Энтертайнмент

Ардын хувьсгалын 100 жилийн ойн лого болон брэндбүүк бүтээх уралдаан зарлагдлаа

Нийтэлсэн

5 жил өмнө

2020-09-22

Нийтэлч

Зорилго: Ардын хувьсгалын 100 жилийн ой 2021 онд тохиож буйтай холбогдуулан лого, брэндбүүк бүтээх уралдааныг нийт дизайнер, зураач, уран бүтээлчдийн дунд нээлттэй зарлаж байна.

Ерөнхий шаардлага:

• Ардын хувьсгалын түүхэн үйл явдлыг бүрэн илэрхийлсэн утга агуулгатай байх;

• Дүрслэлийн шийдэлд үндэсний агуулга, орчин үеийн дүрслэх урлагийн элементийг хослуулан шингээсэн байх;

• Дүрслэлийн шийдэлд “100 жил” бичвэрийг тусгасан байх;

• График дизайныг мэргэжлийн программ дээр хийсэн байх;

• Өндөр нягтралтай (300 dpi-аас багагүй) байх бөгөөд жижгээс том руу хувиргахад харьцаа алдагдахгүй үндсэн элементүүд тод харагдахаар байх;

• Хар, цагаан болон өнгөт, өнгөгүй гадаргуу дээр хэвлэхэд тохиромжтой байх;

• Бүтээлийн тайлбарыг хавсаргасан байх;

• Уралдаанд нэг оролцогч хэдэн ч загвараар оролцож болох;

Брэндбүүк нь: албан бичиг /бланк/, дугтуй календарь, тэмдэглэлийн дэвтэр, үзэг, бал, туг, далбаа, дарцаг, CD ковер, цаасан хайрцаг, уут, аяга, түлхүүрийн оосор гэх мэт бүтээгдэхүүн дээр хэвлэж ашиглах боломжтой байх.

Уралдааны хугацаа:

Уралдааныг 2020 оны 09 дүгээр сарын 28-ны өдрийн 14:00-17:00 цагийн хооронд Сүхбаатар дүүргийн 7 дугаар хороо, Денверийн гудамж, Соёлын яамны байранд хүлээн авна. Файлаар munkhtsetseg@moc.gov.mn uyanga@moc.gov.mn цахим хаягт ирүүлэх ба хугацаа хоцорсон материалыг хүлээн авахгүйг анхаарна уу.

Шалгаруулах журам:

Уралдаанд ирүүлсэн материалыг комисс шалгаруулж, дор дурдсан байр эзлүүлэн шагнана.

Нэгдүгээр байр 1 – /4.000.000 төгрөг, батламж/

Хоёрдугаар байр 1 – /2.000.000 төгрөг, батламж/

Тусгай байр 2 – /тус бүр 1.000.000 төгрөг, батламж/

Жич: Ирүүлсэн бүтээлийг буцааж олгохгүй ба нэгдүгээр байранд шалгарсан бүтээлийг холбогдох хуулийн дагуу зохиогчийн эрхийг Соёлын яам эзэмшинэ. Мэдээллийг 99105938,91097828 утсаар холбогдон авах боломжтой.

МОНГОЛ УЛСЫН СОЁЛЫН ЯАМ

Сэдвүүд:онцлох

Дэлгэрэнгүй ...

Энтертайнмент

Жүдо бөхийн Азийн аварга шалгаруулах тэмцээн Бангкокт энэ сарын 25-д эхэлнэ

Нийтэлсэн

24 минут өмнө

2025-04-21

Нийтэлч

24barimt

Азийн жүдо бөхийн холбооноос жил бүр уламжлал болгон зохион байгуулдаг Жүдо бөхийн Азийн аварга шалгаруулах тэмцээн Тайландын нийслэл Бангкок хотод энэ сарын 25-д эхэлнэ.

Тус тэмцээнд энэ жил 30 орны 295 тамирчин оролцохоор бүртгүүлсэн бөгөөд Монголын шигшээ багийн 18 жүдоч оролцоно.

Эрэгтэй жүдоч:

-60 кг Бямбасүрэнгийн Сүхбат
-66 кг Баттогтохын Эрхэмбаяр
-73 кг Лавжаргалын Анхзяа
-73 кг Одгэрэлийн Уранбаяр
-81 кг Оюунчимэгийн Шинэбаяр
-90 кг Баттогтохын Мөнхбаяр
-100 кг Баярцэнгэлийн Хүдэрчулуун
+100 кг Батхуягийн Гончигсүрэн

Эмэгтэй жүдоч:

-48 кг Ганбаатарын Наранцэцэг
-52 кг Мягмарсүрэнгийн Нандин-Эрдэнэ
-52 кг Баянмөнхийн Уранзаяа
-57 кг Тэрбишийн Ариунзаяа
-63 кг Лхагватогоогийн Энхрийлэн
-70 кг Батсуурийн Ням-Эрдэнэ
-70 кг Дарханбатбаярын Есүй
-78 кг Айлтгүйбаатарын Дуламсүрэн
+78 кг Амарсайханы Адъяасүрэн

Дэлгэрэнгүй ...

Энтертайнмент

“Нүүдэл-999” шатрын анхдугаар тэмцээний бүртгэл үргэлжилж байна

Нийтэлсэн

1 цаг өмнө

2025-04-21

Нийтэлч

24barimt

Шатрын спортыг хөгжүүлэх, түгээн дэлгэрүүлэх, шатарчдын ур чадварыг дээшлүүлж, хүүхэд залууст спортын ач холбогдлыг таниулах зорилгоор “Нүүдэл-999” шатрын анхдугаар тэмцээнийг дөрөвдүгээр сарын 24-ний өдөр 09:00-18:00 цагийн хооронд Сүхбаатарын талбайн асарт зохион байгуулна.

Тэмцээний бүртгэл дөрөвдүгээр сарын 18-21-ний өдрийн 15:00 цаг хүртэл Баянгол дүүргийн спорт хорооны байранд болно.

“Нүүдэл-999” тэмцээний зохион байгуулагчаар НЗДТГ, “Түшээ Бэрс” төрийн бус байгууллага ажиллаж байна.

“Нүүдэл-999” нээлттэй тэмцээний ангилал:

Өсвөрийн шатарчид:

7-8 нас
9-10 нас
11-12 нас
13-14 нас
15-16 нас

Насанд хүрэгчид:

А зэрэглэл – 2100-аас дээш рейтингтэй
В зэрэглэл – 1700-2099 хүртэлх рейтингтэй
С зэрэглэл – 0-1699 хүртэлх рейтингтэй

Дэлгэрэнгүй ...

Энтертайнмент

Улсын заан М.Лхагвагэрэл бөхчүүдийн чансааг тэргүүлж байна

Нийтэлсэн

5 өдөр өмнө

2025-04-16

Нийтэлч

24barimt

Монголын үндэсний бөхийн холбоо шинэчлэлийн хөтөлбөрийн хүрээнд томоохон барилдаануудад чансааны оноо олгох журмыг хэрэгжүүлж байгаа.

Маршал Х.Чойбалсангийн мэндэлсний 130 жилийн ойд зориулсан барилдааны дараа бөхчүүдийн чансаа шинэчлэгдэж, Улсын заан М. Лхагвагэрэл 7450 оноогоор тэргүүлж эхэллээ. Харин чансааны хоёрт Улсын аварга О.Хангай бичигдэж байна.