийн эргэн төлөлт ирэх 2022 оноос эхэлнэ хэмээн Politico-д бичсэн байна.

Дональд Трамп 30 хувийг нь эзэмшдэг гэх барилга

Энэ бол Трампын үл хөдлөх хөрөнгийн хамгийн үнэтэйд нь тооцогдож байгаа аж. Хэрэв АНУ-ын Ерөнхийлөгчөөр дахин сонгогдсон тохиолдолд Бүгд Найрамдах намтай холбоотой ямар ч банк түүнд зээлийн эргэн төлөлтийг төлөх санхүүгийн эх үүсвэр гаргаж өгнө хэмээн Ардчилсан намынхан хардаж буй юм.

ЖО БАЙДЕН БИШ ТРАМП ХЯТАДААС САНХҮҮГИЙН ХАМААРАЛТАЙ

АНУ-ын Ерөнхийлөгч Дональд Трамп дэд Ерөнхийлөгч асан, дараагийн төрийн тэргүүнээр сонгогдох хамгийн өндөр магадлалтай Жо Байденыг Хятадын үзлийг сурталчилдаг, Хятадын “утсан хүүхэлдэй” хэмээн Трамп хэд хэдэн удаа мэдэгдсэн.

Учир нь Жо Байдений хүү Хантер Байден Шанхайн BHR хөрөнгө оруулалт, санхүүгийн менежментийн компанийн удирдах зөвлөлд байсан. Хятадын компанид ажиллаж байхдаа Хантер Байден нар ямар нэг алдаа дутагдалтай үйл ажиллагаа явуулсан гэх баримт нотолгоо Трампад байхгүй. Гэсэн хэдий Ерөнхийлөгч Трамп эцэг хүү Байденыг мөрдөн шалгах хүсэлт гаргаад байгаа юм. Трамп болон түүний дэмжигчид Жо Байденыг Барак Обамагийн үед дэд Ерөнхийлөгч байхдаа Украины Засгийн газарт дарамт шахалт үзүүлсэн хэмээн буруутгасан. Мөн Хантерыг Хятадын компани дахь нөлөөгөө ашиглаж хөрөнгө оруулалт татсан гэж үзжээ. Жо Байдены хүү Украины байгалийн хийн Burisma компанийн удирдах зөвлөлд 2014 онд орсон нь мөн л авлигын хэрэгт холбоотой гэж Трамп сэрдэж байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

10 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...