Дэлхий дахинд

АРХЕОЛОГИЧИД ХАЧИРХАЛТАЙ ЗАНДАНШУУЛСАН ШАРИЛ ОЛЖЭЭ

Нийтэлсэн

3 жил өмнө

2021-11-30

Нийтэлч

Археологичид Перугийн нутаг дэвсгэрт нэгэн хачирхалтай занданшуулсан шарил олжээ.

“Daily Mail” мэдээлснээр, Лима хотоос хэдэн км зайд орших Кахамаркила археологийн дурсгалт газар дахь бунхнаас олсоор хүлсэн шарил олжээ. Инкагийн өмнөх соёл иргэншилд хамаарах занданшуулсан шарил 800-1200 настай гэж шинжээчид таамаглаж байна. Эрдэмтэд хүйсийг нь одоогоор тодорхойлоогүй байна.

Энэхүү олдворын гол онцлог нь бие цогцсыг олсоор хүлсэн бөгөөд нүүрээ гараараа таглажээ. Судалгааны багийн ахлагч, археологич Питер Ван Дален Лунагийн таамаглаж буйгаар, занданшуулсан шарилын энэ хачин байрлал тухайн үеийн оршуулгын зан үйлтэй холбоотой байх магадлалтай.

Занданшуулсан хүн амьд ахуйдаа орчин цагийн Перу улсын нутагт Андын нурууны уулархаг бүсэд инкагийн соёл иргэншил бий болохоос 200-600 жилийн өмнө амьдарч байжээ. Илүү тодорхой мэдээлэл нэмэлт судалгааны дараа гарах гэнэ.

Эл олдвороос гадна археологичид тус бунханд чулуун зэвсэг, ургамлын гаралтай бодис бүхий шавар савнууд илрүүлжээ.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

6 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...