Цахиурын хөндийн технологийн магнатууд болох Amazon, Google, Facebook зэрэг компаниудад ажилд орно гэдэг бол амьдрал, цаашдын ажлын гараагаа эхэлж, намтартаа бахархалтайгаар тэмдэглэх үйл явдал билээ. Дэлхийн хамгийн шилдэг их дээд сургууль төгсөгчдийг шилж авдаг эдгээр компанийн ажлын ярилцлагын үеэр түгээмэл асуудаг асуултуудыг хүргэе.

 Amazon

Дэлхийн хамгийн том цахим худалдааны Амазон компанийн баримталдаг гол дүрэм бол хэрэглэгчид нэгдүгээрт бөгөөд ажил горилогчдоо бусадтай хэрхэн харилцаж буйгаар дүгнэдэг аж.

1.  Таны урьд өмнөх ажлын явцад учирсан хамгийн хэцүү үйлчлүүлэгч ямар хүн байсан бэ? Та асуудлаа хэрхэн шийдсэн бэ?

2.  Танд нэг давхраас найман давхар руу цахилгаан шатаар 5 хүнтэй хамт гарах 20 секунд байна. Та хамт зорчигчиддоо Амазоны хайлтын системийг/AWS/ хэрхэн тайлбарлаж өгөх вэ?

3.  Та манай компанийн үүсгэн байгуулагчийн нэрийг мэдэх үү? Түүний нэрийг хэрхэн үсэглэдэг вэ?

4.  Та хамгийн сүүлд ямар шалтгаанаар хүнээс уучлалт гуйсан бэ?

5.  Таныг Амазон гэж үзье. Хэрэв Самсунг бидэнд Глакси Эс-3 загвараа 34 хувийн хямдралтай санал болговол та хэрхэн хүлээж авах вэ?

 Google

Гүүгл компани ажлын ярилцлагын үеэр ихэвчлэн анхаарал болон сэтгэн бодох чадвар, хариу үйлдэл үзүүлэх чадварыг ажигладаг байна.

1.  Манай компанийн бүтээгдэхүүнүүдээс танд хамгийн их таалагддаг нь аль вэ? Бид танд тухайн бүтээгдэхүүнээ сайжруулах боломж олговол та ямар арга хэмжээ авах вэ?

2.  Та оффис дээр нохойгоо авчрах хүсэлтэй байж, гэхдээ багийн тань нэг гишүүн энэхүү хүслийн тань эсрэг байвал та хэрхэх вэ?

3.  Хэрвээ та  амьдралынхаа турш дахин ажиллах шаардлагагүй бол юу хийхийг хүсэж байна вэ?

4.  Үлдсэн амьдралынхаа турш өрөө рүүгээ орох бүрт чинь эгшиглэж байх ая сонго гэвэл ямар дууны аяыг сонгох вэ?

5.  Таныг нэг өгүүлбэрээр хүмүүс дурсан санаж байх ёстой бол энэ нь ямар өгүүлбэр байх вэ?

  Facebook

Фэйсбүүк компани таныг төсөөлөн бодох болон тооцоолох чадвар болох багаар ажиллаж буй арга барилаар тань дүгнэдэг аж.

1.  Таны  амьдралдаа хийж бүтээсэн хамгийн сайн хамтын ажиллагаа юу байсан бэ?

2.  Хэрвээ танийг Сиэтл хотын бүх цонхыг угаа гэвэл та хэдий хэрийн ашиг олох боломжтой вэ?

3.  Юу таныг эрч хүчтэй байлгаж, бүтээлч болгодог вэ?

4.  Хэрвээ та миний оронд ажлын ярилцага авах бол ажил горилогчоос юу асуух байсан бэ? Мөн ярилцах ёстой байсан хүн тань цагтаа ирэхгүй бол хэрхэх вэ?

5.  МакДональд компани АНУ-ын зах зээлд жил бүр хэдэн Big Mac борлуулдаг вэ?

 Эх сурвалж: glassdoor.com, inc.com, business-insider