Дэлхий дахинд

Youtube: Дэлхийн шилдэг кино наадмуудыг ҮНЭГҮЙ шууд дамжуулна

Нийтэлсэн

5 жил өмнө

2020-05-01

Нийтэлч

Дэлхийн хамгийн том видео платформуудын нэг болох Youtube цар тахлын нөхцөл байдалтай холбогдуулан 10 өдрийн турш үргэлжлэх “We Are One” хэмээх кино наадмыг зохион байгуулах гэж байна.

АНУ-ын Нью-Йорк хотод төвтэй “Tribeca” олон улсын байгууллагаас зохион байгуулж буй уг наадамд Каннын кино наадам, “Sundance” кино наадам, “Tribeca” кино наадам, Токиогийн олон улсын кино наадам зэрэг дэлхийн хамгийн алдартай 20 кино наадмуудын бүтээлүүдээс толилуулах юм. Энэхүү наадмын хөтөлбөрт уран сайхны кино, баримтат кино, комеди, богино хэмжээний бүтээлүүдээс гадна панел хэлэлцүүлэг ч бас багтсан аж.

Кино наадам ирэх тавдугаар сарын 29-нөөс зургаадугаар сарын 7-ны өдрийг хүртэл үргэлжлэх юм. Хэдийгээр бид бүгд уг наадмыг ямар ч ҮНЭ ТӨЛБӨРГҮЙГЭЭР үзэх боломжтой хэдий ч наадмын үеэр үзэгчид Дэлхийн Эрүүл Мэндийн Байгууллагын “COVID-19” цар тахалтай тэмцэх ажилд зориулж САЙН ДУРААРАА хандив өгөх боломжтой гэнэ.

Эдгээр өдрүүдэд гэртээ байгаа биднийг хөгжөөх олон сонирхолтой арга хэмжээнүүд онлайнаар зохион байгуулагдаж байгаа билээ. Ингээд та бүхэндээ ирэх тавдугаар сард болох гэж буй арга хэмжээнүүдийн талаар товч мэдээлэл хүргэе.

Дөрөвдүгээр сарын 30: Алдарт комедиан, хөтлөгч Jimmy Fallon-ийн “The Tonight Show” нэвтрүүлэг Youtube-ээр шууд цацагдана. Мөн энэ өдөр дуучин Tones And I өөрийн Youtube сувгаараа шууд дамжуулалт хийн уран бүтээлүүдээ толилуулах аж.

Тавдугаар сарын 4: “Нью-Йорк Гитарын Наадам”-ын шоу тоглолтуудыг тавдугаар сарын 15 хүртэл өдөр бүр “New York Guitar Festival” Youtube сувгаар шууд дамжуулна.

Тавдугаар сарын 15: Фэйсбүүкээс зохион байгуулж буй “Class of 2020” арга хэмжээнд дуучин Miley Cyrus, Lil Nas X, Awkwafina, Oprah Winfrey зэрэг алдартнууд оролцохоор болжээ. Та уг арга хэмжээг “Facebook Watch” хэсгээс үзэх боломжтой юм.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

11 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...