Дэлхий дахинд

ХЯТАДЫН СУДАЛГААНЫ СТАНЦ САРНЫ СҮҮДЭРТЭЙ ТАЛААС НУУЦЛАГ БИЕТ ИЛРҮҮЛЖЭЭ

Нийтэлсэн

3 жил өмнө

2021-12-07

Нийтэлч

Сарны сүүдэртэй талд ажиллаж байгаа Хятадын Yutu 2 робот станц тэнгэрийн хаяанд орших шоо хэлбэртэй нууцлаг биетийг илрүүлжээ.

Yutu 2 станц одоо Вон Карман нэртэй сарны тогоон дотор ажиллаж байгаа юм. Нууцлаг биетийг тус станц арваннэгдүгээр сард сарны 36 дахь ажлын хоног дээрээ илрүүлсэн байна.

Хятадын Үндэсний Сансар Судлалын Газраас хятад хэл дээр гаргадаг сэтгүүлд илэрсэн биетийг “нууцлаг овоохой” гэж нэрлэжээ.

Судлаачид одоо нууцлаг биетийн юу болохыг тодорхойлохоор яарч байгаа гэнэ. Yutu 2 станц уг биетээс 80 орчим метрийн зайд байгаа бөгөөд сарны 2-3 хоногийн (дэлхийн 2-3 сар) хугацаанд дэргэд нь хүрэх боломжтой ажээ.

Ихэнх судлаачид үүнийг сарны гадарга дээр солир, астероид унах үед үүссэн хөрсний ямар нэг бөөгнөрөл байх хэмээн таамаглаж байна.

Нарны эрчим хүчээр ажилладаг Yutu 2 станц Chang’e 4 газардагчийн хамт 2019 оны нэгдүгээр сарын 3-ны өдөр сарны сүүдэртэй талд газардсан нь хүн төрөлхтний түүхэнд анхны тохиолдол болсон юм. Робот станц тэр үеэс хойш өнөөдрийг хүртэл 186 км өргөнтэй Вон Карманы тогоон дотор ажиллаж байгаа.

Хятад улс сар руу дөрвөн удаа судалгааны станц илгээснээс хоёр удаад нь өөрөө явагч робот станцыг газардуулсан юм. Эхний хоёр станц нь сарны тойрог замд зайнаас судалгаа хийдэг байсан бол гурав дахь нь сарны нүүрэн талд робот станц газардуулж байв.

Одоо тус улс сарны гадаргаас дээж авчрах Chang’e 5 станцыг туршиж байна.

Эх сурвалж: Space.com

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

5 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...