1.Монгол Улсын 27 дахь Ерөнхий сайдаар Увс аймгийн Улаангом сумын харьяат, физикч мэргэжилтэй Норовын Алтанхуяг томилогдож байлаа. Энэ бол 2012 оны наймдугаар сарын 9-ний өдөр. АН-ын даргаар дөрвөн жил ажиллаж, УИХ-ын сонгуульд намаа удирдан орж, хамгийн олон суудал авахуулсны дараа ийн Ерөнхий сайдаар тохоогдсон хэрэг.

2.Н.Алтанхуяг 1958 онд  төрсөн. 54 насандаа Ерөнхий сайд болж байв. МУИС-ийг физикч мэргэжлээр төгсөөд, тэндээ ажиллаж, улмаар 1996 онд УИХ-ын гишүүн болсон. 1998 онд Хөдөө аж ахуй, үйлдвэрийн сайд, 2004 онд эвслийн Засгийн газрын Сангийн сайд, 2008-2012 онд Тэргүүн шадар сайдаар ажилласан туршлагатай.

3.С.Баярыг 2009 оны аравдугаар сарын 28-нд өвчний улмаас гэсэн шалтгаанаар ажлаа өгөхөд Ерөнхий сайдын үүрэг гүйцэтгэгчээр нэг хоног ажилласан хувь тохиол бас түүнийх.

4.Ерөнхий сайд болсноос нь хоёр жил хоёр сар 27 хоногийн дараа буюу 2014 оны арваннэгдүгээр сарын 5-нд УИХ-ын чуулганаар огцруулсан.

5.Н.Алтанхуяг энэ хугацаанд  Ерөнхий сайдын хувьд муу ажиллаагүй гэж улстөрийн ажиглагчид дүгнэдэг. Үнэнийг хэлэхэд түүнийг Ерөнхий сайд болж байх үед Монгол Улс баян байлаа. Дэлхийн зах зээл дээр манай амин зуулга болсон нүүрс, зэсийн үнэ боломжийн байж тэр хэрээр улсын түрийвч түнтийж байв. Гэвч энэ байдал удаан үргэлжлээгүй.

5. Ерөнхий сайд байхдаа тэрбээр мөнгө босгож чадсан. Эхлээд “Чингис”, дараа нь “Самурай” бонд гаргаж, дэлхийн хямралын эхэн үеийг монголчууддаа мэдрүүлээгүй гэхэд болно. Магадгүй, Н.Алтанхуягаас өөр Ерөнхий сайд ийм зоригтой шийдэл гаргаж чадахгүй байж мэднэ.
6. Эдгээр бондоор босгосон бүтээн байгуулалтыг хэн ч үгүйсгэж чадахгүй. Яагаад гэвэл бондоос босгосон мөнгөөр олон аймаг нийслэлтэй хатуу хучилттай замаар холбогдсон. 7. Ганц замын ажил ч биш “Гудамж” төсөл энэ тэрийн хүрээнд хийгдсэн төв суурин газруудын бүтээн байгуулалт цөөн биш.
7. Н.Алтанхуяг бол хамгийн олон тууз хайчилсан Ерөнхий сайд. Зурагт асаахад л тэр ямар нэг арга хэмжээ, эсвэл бүтээн байгуулалтын нээлтэд тууз хайчлаад зогсч байдаг байв. Эргээд харахад, тэр явдал муу биш, хийж бүтээж чадаж байсныг илтгэх.
8. Хоёр жил гаруй ажиллаад гэнэт огцорсон Н.Алтанхуягийн оронд Ч.Сайханбилэг 2014 оны арваннэгдүгээр сарын 21-нд Ерөнхий сайд болов.
9. Н.Алтанхуягийг 2008 онд АН-ын даргаар сонгосон байдаг. 2000 онд байгуулагдсан АН-ын тав дахь дарга нь тэр.
10. Намын даргын хувьд таван ч удаагийн сонгууль удирдаад ялалтад хүргэсэн гэх гавьяатай. Түүнийг Ерөнхий сайдаас огцорсны дараа АН-ын ҮЗХ хуралдаж намын даргаас нь бас буулгасан.
11. Намын дарга, Ерөнхий сайдын албан тушаалыг хамтад нь хашиж байсан тэрбээр зарим асуудлаар хүч түрэмгийлсэн бодлого явуулсан нь ч огцроход нөлөөлсөн гэх нь бий. Нэг үгээр хэлбэл, хэт эрх мэдэл, бараг нам доторх намын дайтай болтол дөвийл­гөсөн олон фракцууд нь эцэстээ хяналтаас нь гарч, албан тушаалуудаа бүрмөсөн өгөхөд хүргэсэн байх талтай л даа.
12. Нэгэн цагт Монгол Улсын Ерөнхий сайдаар ажиллаж Засгийн газрыг тэргүүлж явсан Н.Алтанхуяг “Шударга бусын хонгил” хэмээх цуврал “хичээл” заасан шиг улс төрийн хүрээнээс хол мэт явах болсон.
13. Намтайгаа хамт 2016 оны сонгуульд ялагдсанаасаа хойш тэрбээр улс төр, фракц, бүлэглэл гэхээсээ илүү ганцаарчилсан тоглолт хийх болсон нь нууц биш.
14. Нэгэн үе Монгол Улсын Ерөнхийлөгч Х.Баттулгын улс төрийн зөвлөхөөр түр ажиллаж байгаад өөрийн хүсэлтээр ажлаа өгсөн. Түүнээс хойш улс төрөөс илүү “хичээл” зааж, сошиал орчинд идэвхтэй байх болсноос түүний улс төрийн барьцаа улам ахиулж байгаа нь ил л байсан.
15. Ийнхүү улс төрөөс шууд утгаараа ангид бус явахдаа түүнийг хөшигний ард тохироо, томилгоо хийж явна гэх хардалт үргэлж дагаж байлаа.
16. 17. Н.Алтанхуягийг Ерөнхий сайдаар ажиллаад жил болоогүй байхад нь хүргэн Г.Дэнзэнгийн хэрэг гэх асуудал сөхөгдөөд эхэлсэн. .
17. Засгийн газрын тэргүүнээр ажиллаж байхдаа Б.Ургамалцэцэгийг Боловсролын яамны дэд сайдаар томилж байсан Н.Алтанхуяг Ерөнхийлөгчийн зөвлөхийн ажлаа өгөхөөсөө өмнө Сан Францискод суух консулаар томилуулж амжсан. Түүнийг “Алтан гадас” фракцидаа үнэнч нөхдөө хаядаггүй гэх яриаг энэ мэт нотлох бөлгөө.
18. Соцдек гаралтай ч АН-д байгуулсан түүний гавьяа их гэдэгтэй хэн ч маргахгүй. Гэвч өнөө хэрр намын харьяалалгүй яваа тухайгаа “Би намаас гараагүй, намайг намаас хассан” гэх тайлбараар ам тагладаг.

21.АН-ын даргын суудал түүний сэтгэлийн мухарт байсаар байгаа гэдгийг “… намын гишүүд дэмжиж, миний нэрийг дэвшүүлбэл би даргаар ажилласан ч болно” гэх хариултаас харж болно.

22. Нэг хэсэг “Шударга бусын хонгил” гэж давхиж явснаа “Би чинь жигүүрхэн, мигүүрхэн байгуулаад явдаг хүн биш л дээ. АН гэж том нам байгаа. Мундаг нам. Их олон хүсэл, их олон хүний бадрангуй тэмүүлэл төвлөрсөн нам хэмээн АН-ыг ам хуурайгүй магтах жишээтэй..

23. Өнөөдөр ч улс төрийн харьяалал нь тодорхой бус яваа тэрбээр “Намайг АН-аас гарсан гэсэн буруу ойлголт яваад байна. Харин 2020 оны УИХ-ын сонгуулиар цөөхөн хэсэг нөхөд буюу удирдлагын түвшний цөөн хүмүүс, түүний цаана байгаа хүмүүс намайг намаас хасах шийдвэр гаргасан” гэж гоморхож хүртэл үзсэн.
24. “Улс орныг дампууруулж, Монгол Улсын ирээдүйг балласан хүний нэг нь яах аргагүй Ц.Элбэгдорж” гэж нэгэн үе мөр зэрэгцэн ажиллаж алхаж явсан журмын нөхрөө улалзтал хэлсэн Н.Алтанхуяг “Би хэн нэгэн хүнтэй сөргөлддөг хүн биш. Үнэт зүйлийнхээ төлөө алалцдаг хүн” хэмээн пээдийж яваа билээ.