Дэлхий дахинд

Хойд болон Өмнөд Солонгосын байдал хурцдав

Нийтэлсэн

4 жил өмнө

2020-06-09

Нийтэлч

БНАСАУ-ын оюутнууд өчигдөр /2020.06.08/ нийслэл Пёньян болон Кэсон, Расон, Нампхо зэрэг аймгуудад жагсаал зохион байгуулжээ. Тэд улсынхаа хилийн бүс нутгуудад суртал ухуулах хуудас болон бусад материал илгээсэн Өмнөд Солонгосыг эсэргүүцэн жагссан тухай KCNA буюу Хойд Солонгосын мэдээллийн төв агентлаг мэдээлэв.

Мөн өнгөрөгч Даваа гаригт Хойд Солонгос 2018 оноос хойш анх удаагаа Өмнөд Солонгосын дуудлагад хариу өгсөнгүй. Мөн өнөөдөр/2020.06.09/ буюу Мягмар гаригийн өглөө Хойд Солонгосын албан тушаалтнууд хоёр улсын холбооны өдөр тутмын дуудлагад хариу өгөөгүйгээс гадна цэргийн шууд дуудлагад ч хариу өгөөгүй тухай Ёнхап агентлаг мэдээллээ.

Энэхүү шийдвэрийг Хойд Солонгосын удирдагчийн хүчирхэг дүү охин Ким Ё Чон болон Тагнуулын газрын дарга асан Ким Ён Чол нар гаргасан гэж эх сурвалжууд мэдээлж байна. Хойд Солонгосын мэдээллийн төв агентлагийн мэдээлж буйгаар “Өмнөд Солонгостой харилцах бүхий л боломжуудаа бүрэн зогсоох, шаардлагагүй харилцах хэрэгслүүдээ ажиллагаагүй болгох эхний алхам боллоо” гэжээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

18 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

5 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...