Дэлхий дахинд

FACEBOOK ЦАРАЙ ТАНИХ СИСТЕМЭЭС ТАТГАЛЗАНА

Нийтэлсэн

3 жил өмнө

2021-11-03

Нийтэлч

Facebook олон нийтийн сүлжээ царай таних системээс татгалзахаар шийдвэрлэжээ.

Энэхүү системийг ашиглахыг зөвшөөрсөн нэг тэрбум гаруй хүнийг гэрэл зураг болон дүрс бичлэгт царайгаар нь автоматаар таньдаг программыг зогсооно гэж “Meta” компанийн мэдэгдэлд онцолжээ. Аравдугаар сарын 28-нд “Facebook” компани нэрээ “Meta” гэж өөрчилсөн билээ.

Энэхүү системтэй холбоотой олон тооны асуудал, тодорхойгүй байдал гарч ирсэн тул ийм шийдвэр гаргасан гэж тус компани тайлбарлажээ.

Царай таних системийг зогсоосноор Facebook-ийн хэд хэдэн боломжууд мөн алга болох гэнэ. Тухайлбал, хэрэглэгчид тухайн хүнийг тааглах /tag/ эсэхийг дахин санал болгохгүй гэнэ. Тодорхой үйлчилгээнүүд ирэх долоо хоногт ажиллахгүй болно.

Facebook олон нийтийн сүлжээ царай таних технологийг 2010 оноос хойш ашиглаж иржээ. Эл технологийн тусламжтай олон нийтийн сүлжээ царай таних системийг ажиллуулахыг зөвшөөрсөн хэрэглэгчийн царайг гэрэл зураг, дүрс бичлэгт таньдаг. Тус компанийн мэдээллээр, нийт идэвхтэй хэрэглэгчдийнх нь гуравны нэг нь энэ системийг ашигладаг байна.

Иллинойс мужийн оршин суугчид 2015 онд “Facebook” компанийг хэрэглэгчдийн биологийн өгөгдөхүүнийг өөрийнх нь зөвшөөрөлгүй цуглуулж байна хэмээн буруутган, шүүхэд өгч байжээ. 2021 онд талууд нөхөн төлбөр олгох тохиролцоонд хүрсэн. Тохиролцоо ёсоор шүүхэд нэхэмжлэх гаргасан хүн бүрт 345 ам.долларын нөхөн төлбөр олгоход зориулж корпорацын зүгээс нийт 650 сая ам.доллар төлөхөөр болсон байна.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

8 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...