Дэлхий дахинд

“iPhone” ухаалаг гар утасны борлуулалтын хэмжээ буурч эхэлжээ

Нийтэлсэн

6 жил өмнө

2019-01-04

Нийтэлч

Admin

“Apple” корпорацийн гүйцэтгэх захирал Тим Кук хөрөнгө оруулагчдад хандсан нээлттэй захидалдаа “iPhone” ухаалаг гар утасны борлуулалтын хэмжээ АНУ, Хятадын худалдааны дайнаас үүдэн буурч эхэлсэн тухай мэдэгдсэн тухай “Ройтерс” агентлаг мэдээлэв.

“iPhone” ухаалаг гар утасны борлуулалт Хятадад хамгийн ихээр буурах болжээ. Үүнээс шалтгаалан “Apple” корпорацийн 2018 оны сүүлийн улирлын хүлээгдэж буй орлого 93 тэрбум ам.доллараас 84 тэрбум ам.доллар хүртэл агших төлөвтэй.

Тим Кук өмнө нь “CNBC” телевизэд ярилцлага өгөхдөө, Хятад, АНУ-ын худалдаанд хурцадмал байдал үүссэн нь хоёр орны бизнесийн олон салбарт сөргөөр нөлөөлж эхэлсэн гэж байсан юм.

Гэхдээ АНУ, Хятадын удирдагчид өнгөрсөн арванхоёрдугаар сарын эхээр Аргентинд болсон Их 20-ийн дээд хэмжээний уулзалтын үеэр худалдааны дайныг зогсоон зөрчилтэй асуудлуудаа хэлэлцээрийн ширээний ард шийдвэрлэхээр тохиролцсоныг энд тэмдэглэх хэрэгтэй.

Б.Туг

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...