Дэлхий дахинд

Хятадад олон эмэгтэйг хүчиндэж хороосон зартай гэмт этгээдийг цаазаар авчээ

Нийтэлсэн

6 жил өмнө

2019-01-04

Нийтэлч

Admin

11 эмэгтэйг хүчиндэн хороосон ч 30 шахам жил шийтгэлээс зайлсхийж эрх чөлөөтэй явсан Гао Ченьен гээчийг өчигдөр үдээс өмнө цаазаар авсан тухай Хятадын Гансу мужийн Байин хотын дунд шатны шүүхийн цахим хуудсанд мэдээлжээ. Тус шүүх өнгөрсөн жилийн гуравдугаар сард Гао Ченьенийг 11 эмэгтэйг дээрэмдэн хүчиндээд онц хэрцгийгээр амь насыг нь хороосон хэрэгт бууруутган ялын дээд хэмжээ оноосон аж.

Гэмт этгээд анх 1988 онд Байин хотноо 23 настай бүсгүй рүү халдаж, 26 удаа хутгалж алжээ. Тэрээр 1988-2002 онуудад 11 эмэгтэйг, үүний дотор наймхан настай охиныг хүртэл хүчиндэн хороосон аж. Байин хотын оршин суугчдыг цочроосон цуврал аллагыг илрүүлэхээр Хятадын Нийгмийн аюулгүй байдлын яам 2001 оны наймдугаар сард хэргийг хяналтдаа авсан ч мөрдөн байцаалт урагшлахгүй байжээ.

2015 оны гуравдугаар сард Гансу мужийн Нийгмийн аюулгүй байдлын хэлтэс мөрдөн байцаалтыг сэргээн хурууны хээ, ДНХ-ийн шинжилгээний үндсэн дээр гэмт этгээдийг тогтоож чадсан байна. Улмаар Гао Ченьенийг анхны гэмт хэргээ үйлдсэнээс нь хойш 28 жилийн дараа буюу 2016 оны наймдугаар сарын 26-нд баривчилсан аж.

Б.Туг

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...