Дэлхий дахинд

КОВИД-19 эсрэг вакциныг яаран нэвтрүүлэх аюултай болохыг сэрэмжлүүлжээ

Нийтэлсэн

5 жил өмнө

2020-05-28

Нийтэлч

Дэлхий даяар олон арван судалгааны лабораторийн боловсруулж буй КОВИД-19-ийн эсрэг вакциныг яаран нэвтрүүлэх шаардлагагүй гэж Израилийн дархлаа судлаач, Хадасс Ар а-Цофим эмнэлгийн тасгийн эрхлэгч Яков Беркун үзэж байна. Учир нь сөрөг үр нөлөө өндөр байдаг аж.

Түүний хэлснээр, орчин үеийн технологи судалгааны болон вакцин, тарилгын үр дүн, аюулгүй байдлыг шалгах хугацааг асар их хэмжээгээр богиносгож байна. Өмнө нь вакцин, тарилгыг гаргаж авах, туршихад олон арван жил шаардагддаг байсан бол өдгөө энэ хугацаа сараар хэмжигдэх болжээ. 2000 оны эхээр гарсан амьсгалын цочмог хам шинжийн эсрэг тарилгыг маш богино хугацаанд гаргаж авсан ч туршилт нь тав орчим жил үргэлжилсэн. Харин орчин цагийн технологи энэ хугацааг богиносгох боломж олгож байгаа ч хэр үр дүнтэйг нь шалгахын тулд цаг хугацаа шаардагдана гэж Яков Беркун үзэж байна. Израилд арван жилийн өмнө ротавирусний эсрэг вакциныг яаран нэвтрүүлсэн түүхийг тэрбээр жишээ болгожээ. Хүнд хэлбэрийн гастроэнтерит буюу ходоод, нарийн гэдэсний цочмог үрэвсэл үүсгэдэг эл вирусний эсрэг вакциныг олон хүнд хийсний дараа Израилийн эмч нар аюултай үр дагавартай тулгарчээ. Эмнэлзүйн туршилтын хоёр үеийг амжилттай давсан эхний вакциныг Израилд олон мянган хүнд хийсний дараа тухайн хүмүүст гэдэсний түгжрэл үүссэн байна. Тиймээс өдгөө КОВИД-19-ийн эсрэг вакциныг гаргаж авсны дараа яаран нэвтрүүлэхгүй байхыг анхааруулжээ.

Профессор Беркуны хэлснээр, өдгөө дэлхий дахинд 10 лаборатори вакциныг хүн дээр туршиж эхлээд байгаа бөгөөд нэр хүндтэй анагаах ухааны “Lancet” сэтгүүлд нийтлэгдсэн Хятадын эрдэмтдийн судалгаа түүний анхаарлын ихээр татжээ. Эхний үе шатанд вакциныг цөөн тооны хүмүүс дээр туршдаг бөгөөд энэ шатанд хэдийгээр туршилтад оролцсон хүмүүст бага зэргийн сөрөг үр нөлөө илэрсэн ч Хятадын судлаачид эерэг үр дүнд хүрч чадсан байна. Хамгийн гол нь ноцтой сөрөг үр нөлөө гараагүйн дээр туршилтад оролцсон хүмүүсийн 90 хувьд нь сөрөг биет үүсэж, эсийн хариу үйлдэл ажиглагджээ. Вакцин хийснээс хойш хоёр долоо хоногийн дараа эсийн хариу үйлдэл ажиглагдаж, дөрвөн долоо хоногийн дараа сөрөг биет хангалттай түвшинд бий болжээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

16 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...