Дэлхий дахинд

Төрөх эмнэлэгт зэвсэгт халдлага гарч, эх нярай амиа алджээ

Нийтэлсэн

5 жил өмнө

2020-05-13

Нийтэлч

Афганистаны нийслэл Кабул хотын төрөх эмнэлэгт өчигдөр /2020.05.12/ зэвсэгт этгээдүүд халдлага үйлдэж, дөнгөж мэндэлсэн хоёр нярай, 12 эх, сувилагч амиа алджээ. Түүнчлэн 15 хүн шархадсан байна. Мөн үеэр Афганистаны зүүн хэсэгт оршдог Нангархар мужид цагдаагийн даргын оршуулгын ажиллагааны үеэр бөмбөг дэлбэрч, 24 хүн нас барж, 68 хүн шархаджээ. Төрөх эмнэлэгт зэвсэгт этгээд гал нээх үеэр 140 гаруй хүн байсан ба 100 гаруй хүнийг эмнэлгээс нүүлгэн шилжүүлсэн байна.

Афганистаны засгийн газар болон Талибан хөдөлгөөнийхөн хооронд энхийн гэрээ хэлэлцээ хийж буй үед ийм халдлагууд гарсан нь олон улсын анхаарлыг татаж байна.

Тус улсын эрх баригчид энэхүү хоёр халдлагад Талибан, Исламын улс зэрэг бүлэглэлүүдийг буруутгаж байгаа бөгөөд Нангархар мужид болсон халдлагыг Исламын улс бүлэглэл үйлдсэнээ хүлээн зөвшөөрчээ. Афганистаны ерөнхийлөгч Ашраф Гани эдгээр халдлагын дараа зэвсэгт бүлэглэлүүдийн эсрэг ажиллагааг чангатгахыг тушаасан байна.

Кабулын төрөх эмнэлэгт Хил хязгааргүй Эмч нар (MSF) олон улсын байгууллагын эмч, мэргэжилтнүүд ажиллаж байсан гэнэ. Уг үйл явдалтай холбогдуулан АНУ-ын төрийн нарийн бичгийн дарга Майк Помпео Афганистаны засгийн газарт хэргийн гэм буруутныг олж тогтоохыг уриалжээ.

Эх сурвалж: BBC

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

14 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...