Нийгэм
Ц.Элбэгдорж БНХАУ-ын Нээлттэй бодлогын 40 жилийн арга хэмжээнд оролцож Ерөнхийлөгч Си Зиньпинтэй уулзжээ

Өнгөрөгч долоо хоногт Дэлхийн Манлайллын Эвсэл – Мадридын клуб, Хятадын ард түмний гадаад улстай найрсгаар харилцах нийгэмлэг хамтран БНХАУ-ын Гуан Дун мужийн Гуан Жоу хотод Imperial Springs International Forum-2018 зохион байгуулсан бөгөөд тус хуралд Мадрид Клубын гишүүн 40 гаран улсын Ерөнхийлөгч, Ерөнхий сайдаар ажиллаж байсан хүмүүс урилгаар оролцсон байна. Монгол Улсаас Ерөнхийлөгч асан П.Очирбат, Ц.Элбэгдорж нар уригдан оролцжээ.
Энэ жилийн форум Хятадын нээлттэй бодлого хэрэгжүүлж эхэлсэний 40 жилийн ойн хүрээнд явагдаж БНХАУ-ын Дэд Ерөнхийлөгч Ван Чишан хурлыг нээж үг хэлсэн нь тус форумд Хятадын төрөөс ихээхэн ач холбогдол өгчээ.
Мөн тус клубын гишүүн Ерөнхийлөгч, Ерөнхий сайдаар ажиллаж байсан дээрх зочдыг БНХАУ-ын Ерөнхийлөгч Си Зиньпин Бээжин хотноо хүлээн авч уулзаж Хятадын нээлттэй бодлого хэрэгжүүлж эхэлсний 40 жилийн ойн хүрээнд явагдаж буй хуралд оролцож өөрсдийн санал бодлоо хуваалцаж буйд талархал илэрхийлжээ.
Б.Аз

Нийгэм
ЭХЭМҮТ-д нэг настай хүүхдэд элэг шилжүүлэн суулгах мэс засал амжилттай хийлээ

ЭХЭМҮТ-ийн Хүүхдэд элэг шилжүүлэн суулгах баг, УНТЭ-ийн элэг шилжүүлэн суулгах хамтарсан багийнхан Монгол Улсад хамгийн бага буюу нэг настай хүүхдэд амьд донороос элэг шилжүүлэн суулгах мэс засал амжилттай хийлээ.
Энэ удаагийн хүүхдэд элэг шилжүүлэн суулгах эмчилгээний онцлог нь Монгол Улсад хамгийн бага настай буюу 1 настай хүүхдэд Амьд донороос элэг шилжүүлэн суулгасан аж.
Цаашид ЭХЭМҮТ нь 1 наснаас дотогш, бага сартай, бага жинтэй хүүхдэд элэг шилжүүлэн суулгах эмчилгээний шинэ технологийг нэвтрүүлж, төвлөрөлийг сааруулах, гадаад эмчилгээний урсгалыг багасгахаар ажиллаж байна.
Нийгэм
25 дугаар эмийн сангийн уулзвараас Амарсанаагийн гудамжны уулзвар хүртэлх зорчих хэсгийн урд талын замыг шинэчилж байна

Энхтайваны өргөн чөлөө буюу 25 дугаар эмийн сангийн уулзвараас Амарсанаагийн гудамжны уулзвар хүртэлх зорчих хэсгийн урд талын замын 1, 2 дугаар эгнээг шинэчлэн засварлаж байна. Тодруулбал, тус замыг 4.8 метрийн өргөнтэй зорж, рейсаклерын техник хэрэгсэл ашиглан 0.25 метрийн зузаантайгаар 6 хувийн цементээр бэхжүүлэн суурь хучилт хийж байна.
Нийгэм
Өнөөдөр монгол хэл, бичгийн шалгалт эхэллээ

Монгол хэл бичгийн шалгалтад 84969 шалгуулагч шалгалт өгөхөөр бүртгүүлжээ. Тодруулбал, шалгалтад 12 дугаар ангийн 39164, 11 дүгээр ангийн 30824, 10 дугаар ангийн 12909 сурагч мөн өмнөх оны төгсөгч 2108 гаруй шалгуулагч бүртгүүлсэн байна. Шалгалтыг улсын хэмжээнд 52 шалгалтын төвд зохион байгуулахаар бэлтгэл ханган ажиллаж байгаа аж. Шалгалтын комисс болон зохион байгуулах багт нийт 3301 багш ажилчид ажиллана.
Шалгуулагч нь бүртгэлээ баталгаажуулсны дараа БҮТ-өөс зарласан хугацаанд өөрийн бүртгэлийн дугаар болон нууц үгийг ашиглан ”суудлын хуваарь”-аа, www.eyesh.eec.mn цахим хуудасны “шалгуулагчийн булан”-аас хэвлэн авна.
- 2025.04.18-ны 10:00-11:40 цагт 12-р анги,
- 2025.04.19-ний 10:00- 11:40 цагт 11-р анги, 14:00-15:40 цагт 10-р ангийн сурагчид хамрагдана.