Дэлхий дахинд

Польшид халдварын тохиолдол огцом нэмэгджээ

Нийтэлсэн

4 жил өмнө

2020-06-08

Нийтэлч

Польшийн Дээд Силесиа мужид байрлах нүүрсний уурхайд халдвар гарснаар өнгөрсөн амралтын өдрүүдээр шинээр 1151 тохиолдол бүртгэгджээ. Нүүрсний уурхайн ажилчид, ар гэрийнхний дунд халдварын тархалт өндөр байгааг эрүүл мэндийн албаныхан мэдээлэв. Польшид гуравдугаар сарын эхээр хатуу хөл хорио тогтоож, бөөгнөрөл үүсгэхээс сэргийлснээр Баруун Европ дахь халдварын эрчимтэй үеийг даван гарсан юм. Гэвч Дээд Силесиа мужид дөрөвдүгээр сарын 20-оос хөл хориог сулруулж, цэнгэлдэх хүрээлэнгүүдийг нээж, тавдугаар сарын сүүлээс сурагчид хичээлдээ явж эхэлжээ. Тус улсад нийтдээ 26 мянга 561 хүн халдвар авч, 1157 хүн нас бараад байна.

Олон улсад нийт халдварын тоо 7 сая 81 мянга гаруй болж, 405 мянга гаруй хүн нас бараад буй. Өнгөрсөн хоногт АНУ-д шинээр 18 мянга 687 хүн халдвар авсан бол Бразильд 18 мянга 375-аар шинэ тохиолдол бүртгэгджээ. Түүнчлэн өчигдөр Энэтхэгт 10 мянга 884 хүн, ОХУ-д 8984 хүн, Чилид 6405 хүн, Пакистанд 4960 хүн, Мексикт 3593 хүн, Саудын Арабт 3045 хүн шинээр халдвар авсан нь тогтоогджээ.

Нийт халдвар авсан хүний тоо АНУ-д хоёр сая давж, 112 мянга гаруй хүн нас барсан бол Бразильд халдварын 691 мянга гаруй тохиолдол бүргэгдэж, 36 мянга гаруй хүн нас барсан байна. Бразиль өчигдөр 542 хүн нас барснаар хоногт хамгийн олон хүн нас барлаа. Харин ОХУ-д 467 мянга гаруй хүн халдвар авч, 5859 хүн нас баржээ.

Эх сурвалж: ВВС, Worldometer

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

17 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...