24 баримт

М.Энхболдын улс төрд сойсон тод од

Нийтэлсэн

6 жил өмнө

2018-12-19

Нийтэлч

Admin

24barimt.mn” сайт Лхагва гариг бүр олны танил эрхмүүдийн хүүхдүүдээс нэгийг онцолж байгаа билээ. Энэ удаа УИХ-ын дарга М.Энхболдын охин Э.Хулангийн талаархи 24 баримтыг сонирхуулж байна.

Баримт 1.

МАН-ын толгой лидерүүдийн нэг М.Энхболд ганц охин Хулангаа өөхөнд хучсан бөөр шиг нандигнан хайрлаж өсгөсөн. Арга ч үгүй биз. Хөлд орооцолдох олон хүүхэд байхгүй болохоор.

Баримт 2.

Хуланг улс төрд хөл тавих цаг нь болоогүй байсан юм хэмээн шүүмжлэх хүн цөөнгүй. Гэвч тэрбээр сайн эх, эцгийн буянаар 2010- 2013 онд Лондон хот, Грийнвичийн их сургууль, 2013-2016 онд МУИС-ийн харьяа Хууль зүйн сургуулийг тус тус дүүргэсэн байдаг.

Баримт 3.

Э.Хулан бяцхан охин байхдаа аавынхаа намд элсэхийг мөрөөдөж байжээ. Тэгээд 16 насны босго алхсан тэр өдөр МАН-д элсэх өргөдлөө өгсөн ч хэд хоногийн дараа боломжгүй гэсэн хариуг сонссон байна. Учир нь тэрбээр насанд хүрээгүй байсан хэрэг.

Баримт 4.

Хоёр жилийн дараа даагаа нэхэж 18 настайдаа мөрөөдөл болсон намдаа элсч МАН-ын гал улаан батлахыг өвөртөлжээ. Тэгэхдээ бүр төрсөн өдрөөрөө намд элссэн түүхтэй. Энэ нь цаанаа аавынхаа гаргасан жимээр алхах цаашлаад үйл хэргийг нь үргэлжлүүлэх гэсэн далд бодол, зорилго байхыг үгүйсгэх аргагүй.

Баримт 5.

Хулан бүсгүй байдаг үгүй нь мэдэгдэхгүй батлах өвөртөлсөн сул гишүүн байхыг хүсэхгүй. Мяндаг цолтойн хувьд ч М.Энхболд дарга газар дээрх ганц охиноо тийм байлгахыг хүсэхгүй нь мэдээж. Тиймдээ 2013 онд Сонгинохайрхан дүүргийн МАН-ын 45 дугаар үүрийн дарга болгож, мөн ондоо Сонгинохайрхан дүүргийн НАМЗХ-ын даргын албан тушаалд тохоон томилсон биз ээ.

Баримт 6.

Улс төр хэмээх томоохон тогоонд чанагдаж эхэлсэн ч бүтээгдэхүүн болж амжаагүй байсан Э.Хулан гараанаас хөдөлсөн галт тэргээ хурд авахуулахаар 2016 оны орон нутгийн сонгуульд оролцох хүсэлт гаргасан. Энэ нь ч төвөггүйхэн бүтэж, нэр дэвших эрхээ өвөртлөв. Үүнд нам толгойлж явсан аавынх нөлөө байсан нь дамжиггүй.

Баримт 7.

М.Энхболд цуутай уяачийнхаа хэргийг гаргаж, орон нутгийн сонгуульд сойсон эрх танхил охин нь барианд орж, Сонгинохайрхан дүүргийн ИТХ-ын төлөөлөгч, тэргүүлэгч болов.

Баримт 8.

Сонгуулийн үед нэртэй парламентич, намын дарга хүний охин улс төрд орж байгааг сонгинохайрханчууд сайшаан хүлээн авсан.

Баримт 9.

Нэр төртэй эрхмүүдийн хүүхдүүдийн хуримуудаас хамгийн дуулиан шуугиан дагуулсан нь М.Энхболдын эрх гүнжийн хурим. Шангрила зочид буудлыг доргитол нижгэр найрласан. Хуриманд улс төр, нийгэм соёлын алдартнууд бараг бүгд цугласан юм.

Баримт 10.

Хосууд хуримандаа 500 мянган еврогийн үнэтэй “Rolls Royce” машин хөлөглөн ирж, бенз жийпний цуваа хотын гудамжийг бүрхэн ёстой л хэний охин хуримлаж буйгаа харуулсан даа. Найр хуримын бараа сүрийг яривал намрын шаргал навчсыг ичтэл хуримласан гэхэд ч болно.

Баримт 11.

Э.Хуланг гэргийгээ болгон хуримаа хийсэн азтай залуу бол Дорнодын харьяат нэгэн. Түүний аав ээж нь Дорнодын Төмөр замд насаараа ажилласан эгэл ардууд. Эдүгээ цагт буян буянаараа, будаг өнгөөрөө гэгчээр томчууд хоорондоо худ ураг болдог жаяг үйлчилж буй. Тэгвэл Э.Хулан тэднээс өөр сонголт хийсэн нь ард түмний талархыг хүлээсэн. Тэд МУИС-ийн Хууль зүйн дээд сургуулийн нэг ангийн хоёр.

Баримт 12.

Аавын хайранд өлгийдүүлж өссөн Хулан намрын шаргал навчсыг ичтэл хуримлахдаа улс төрд хөл тавих захиалгаа хэдийнэ өгсөн байсан гэх яриа байдаг. Тиймээс хуримынхаа маргааш л шинэ албан тушаалдаа очсон гэх яриа гарсан.

Баримт 13.

Хэдэн жилийн өмнө аравдугаар Богд мэндэлнэ гэсэн яриа гарсансан. Тухайн үед зохиолч Д.Батбаяр “Дилав хутагтын эргэн тойронд” нийтлэлдээ “М.Энхболдын охин Монголын шарын шашны эзнийг төрүүлэхээр биеэ бэлтгэж буй” хэмээн бичиж байжээ. Хатагтай Э.Хулангаас төрсөн хүү үнэхээр Богд гэгээн мөн эсэхийг цаг хугацаа харуулах буй за.

Баримт 14.

Нэгэн зүйлийг эргэн санахад, тэрбээр орон нутгийн сонгуулийн үед “Би аливаад уян зөөлөн, торгон мэдрэмжтэй, амьдралд ойр, үнэний талд зогсох үедээ иртэй хатуу байх болно” хэмээн өөрийгөө сурталчилсан байдаг. Түүний хэр хатуу байхыг ирэх он жилүүд л харуулах байх даа.

Баримт 15.

Э.Хулан нэртэй төртэй, баян тансаг айлын эрх, танхи охин ч зарим нөхдүүдийн адил аав, ээжийн нэр төрийг сэвтээгээгүй нэгэн учраас сонгинохайрханчууд хийгээд МАН-ынханд таалагддаг. Энэ нь түүний бас нэгэн давуу тал билээ.

Баримт 16.

Өдгөө дүүргийн Иргэдийн хурлын төлөөлөгчийн ажлын хажуугаар НАМЭХ-ны тэргүүнээр ажилладаг. Мэдээж хэрэг улс төрийн хоёр албан тушаалыг зэрэг хашна гэдэг амаргүй ч тэрбээр эхийг нь эцээхгүй тугалыг нь тураахгүй гэдэг шиг гүйж яваа аж.

Баримт 17.

Хөрөнгө чинээтэй айлын хүүхдүүдийг нэрлэх нэгэн нэршил бий. Тодруулж хэлбэл, баян айлын бандгар гэхчилэн. Тэгвэл үүнд Э.Хуланг яг зохицсон хэмээн ярьдаг. Ер нь, оргүй бус ханатай мэт. Бас л даацтай хөвсгөр бүсгүй шүү.

Баримт 18.

Э.Хуланг тарган цатгалан гээд л гоочлох хүн олон. Гэхдээ хүн бүрт өөрийн гэсэн зовлон бий. Тэгвэл Э.Хуланг сахарын өвчтэй гэж мэдээлсэн байдаг. Тиймээс эмэгтэй хүнийг элдэвлэгч нар минь түүнийг бүү гоочил. Та ч бас охин үртэй л байлгүй.

Баримт 19.

Эмэгтэй хүн улс төрийн тогоонд чанагдах тийм ч хялбар биш. Адаглаад ар гэр, үр хүүхэд гээд яривал олон зүйл бий. Мөн гэр бүлийн хүний дэмжлэг байхгүй бол явах ч юм биш. Тэгвэл түүнийг улстөрч болохыг нөхөр Чинзориг нь хоёргүй сэтгэлээр дэмжиж, зүтгүүлсэн гэдэг.

Баримт 20.

Өнөөдөр түүний амьдралын маршрут тодорхой болжээ. Өглөө ажил, орой гэр аж. Учир нь, түүний хаших алба цөөдөөгүй.

Баримт 21.

Түүний хувьд тансгийн дээдийг эдэлж, эцэг эхийн хайранд умбаж өссөн ч эдүгээ Э.Хулан гэр хорооллын гудамж хэрэн хэсч, айлын нохой боргуулан явна. Барагтай баянтай айлын бацаан ийм ажил хийгээд гүйж байхгүй. Болж өгвөл тансаг өрөөнд ширээний араас хүн загнаад сууж байхыг хүснэ. Харин Э.Хулан тийм тансаглал хэрэггүй гэж үздэг.

Баримт 22.

Улс төрийн хатуу хөтүү амьдралыг сонгосон зарим талаар буруудаагүй. Тэрбээр 2017 оны шилдэг улстөрч болсон.

Баримт 23.

М.Энхболдын гүнж чамин ганган зүүсгэл чимэглэлд туйлын дуртай. Түүндээ ч мөнгө харамгүй зарцуулдаг. Эмэгтэй хүн юм хойно элдвийн чамирхалд дуртай байлгүй ч яах вэ.

Баримт 24.

Хулан хатны хувцас шүүгээндээ хэдийнэ багтахаа больж, тусгай өрөө гаргасан гэж дуулдсан. Зөвхөн хавар намрын гутал нь гэхэд дангаараа 130 гэнэ лээ. Тэр загвар сайтай, хөлд эвтэйхэн гуталд гар татдаггүй гэнэ.

Сэдвүүд:

Дэлгэрэнгүй ...

16 Сэтгэгдэл

24 баримт

ГАВЬЯАТ БОКСЧИН М.НАНДИНЦЭЦЭГИЙН ТУХАЙ 24 БАРИМТ

Нийтэлсэн

2 жил өмнө

2022-09-20

Нийтэлч

24barimt

БАРИМТ 1. Тэрбээр 1988 оны зургаадугаар сарын 3-нд Эрдэнэт хотод төржээ.

БАРИМТ 2. Ам бүл тавуулаа. Айлын том охин бөгөөд хоёр дүүтэй.

БАРИМТ 3. Анх түүнд “Шавь” цогцолбор сургуулийн биеийн тамирын багш Х.Хүдэрбаатар боксын спортоор хичээллэх санал тавьж байжээ.

БАРИМТ 4. “Шавь” цогцолборт гурван сар хэртэй бэлтгэл сургуулилт хийж, дасгалжуулагч Л.Энхбаатар багшид шавь оржээ..

БАРИМТ 5. Тэрбээр Л.Энхбаатар багшийнхаа анхны эмэгтэй шавь нь юм.

БАРИМТ 6. 2003 оны өсвөр үеийнхний УАШТ-ий 48 кг-ын жинд хүрэл медаль хүртжээ. Энэ нь түүний анхны амжилт юм.

БАРИМТ 7. Бэлтгэл хийж эхлээд удаагүй байхдаа анхны тэмцээнээсээ хүрэл медаль хүртсэн цагаас эхлэн аав, ээж нь одоог хүртэл дэмжиж байгаа ажээ

БАРИМТ 8. М.Нандинцэцэг боксын спортоор 2003 оноос хойш хичээллэж байгаа бөгөөд энэ хугацаанд сүүлийн 12 жилийн турш УАШТ-ийг тасралтгүй тэргүүлсэн.

БАРИМТ 9. Тэрбээр Америкийн боксчин Марлен Эспарзатай 2011 оны Дэлхийн цомд тулалдсан удаатай.

БАРИМТ 10. Тэрбээр голдуу эрэгтэйчүүдтэй бэлтгэл хийдэг.

БАРИМТ 11. Тэр МУБИС-ийг 2010 онд спорт аялал жуулчлалын мэргэжлээр төгссөн. Төгсөөд сургуульдаа хоёр жил ажиллажээ.

БАРИМТ 12. Тэрбээр баруун гараараа бичдэг ч солгой өрөлттэй.

БАРИМТ 13. Тэр өрсөлдөгчөө ихэвчлэн өөр рүүгээ дуудаж тоглодог. Урд гарын хажуу, хойд гарын шулуун цохилттой.

БАРИМТ 14. Түүний ээж цэцэрлэгийн багш. Хүмүүс түүнийг ээжтэйгээ их адилхан гэдэг. Ээж нь залуудаа хөнгөн атлетикаар хичээллэдэг байжээ.Харин түүний аав Үндэсний цэцэрлэгт хүрээлэнд ажилладаг.

БАРИМТ 15. М.Нандинцэцэг нь Монгол Улсын 11 удаагийн аварга бөгөөд Азийн наадмаас хүрэл медаль, дэлхийн цомын мөнгөн медальтай юм.

БАРИМТ 16. Тэр энгийн үед өдөрт 2-3 цагийн бэлтгэл хийдэг. Харин тэмцээнд явах үедээ өдөрт 3-4 удаа бэлтгэл хийдэг. Бэлтгэлийнх нэг давтамж хоёр цаг үргэлжилдэг байна.

БАРИМТ 17. Сонирхогчдын боксын эмэгтэйчүүдийн Дэлхийн аварга шалгаруулах тэмцээн Энэтхэгийн Шинэ Дели хотноо 2018 онд арваннэгдүгээр сарын 15-24-нд явагдаж өнгөрсөн. Тус тэмцээнд тэр Мароккогийн Зохра Захроутай хүрэл медалийн төлөө тулалдаж, 5:0 ялалт байгуулсан юм. Улмаар Болгарын С.Петроватай мөнгөн медалийн төлөө тулалдаж ялагдсан юм.

БАРИМТ 18. Гэвч тэрбээр хүрэл медалийн болзол хангаж, Монголын эмэгтэй боксчдоос дэлхийн медаль хүртсэн анхны боксчин болоод байгаа.

БАРИМТ 19. Энэ нь түүнийг “Бөртэ чоно 2018” наадмын оны шилдгийн шилдэг тамирчин болгож байв.

БАРИМТ 20. Түүний эдгээр амжилтууд Монгол Улсад боксын спорт үүсч хөгжсөний 70 жилийн түүхэн ойд барьсан том бэлэг байлаа.

БАРИМТ 21. Жингээ хасах гэж байгаа залуучуудад бокс хамгийн тохиромжтой учир хичээллээрэй хэмээн уриалдаг.

БАРИМТ 22. Гоо сайханд орж, дэлгүүр хэсэх туйлын дуртай.

БАРИМТ 23. Хүмүүс түүнийг рингэн дээрээс харахад ширүүн харцтай, айхтар харагддаг гэдэг бөгөөд тулж яривал их зөөлөн эмэгтэй гэж дүгнэдэг.

БАРИМТ 24. Олон улсын боксын холбоо эмэгтэй тамирчдын чансааг гаргахад тэрбээр 875 оноогоор гуравдугаарт бичигдэж байв.

Дэлгэрэнгүй ...

24 баримт

Букенхемийн ордон Хатан хаан II Элизабетийн 24 баримт

Нийтэлсэн

2 жил өмнө

2022-09-12

Нийтэлч

24barimt

Букенхемийн ордон Хатан хаан II Элизабетийг таалал төгссөн (2022.09.08) мэдээг зарлалаа.
II Элизабет Хатан хаан бол Нэгдсэн Вант Улс болон Хамтын нөхөрлөлийн бусад 14 хаант
улсын хатан хаан байсан юм. 70 жил Их Британийн хаан ширээнд суусан II Элизабет таалал
төгссөнөөр түүний хүү Чарльз III 74 насандаа хаан болж буй юм.

Хатан хаан II Элизабетийн
талаархи 24 баримтыг хүргэе.

1. II Элизабет бол Их Британийн хамгийн удаан хаан ширээнд суусан хатан хаан. Тэрбээр 70 жил хаан ширээнд суужээ.

2. Түүнийг хаан ширээнд суусан энэ 70 жилийн хугацаанд Их Британид 15 Ерөнхий сайд солигджээ. Түүний засаглал 1874 онд төрсөн Уинстон Черчиллээс эхлээд 1975 онд төрсөн хатагтай Лиз Трасс хүртэл 15 Ерөнхий сайдыг хамарчээ.

3. Хатан хаан Элизабет 1926 оны дөрөвдүгээр сарын 21-нд Лондонгийн Мэйфэйр хотод Йоркийн гүн, гүнгийн авхайн анхны хүүхэд болон мэндэлсэн. Тухайн үед Элизабет Александра Мэри Виндзортыг хаан ширээнд сууна гэж бараг хэн ч таамаглаж байгаагүй юм. Гэсэн ч 1936 онд түүний авга ах Эдвард VIII хаан ширээнээс татгалзсанаар Элизабетийн аав Жорж VI хаан болсон юм. Ингэснээр Лилибет 10 настайдаа хаан ширээг залгамжлагчаар тодров.

4. Лилибет гүнж 21 насандаа 1947 оны арваннэгдүгээр сарын 20-нд Вестминстрийн сүмд Дани, Грекийн хунтайж Филиптэй гэрлэв. Грекийн хунтайж Филипп Эдинбургийн герцог цол хүртжээ. Тэд энэ цагаас хойш 74 жил хамтдаа аз жаргалтайгаар амьдарсан бөгөөд хунтайж Филипп 2021 онд 99 насандаа таалал төгссөн билээ.

5. Хатан хаан Элизабет, хунтайж Филипп нар гурван хүү, нэг охинтой. Ууган хүү Чарльз нь 1948, Анн гүнж 1950, ханхүү Эндрю 1960, хунтайж Эдвард 1964 онд төржээ. Хатан хаан найман ач, 12 гучтай болоод байв. Ханхүү Эндрюг төрүүлснээр хаан ширээнд сууж байхдаа амаржсан анхны хатан болж байв.

6. Хүндээр өвдсөн байсан аав Жорж VI хааныг төлөөлөн Кени улсад айлчлал хийж байсан угсаа залгамжлагч Элизабет Лондонд буцаж ирэхдээ хатан хаан болон ирж байв. Энэ бол 1952 оны зургадугаар сар байлаа. Элизабетийг Кени улсад айлчилж байхад нь хаан таалал төгссөн юм.

7. 1952 оны зургадугаар сарын 2-нд Вестминстрийн сүмд Элизабет II титэм зүүсэн юм. Түүний титэм зүүх ёслолыг үзэхээр 20 сая хүн цугларсан байсан гэдэг. Ийнхүү Элизабетийн хаанчлал 27 насанд нь эхлэв.

8. Хаан төрийг барьж байсан энэ хугацааны онцлох шинэчлэл нь Букенгэмийн ордныг олон нийтэд нээлттэй болгосон нь юм. Хатан хааны гэр бүлийн ховор нандин цуглуулгыг олон нийтэд дэлгэн үзүүлэхээр хамгийн анх 1962 онд Букингэмийн ордон олон нийтийн өмнө үүдээ нээж байв.

9. Хатан хааны хамгийн олон удаа айлчилсан улс нь Канад байв. Хаан ширээнд заларснаасаа хойш дэлхийн 116 оронд очсон тэрбээр Канадад 22 удаа айлчилж байжээ. Тэрбээр мөн жил бүр Эдинбүргт очдог байсан. 1986 онд Хятадад айчлилснаар тус улсад айлчилсан Британийн хамгийн анхны язгууртан болж байв.

10. Түүнийг хаанчлах энэ хугацаанд маш олон улс төрийн болон нийгмийн өөрчлөлтүүд гарсан. Дайны дараах хэмнэлтийн жилүүдээс эхлээд эзэнт гүрнээс хамтын нөхөрлөл рүү шилжих шилжилт, хүйтэн дайны үе, Их Британи Еюропын холбоонд элсч, гарах гээд маш олон өөрчлөлт авчирсан үйл явдлууд II Элизабетийн хаанчлалын үед тохиожээ.

11. Элизабет бол Францын XIV Луигийн араас хамгийн урт насалсан, хамгийн удаан хаан ширээнд суусан Их Британийн хаан бөгөөд дэлхийн түүхэн дэх хамгийн удаан засагласан бүрэн эрхт хоёр дахь хаан байсан юм.

12. Хатан хааны гурван хүүхэд нь гэр бүлээсээ салж, угсаа залгамжлагчийн гэргий байсан гүнж Диана Парист автомашины ослоор өөд болсон зэрэг нь Хатан хааны хувийн амьдралын хамгийн гунигт үе нь байсан гэдэг.

13. Хатан хаан Элизабет гэртээ хувиараа боловсрол эзэмшсэн бөгөөд Дэлхийн II дайны үед туслах нутаг дэвсгэрийн албанд алба хаасан. Армийн эмэгтэйчүүдийн хэсэгт тэрбээр Ерөнхий сайд Уинстон Черчиллийн охинтой хамт элсч байжээ.

14. Хатан хаан II Элизабет жолоо барих маш дуртай байсан. Дэлхийн II дайны сүүлийн хэдэн саруудад эмэгтэйчүүдийн цэргийн ангид элсэж, механикч-жолооч чиглэлээр бэлтгэгдэж, дэслэгч цол хүртэж байв. Мэдээж хэрэг хатан хаанд хувийн жолооч байдаг ч, тэрээр амралтын өдрүүдээр өөрөө жолоо барих дуртай байв.

15. Хатны титэм XV зуунаас хойш янз бүрийн хэлбэртэй байсан. Одоогийн хувилбарыг 1937 онд бүтээсэн.

16. Хатан хаан II Элизабет бол Их Британи улсын нутаг дэвсгэр дээр жолооны үнэмлэхгүйгээр жолоо барих эрхтэй цорын ганц хүн байсан юм. Тэрбээр бүх машиндаа улсын дугаар хадахгүйгээр явах эрхтэй байсан юм.

17. Хатан хаан Элизабет хаан байх хугацаандаа 3.5 сая гаруй захидал хүлээн авчээ. Харин 1976 онд хамгийн анх и-майл бичиж байсан бөгөөд Хатан хааны анхны и-майлыг Британийн армийн цэргүүд хүлээн авч байсан байна.

18. Тэрбээр 2010 онд “Британийн хаант засаглал” гэсэн нэртэй Фэйсбүүк хуудас нээж байжээ. Мөн тэрбээр ордны ажилтнуудын удирддаг @theroyalfamily хаягаар твиттер, инстаграмаа хөтөлдөг байжээ.

19. Хатан хааны эзэмшилд 88 хун багтдаг. Хатан хааны эрхэмсэг хунгууд Темза голд тусгай хамгаалагчийн халамж асаргаанд нутаглаж байдаг. Тэднээс гадна Их Британийн бүх гол мөрөнд байх халим, дельфин, аварга загаснууд хатан хааны эзэмшилд багтдаг юм. 1324 онд II Эдвард хаан улсынхаа нутаг дэвсгэрт байх бүх гол мөрний халим, аварга загасуудыг хааны мэдлийнх гэж тунхагласан нь өнөө хүртэл хүчин төгөлдөр үйлчилж байгаа аж.

20. Хатан хаан 200 орчим уралдааны тагтаатай байсан. Лилибет гүнж дүү Маргарет гүнжийн хамт тагтаа барьсан зураг ч бий.

21. Тэрбээр дөрвөн настайгаасаа морь унах дуртай болжээ. Тухайлбал, түүний анхны одой морь болох Пегги хэмээх Шетланд морийг дөрвөн настайд нь өвөө V Жорж хаан бэлэглэж байв. Хатан хаан адуу тэжээдэг бөгөөд улирал бүр 25 орчим морьдыг хааны уяанд сургадаг байв.

22. Хатан хаанд үнэт эдлэлийн арвин баялаг цуглуулга бий. Үнэт эдлэлийнх дийлэнх нь гоёмсог титмүүд бөгөөд заримыг нь үе уламжлан өвлөн авсан бол зарим нь бэлгэнд иржээ. Тухайлбал, дэлхийн хамгийн том ягаан алмааз бүхий титэм болон Австралийн нэгэн зүйл модны навчийг дүрсэлсэн асар үнэтэй энгэрийн зүүлтийг тус улсын Засгийн газраас түүнд бэлэглэж байсан юм.

23. Хатан хаан II Элизабеттай нэгэн цаг үед амьдарч буй эзэн хаадаас 60 гаруй жил төр барьж, очир эрдэнийн ой тэмдэглэсэн гурван л хүн байв. Тэд бол Тайландын эзэн хаан Бумибол Адулядж, Малайзын Жохор мужийн Султан, Японы эзэн хаан Хирохито байсан юм.

24. Их Британийн Хатан хаан II Элизабет 70 жил хаан ширээнд суусны эцэст 96 насандаа Шотландын Балморалд эдлэн газартаа 2022 оны есдүгээр сарын 8-нд таалал төгслөө.

Дэлгэрэнгүй ...

24 баримт

ӨНӨӨДРИЙН ОНЦЛОХ 24 БАРИМТ ЖҮДО БӨХИЙН АЗИ ТИВИЙН АВАРГА Ё.БАСХҮҮ

Нийтэлсэн

2 жил өмнө

2022-08-29

Нийтэлч

24barimt

Жүдо бөхийн Азийн аварга шалгаруулах тэмцээн Казахстан улсын Нур-Султан хотноо
үргэлжилж байна. Энэхүү тэмцээнд 17 улсын 168 шилдэг тамирчид өрсөлдөж байгаа бөгөөд
Монгол Улсаа төлөөлөн олимпын хүрэл медальт Ц.Цогтбаатар, Ё.Басхүү, Б.Хорлоодой
тэргүүтэй 18 бөх оролцож буй. Эрэгтэйчүүдийн -66 кг жинд өрсөлдсөн Ё.Басхүү алтан
медалийн төлөө Японы Рёома Танакаг ялж Азийн аварга цолны эзэн боллоо.

БАРИМТ 1. Ё.Басхүү нь 1993 оны аравдугаар сарын 1-ны өдөр Завхан аймгийн Нөмрөг суманд төржээ.
БАРИМТ 2. Энэ жил 29 нас хүр яваа тэрбээр үндэсний шигшээ баг, “Хилчин” спорт хорооны харьяат тамирчин юм.
БАРИМТ 3. Түүний биеийн өндөр 175 см, 66 кг жинтэй. 66 кг-ийн жинд барилддаг.
БАРИМТ 4. Ё.Басхүү 2019 онд Токиод болсон дэлхийн аварга шалгаруулах тэмцээнд анх удаа оролцож тавдугаар байр эзэлж байсан.
БАРИМТ 5. Түүний дараа 2021 оны Будапештийн дэлхийн аварга шалгаруулах тэмцээнээс хүрэл медаль хүртжээ.
БАРИМТ 6. Тус тэмцээн дээр хүрэл медалийн төлөөх барилдаанд Казахстаны бөх Елдос Жумакановтой учраа таарсан хэдий ч гэмтлийн улмаас дэвжээнд гараагүй байна.
БАРИМТ 7. Ё.Басхүү, Елдос Жумаканов хоёр нь өмнө нь хоёр удаа дэвжээнд таарч байсан бөгөөд Ё.Басхүү хоёр удаа давж байжээ.
БАРИМТ 8. Тэрбээр хэвлэлд өгсөн ярилцлагадаа “2019 оны дэлхийн аваргад эхнээсээ хүндхэн барилдаануудыг хийсэн. Дэлхийн аваргын бэлтгэл дээр эхний 20 бөхийн барилдааны бичлэгийг үзсэн ч яагаад ч юм Молдавын бөхийн бичлэгийг үзмээргүй санагдаад байсан. Гэтэл нөгөөх чинь надад нэг мэх бэлдсэн байж. Намайг лав барингуут шахаж татаад унагачихсан. Маш их харамссан, уйлмаар байсан. Дэлхийн дэвжээнээс медаль хүртэхийн төлөө хоёр жил уйгагүй бэлдсэний хүчинд санасандаа хүрсэн дээ” хэмээжээ.
БАРИМТ 9. Харин Токио 2020 олимпын наадмын шөвгийн наймд Ё.Басхүү, Японы Хифүми Абэтэй таарч вазари үнэлгээгээр ялагдсан.
БАРИМТ 10. Тэрбээр энэ талаараа “Хифүми Абэтэй хоёрдугаарт таарахдаа төлөвлөсөн барилдаанаа хийж чадаагүй. Үндсэн цагт оноо алдахгүй байгаад нэмэлт цагт явъя гэсэн бодолтой гарсан маань буруудсан ч байж магадгүй. Эхнээсээ л явдгаараа яваад барилдсан бол яах ч байсан юм билээ. Абэ аваргатай өмнө нь 2018 оны Осакагийн Гранд Слам, 2019 оны дэлхийн аваргад таарч хожигдож байсан. Хоёр хожигдлоо, хожлоо тайлъя гэж бодсон ч чадаагүй” хэмээн ярьсан.
БАРИМТ 11. Дэлхийн аваргын хүрэл медальт, Ази тивийн аварга Ё.Басхүү дотоодын улсын аварга шалгаруулах тэмцээнээс аварга авч үзээгүй гэнэ.
БАРИМТ 12. Улсын аварга шалгаруулах тэмцээнд дөрвөн удаа оролцсон ч 2018, 2019 онуудад хүрэл медаль хүртэж байжээ.
БАРИМТ 13. 2020 онд ОХУ-ын Екатеринбург хотод зохион байгуулагдсан “Их дуулга” тэмцээний 73 кг-ийн барилдаанд оролцоод шагналт долоодугаар байранд орсон.
БАРИМТ 14. Энэ тэмцээн түүний хувьд хамгийн дурсамжтай, урам өгсөн ялалт байсан тухай нэгэн ярилцлагадаа дурдсан байдаг.
БАРИМТ 15. Учир нь 66 кг-ийн жинд Д.Төмөрхүлэг, Д.Алтансүх нар барилдахаар болж Ё.Басхүүг 73 кг-ийн жинд барилдуулахаар болжээ. Шалгуулах гэтэл цагаан кимоногүй хэмээн бүртгэхээс татгалзсан тул Х.Цагаанбаатар уулзаад “Энэ 66 кг-д барилддаг хүүхэд. Хаашдаа 73 кг-д шалихгүй байх, бүртгээд авчхаач” гэж гуйгаад зөвшөөрүүлж байжээ.
БАРИМТ 16. Түүний жүдогийн анхны багш нь Завхан аймгийн Нөмрөг сумын харьяат, аймгийн заан Г.Батцэрэн бол хотод ирж “Аврагч” спорт хорооны Ц.Шийрэв багш дээр иржээ. Харин одоо үндэсний шигшээ багт ахлах дасгалжуулагч Х.Болдбаатар тэргүүтэй багш нарын бэлтгэл дор удирдуулж байна.
БАРИМТ 17. Харин түүнийг жүдо бөхөөр хичээллэхэд хамгийн их нөлөөлсөн хүн нь улсын гарьд М.Баяржавхлан. М.Баяржавхлан нь түүний өвөөгийн талын ойрын хамаатан юм.
БАРИМТ 18. Ё.Басхүү дээрээ нэг төрсөн ахтай. Түүний ах Ё.Улсболд нь Завхан аймгийн начин цолтой.
БАРИМТ 19. Тэрбээр бага наснаасаа эхэлж барилдаж эхэлжээ. “Найзууд, дүү нартайгаа орой, шөнө байсан ч сарны гэрэлд ч хамаагүй барилддаг байсан. Г.Батцэрэн багш маань хивс дэвсэж байгаад барилдуулдаг байсан” гэв.
БАРИМТ 20. Жүдо бөхөөс гадна үндэсний бөх, самбо, кураш бөхөөр барилддаг. Завхан аймагтаа дөрвөн сумын нэгдсэн барилдаанд зодоглож түрүүлж байсан.
БАРИМТ 21. Хамгийн анхны тэмцээн нь самбо бөхийн залуучуудын улсын аварга шалгаруулах тэмцээний 62 кг-д барилдаж хүрэл медаль хүртэж байсан бол жүдо бөхөөр “Шонхор кап” тэмцээнд оролцож түрүүлж байжээ.
БАРИМТ 22. Ардын хувьсгалын түүхт 100,101 жилийн ойн хүчит бөхийн барилдаанд зодоглож нэгийн даваанд улсын заан Н.Жаргалбаяртай учраа таарч өвдөг шороодсон.
БАРИМТ 23. Хүүхэд байхдаа хурдан моринд хайртай, морь унах дуртай байв.
БАРИМТ 24. Эдгээр өдрүүдэд Казахстан улсын Нур-Султан хотноо зохион байгуулагдаж байгаа Ази тивийн аварга шалгаруулах тэмцээнд манай улсаас 18 жүдоч оролцсоноос -66 кг жинд Японы Риома Танакаг ялж Ё.Басхүү алтан медаль хүртсэн.

Дэлгэрэнгүй ...

24barimt.mn

М.Энхболдын улс төрд сойсон тод од

Баримт 1.

Баримт 2.

Баримт 3.

Баримт 4.

Баримт 5.

Баримт 6.

Баримт 7.

Баримт 8.

Баримт 9.

Баримт 10.

Баримт 11.

Баримт 12.

Баримт 13.

Баримт 14.

Баримт 15.

Баримт 16.

Баримт 17.

Баримт 18.

Баримт 19.

Баримт 20.

Баримт 21.

Баримт 22.

Баримт 23.

Баримт 24.

Хариулах

24 баримт

ГАВЬЯАТ БОКСЧИН М.НАНДИНЦЭЦЭГИЙН ТУХАЙ 24 БАРИМТ

24 баримт

Букенхемийн ордон Хатан хаан II Элизабетийн 24 баримт

24 баримт

ӨНӨӨДРИЙН ОНЦЛОХ 24 БАРИМТ ЖҮДО БӨХИЙН АЗИ ТИВИЙН АВАРГА Ё.БАСХҮҮ

О.Алтангэрэл: Шаардлага хангасан дээд боловсролтой залуус хоёр жилийн хөтөлбөрт хамрагдаж офицер болох боломжтой

“Мэргэжлийн ангийн дүрэм”-ийг баталж, захиргааны хэм хэмжээний актад бүртгүүллээ

Дата, өгөгдлийн бие даасан байдлыг бүрдүүлнэ

Их, дээд сургуулиудын академик эрх чөлөөг хангаж, өмчийн хэлбэр харгалзалгүйгээр дэмжин ажиллана

Хөвсгөл аймгийн Ханх суманд газар хөдөллөө

Канад улсын баруун бүс нутгийн Саскачеван, Манитоба мужид 30 см зузаан цас оржээ

Сумын цолтон залуу бөхчүүдийн барилдааны цахим бүртгэл эхэллээ

Хог шатсан дуудлага нэмэгдэх хандлагатай байна

Сонгинохайрхан дүүргийн 75 өрхийн цахилгааны монтажийг шинэчиллээ

Тэмбүүгийн өвчлөл 154 тохиолдлоор өсжээ

Мал аж ахуйн салбарын нэмүү өртөг, хүртээмжтэй хөгжлийг дэмжих санамж бичиг байгууллаа

Нийслэлийн хэмжээнд хүүхдийн амбулаториуд уртасгасан цагаар ажиллаж байна

“Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт”-ийн талаарх хяналтын сонсгол боллоо

Ж.Баясгалан: Өндөр настнууд, хөгжлийн бэрхшээлтэй иргэд халамж авахаасаа илүү боломж олдвол хөдөлмөрлөхийг хүсдэг

“Эрдэнэс Монгол” нэгдэлд хэрэгжих дараагийн реформыг дэмжлээ

Монгол Улсын Ерөнхийлөгч 2025 оны Төсвийн тухай хуульд бүхэлд нь хориг тавилаа

Нийгмийн даатгалын үндэсний зөвлөлийн дүрмийг шинэчлэн баталлаа

Төрийн албаны ерөнхий шалгалт эхэллээ

Аялал жуулчлалыг хөгжүүлэх үндэсний хорооны ээлжит хуралдаан болов

Орц, гарц хааж, дулааны шугамыг эвдсэн барилгын компанийн үйл ажиллагааг түр зогсоолоо

“Эрүүдэн шүүхийн эсрэг конвенц”-ыг хэрэгжүүлэхэд чиглэсэн ажлуудыг үнэлэх хэлэлцүүлэг боллоо

Иргэдийн гомдлыг хиймэл оюунд суурилсан технологиор шийдвэрлэнэ

Хүний эрх, эрх чөлөөг хамгаалахтай холбоотой хяналтын сонсгол өнөөдөр болно

ТББХ: “Үндсэн хуулиа дээдлэн залах тухай” УИХ-ын тогтоолын төслийг батлахыг дэмжлээ

Улаанбаатарын анхны дагуул хот Шинэ Зуунмодыг бүтээн байгуулна

Автомашины гаалийн мэдүүлгийг хүлээн авагчид зориулж цаасаар хэвлэх ажлыг зогсоож, цахимд шилжүүлнэ

“Монгол өв уламжлал, ёс заншлын өргөө” 100 ортой гэр цэцэрлэг ашиглалтад ороход бэлэн боллоо

Амьдралд тэмүүлсэн 25 бяцхан зүрх

С.Мөнхзул Дэлхийн аварга боллоо

АТГ: Гэмт хэргийн шинжтэй 43 өргөдөл, гомдлыг хүлээн авав

“MCS” хэмээх эзэнт гүрний эцэг болсон Ж.Оджаргалын 24 баримт

“Гоо брэнд”-ийн онцлох 24

ХӨГШРӨЛТИЙН ЭСРЭГ ХАМГИЙН ҮР ДҮНТЭЙ ТАРИЛГА ЭМЧИЛГЭЭ БОЛ SMART PRP

М.Энхболдын улс төрд сойсон тод од

Хагасайн өдөр буюу бямба гаригт Улаанбаатарт бороо орно

Р.Батжаргал: Анхны жил 23-хан сая төгрөг өгч, нүүр улайлгаж байлаа. Одоо гуйхаа ч больсон

ЭТТ ХК: Нэг сая орчим иргэний 1072 хувьцааны ногдол ашгийг шилжүүлээд байна

Д.Пүрэвдорж: Чингис шүлэг

М.Энхболд албан тушаалаасаа огцрохоор болжээ

Харбины мөсөн баримлын тэмцээнд Монголын баг түрүүлжээ

Нүцгэн төрхөө дэлгэцнээ мөнхөлсөн Б.Батмаагийн гэрэл зургаас

Тэргүүн хатагтай Баттулга асан Анжелика

Гэрлийн хурдаар хөрөнгөжсөн Ж.Мөнхбатын дараагийн нууц байшин

Дуучин А.Түмэн-Өлзий нөхрөөсөө салж, ганц бие болсноо зарлалаа

Дуучин А.Хишигдалай /24 Фото/

С.Эрдэнэ ерөнхий сайд болно…

Хятад муур, нохой, сарьсан багваахай зардаг захуудаа нээж эхэллээ