Бусад

Амьтдын тухай сонирхолтой баримтууд

Нийтэлсэн

4 жил өмнө

2020-10-28

Нийтэлч

Эх дэлхий дээр бидэнтэй зэрэгцэн оршдог төрөл бүрийн амьтдын ертөнц биднийхээс нэлээд ялгаатай бөгөөд нэлээд өвөрмөц сонирхолтой амьдралаар амьдардаг бололтой. Жишээ нь: хясаанууд хүйсээ сольж болдог болон Хятадад хулсны баавгайг алвал цаазаар авдаг зэргийг та мэддэг байсан уу? Тэгвэл ингээд бид та бүхэндээ амьтдын тухай сонирхолтой баримтуудыг хүргэж байна.

1. Үхэр халиунууд унтахдаа гар гараасаа барьдаг бөгөөд урсгал усанд туугдахгүйн тулд ингэдэг байна.

2. Хэрэмнүүд жилд 1000 мод тарьдаг. Учир нь тэд хаана тарьснаа мартчихдаг байна.

3. Эр нохой эм нохойндоо үргэлж буулт хийдэг.

4. Яст мэлхий бөгсөөрөө амьсгалдаг гэнэ.

5. Үхэрнүүд хоорондоо найзалдаг бөгөөд тэд ихэнхи цагийг хамтдаа өнгөрүүлдэг байна.

6. Оцон шувуунууд нэг нэгэндээ чулуу өгч хамт амьдрах саналыг тавьдаг ажээ.

7. Вашингтоны нэгэн хорих ангид зэрлэг муурыг нийгэмшүүлэх үйл ажиллагаа байдаг бөгөөд хэрвээ эдгээр муурнууд нийгэмшихгүй, эелдэг болохгүй бол үүрд унтуулдаг байна.

8. Японд Макаки сармагчин машинаас зууш авахын тулд зоос ашигладаг байна.

9. Норвегид нэгэн оцон шувуунд Сэр Нильс Олав хэмээх нэрийг өгсөн байна. Учир нь тус орны амьтаны хүрээлэнгийн хаан гэсэн утга санааг илэрхийлжээ. Нэрний хувьд эзэн хааныг билэгдсэн юм байна.

10. Хятадад хулсны баавгайн амийг хороовол цаазаар авах ялыг оноодог.

11. Аалз нисдэггүй гэнэ.

12. Швед улсад туулайнд зориулсан харайлтын тэмцээн болдог бөгөөд үүнийг “Канинхоппнинг” гэж нэрлэдэг.

13. Гахай 30 минутын турш дур тавьдаг.

14. Далайн гахайнууд нэг нэгэндээ нэр өгдөг байна.

15. Эдгээр шувууд насныхаа хосыг олсон тохиолдолд өндөр хадан цохио дээр үүрээ засдаг байна. Тэд үүрэндээ бие засах тусгай газар хүртэл хийдэг гэнэ шүү.

16. Эрдэмтдийн үзэж байгаагаар үхрэнд уянгын дуу сонсгоход илүү их сүү гаргадаг гэнэ. Ялангуяа R.E.M –ын “Everybody hurts” дуу болон Лу Рида-ийн “Perfect day” дууг сонсгоход илүү их сүү гаргажээ.

17. Хясаа өөрийн хүйсээ сольж чаддаг бөгөөд нийлэхийг хүссэн хосынхоо эсрэг хүйстэн болж чаддаг.

18. Цасны ирвэс унтаж байхдаа сүүлээрээ нүүрээ тагладаг бөгөөд энэ нь биеийн дулаанаа хадгалах зорилготой ажээ.

19. Муурны “манчкин” гэх үүлдэр бий. Энэ нь 4 мөч нь жижигхэн муурнуудыг хэлдэг байна.

20. Зарим хорих ангиудад хоригдлууд нохой сургадаг бөгөөд тэд энэ арга замаар өөрсдийн нүглийг наминчилдаг ажээ.

21. Далайн морь нь өөрсдийн хосыг олохдоо сүүл сүүлнээсээ барьж хамтдаа хөдөлдөг.

22. Ангаахай гарахаасаа өмнө хальсныхаа цаанаас орчин болон ээжтэйгээ харилцдаг байна.

23. Нохойны хамар нь бүгд өөрийн гэсэн хэлбэртэй байдаг учир хамарныхан хээгээр нь нохойг ямар үйлдвэр болохыг нь тодорхойлж болно.

24. “Turritopsis nutricula” нь мөнх амьдардаг далайн залхаг юм.

Сэдвүүд:

Дэлгэрэнгүй ...

Бусад

Баталгаатай гүүр, гарам гарцаар автомашинтай зорчихыг зөвлөж байна

Нийтэлсэн

6 цаг өмнө

2025-04-21

Нийтэлч

24barimt

Налайх дүүргийн Онцгой байдлын хэлтсийн Эрэн хайх, аврах бүлгийн алба хаагчид дуудлагын дагуу аврах ажиллагааг зохион байгуулжээ.

Усанд автомашинтайгаа боогдсон байсан 4 иргэнийг уснаас гаргаж, аюулгүй байдлыг хангасан байна.

Баталгаатай гүүр, гарам гарцаар автомашинтай зорчиж, гол гатлахгүй байхыг анхааруулж байна.

Дэлгэрэнгүй ...

Бусад

Олон улсын стандартад нийцсэн IBAN дансны дугаарлалтыг нэвтрүүллээ

Нийтэлсэн

3 долоо хоног өмнө

2025-04-02

Нийтэлч

24barimt

Монголбанк нь Төв банк (Монголбанк)-ны тухай хуульд зааснаар Үндэсний төлбөрийн систем, түүний үйл ажиллагааг удирдан зохион байгуулах, зохицуулах, хяналт тавих чиг үүргийнхээ хүрээнд Монголбанкны Ерөнхийлөгчийн 2024 оны 10 дугаар сарын 18-ны өдрийн А-242 дугаар тушаалаар бүх иргэд, аж ахуйн нэгжийн дансны хуучин дугаарлалтыг 2025 оны 04 дүгээр сарын 01-ний өдрөөс ашиглахыг зогсоож, олон улсын дансны нэгдсэн дугаарлалтад бүрэн шилжүүлэхээр Монголбанк нь банк, төлбөрийн системийн нийт оролцогчидтой хамтран ажилласан.

Энэ хүрээнд иргэд, аж ахуйн нэгжийн дансны хуучин дугаарыг дөрөвдүгээр сараас эхлэн ашиглагдахгүй болж харин IBAN дансны дугаарлалтын зааврын дагуу шинэчлэгдсэн бүтэцтэйгээр төлбөр тооцоо дамжиж эхэлсэн.

Та бүгдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна. IBAN дансны дугаарлалттай болсноор олон улсын гүйлгээ илүү хурдан, найдвартай, эрсдэлгүй болж, алдаатай гүйлгээ буцаагдах эрсдэлээс урьдчилан сэргийлэхийн зэрэгцээ аль банкны данс вэ гэдгийг шууд мэдэх боломжтой зэрэг давуу талтай боллоо.

Дэлгэрэнгүй ...

Бусад

АТГ: Эрүүгийн 2 хэрэгт нийт 18 объектод нэгжлэгийн ажиллагаа хийв

Нийтэлсэн

4 долоо хоног өмнө

2025-03-24

Нийтэлч

24barimt

Авлигатай тэмцэх газрын Мөрдөн шалгах хэлтэс 2025 оны гуравдугаар сарын 17-23-ны өдрүүдэд гэмт хэргийн шинжтэй 60 гомдол, мэдээллийг шалгав.

Үүнээс 10 гомдол, мэдээлэлд хэрэг бүртгэлтийн хэрэг нээх, 6 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 44 гомдол, мэдээллийг хянан шалгаж байна.

Түүнчлэн эрүүгийн 888 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 10 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 864 хэрэг шалгагдаж байна.

Гэмт хэргийн шалтгаан, нөхцөлийг арилгуулахаар мөрдөгчийн 1 мэдэгдэл хүргүүлж, хэрэг бүртгэлтийн болон мөрдөн байцаалтын 2 хэрэгт нийт 18 объектод нэгжлэгийн ажиллагаа хийв гэж АТГ-аас мэдээллээ.

Дэлгэрэнгүй ...