Монголын рок попын ертөнцөд өөрийн дүр төрх, өвөрмөц дуу хоолойгоороо ялгарч чадсан цөөн хэдэн эмэгтэй дуучны нэг бол С.Сэрчмаа. Түүнийг фенүүд нь “Хайрын дууч” хэмээн нэрлэх нь ч  бий.

Уран бүтээл гэхээсээ илүү хувийн амьдралдаа анхаарах болсон дуучин бүсгүй уран бүтээлийнхээ ажилд ханцуй шамлан орсон сурагтай. Дуучин бүсгүй зургадугаар сарын 2-нд “Боловсрол суваг” телевизээр шууд тоглолтоор сонсогчидтойгоо уулзаж, бэлэг бариад амжсан. Харин энэ удаа дуучин С.Сэрчмаад “Vandebo” хамтлаг шинэ уран бүтээл дээр хамтран ажиллах санал тавьжээ.

Тэд анхны хамтын уран бүтээл болох “Аялгуу” дуугаараа цар тахлын үед шуурхай ажиллаж буй Засгийн газар, эмч, цагдаа, онцгой байдал, баярлаж байгаагаа илэрхийлсэн байна. “Хаа ч явсан цуг гэж мэдээрэй”, ”Эрх саран” зэрэг олон сайхан дуугаараа фенүүдээ байлдан дагуулж, Монголын рок поп ертөнцөд 20 гаруй жил гялалзаж яваа авьяаслаг дуучин бүсгүй өөрийн бие даасан таван цомог гаргасан байдаг.