Дэлхий дахинд

АФГАНЧУУДЫГ СУУРЬШУУЛАХААР 6.4 ТЭРБУМ АМ.ДОЛЛАР ХҮСЭВ

Нийтэлсэн

3 жил өмнө

2021-09-08

Нийтэлч

АНУ-ын Ерөнхийлөгч Жо Байден Кабулаас авчирсан афган дүрвэгч нарын тээвэр, сууц гэх мэт суурьшихад шаардлагатай зардалд нийт 6.4 тэрбум ам.доллар гаргаж өгөхийг Конгрессоос хүссэн байна.

Өнгөрсөн долоо хоногт АНУ-ын цэргийн сүүлийн онгоц Кабул хотын Хамид Карзай нисэх онгоцны буудлаас хөөрөх үед аль хэдийн 120 мянган хүн Афганистанаас дүрвэсэн байжээ. Гэвч тэдний 6000 хүрэхгүй нь америк иргэд болон тэдний гэр бүл байна. Харин үлдсэн 114 мянга орчим нь ихэвчлэн афган дүрвэгч бөгөөд тэдний дотор цөөхөн тусгай визтэй хүмүүс бий аж.

Тэр олон афганчуудыг АНУ-ын цэргүүд дэлхийн олон улсад байх цэргийн баазууддаа түр байрлуулж, заримыг нь шууд АНУ-д аваачсан байна. Гэвч тэдгээр дүрвэгчдийг байлгах, тээвэрлэх, хоолох зэрэгт асар их зардал гарсан аж.

Тиймээс тэр зардлыг нөхөж, цаашид ч дүрвэгчдэд шаардлагатай үйлчилгээ үзүүлэх, цэргийн баазуудаар тараасан дүрвэгчдийг харж хандах зэрэгт нийт 6.4 тэрбум ам.доллар шаардлагатай болж байна хэмээн Цагаан ордон тооцоолж, Конгресст хүсэлт гаргажээ. Мөн түүгээр зогсохгүй дараа онд ч гэсэн дүрвэгчдэд зарцуулах шаардлагатай мөнгийг бэлэн хадгалж байхыг сануулсан гэнэ.

Эх сурвалжуудын мэдээлснээр АНУ энэ сарын сүүл гэхэд нийт 65 мянган дүрвэгч хүлээн авч, түүнээс хойш мөн 30 мянгыг авчрах төлөвлөгөө бий гэнэ.

Эх сурвалж: RT.COM

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

10 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...