Дэлхий дахинд

Ардчилсан Намын тэргүүлсэн АНУ-ын төлөөлөгчдийн танхим ажилдаа орлоо

Нийтэлсэн

6 жил өмнө

2019-01-04

Нийтэлч

Admin

АНУ-ын конгрессийн 116 дахь бүрэлдэхүүн өчигдөр анхны чуулганаа хийж, гишүүд нь тангараг өргөлөө.

Шинэ конгресс Америкийн түүхэнд давтагдашгүй онцлогтой. Хамгийн олон эмэгтэй гишүүнтэй, Муслим, Латин, Уугуул Америк, Африк Америк иргэдийн шинэ үеийн төлөөлөл багтсан энэ танхим Америкийн нийгмийг жинхэнэ утгаараа төлөөлөхөөр болж байгаа.

Энэ удаа төлөөлөгчдийн танхимд Ардчилсан Нам найман жилийн дараа олонх болж байна. Харин танхимыг бүрдүүлж байгаа Бүгд Найрамдахчуудын ихэнх нь уламжлал ёсоор цагаан арьст эрчүүд байгаа юм. Арваннэгдүгээр сард болсон сонгуулийн үр дүнд конгрессийн дээд танхим болох сенатад Бүгд Найрамдахчууд олонх хэвээр үлдсэн билээ.

Ардчилсан Намын лидер Нэнси Пелоси найман жилийн дараа дахин төлөөлөгчдийн танхимын спикер болж байна. Тэр өмнө нь АНУ-ын түүхэнд анхны эмэгтэй спикер болж байсан юм. Одоо 78 настай Пелоси АНУ-ын төрийн дээд албан тушаалтнуудаас гурав дахь хамгийн ахмад улс төрч болж байна. Түүнийг АНУ-ын ерөнхийлөгч Дональд Трампын засаг захиргааны үйл ажиллагаанд хамгийн их шүүлтүүр, хязгаарлалт тавих хүн гэж үзэж байгаа.

Пелоси болон түүний танхимын шийдэх эхний асуудал нь ерөнхийлөгч Дональд Трампын төсөвт тавьсан хориг юм. Трамп Мексикийн хил дагуу хана босгох төслийг нь дэмжихгүй бол төсвийг батлахгүй хэмээн гэдийгээд удаж байна. Үр дүнд нь төр захиргааны байгууллагуудын үйл ажиллагаа 13 дахь өдрөө зогсоод байгаа юм.

Үүнээс гадна хөрөнгийн зах зээлийн уналт, Хятадтай хийж буй худалдааны дайн, удирдлагагүй болсон Пентагон зэрэг асуудлууд шил шилээ даран хүлээгдэж байна.

Нэнси Пелоси өчигдөр тангараг өргөхдөө олон тооны хүүхдүүдээр хүрээлүүлж, төлөөлөгчдийн танхимыг Америкийн хүүхдүүдийн төлөө ажиллахыг уриалсан юм.

Эх сурвалж: Quartz

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...