Дэлхий дахинд

АНУ АЖИЛТНЫХ НЬ ХУЛГАЙЛСАН $154 САЯЫГ SONY КОМПАНИД БУЦААЖ ӨГЧЭЭ

Нийтэлсэн

3 жил өмнө

2021-12-22

Нийтэлч

Даваа гарагт АНУ-ын хууль зүйн яам Японы Sony компанид ажилтных нь хулгайлсан $154 саяыг буцааж өгөх арга хэмжээг авснаа мэдээлжээ.

Токио хотод төвтэй Sony Life Insurance компанийн ажилтан Рэй Иший гэгч энэ оны тавдугаар сард компанийнхаа данснаас ийм хэмжээний мөнгийг АНУ-ын банк дахь өөрийн хувийн данс руу шилжүүлж, дараа нь 3,879 ширхэг биткойн худалдаж авсныг Калифорни мужийн хуулийн байгууллага олж тогтоосон юм байна.

Холбооны Мөрдөх Товчоо хэргийг илрүүлснийхээ дараа арванхоёрдугаар сарын 1-нд ажилтны данснаас биткойнд хувиргасан хулгайн мөнгийг хурааж авчээ. Мөрдөгчид Японы талтай хамтран ажилласны үр дүнд биткойны дансанд нэвтрэх нууц үгийг олж авч чадсан байна.

“Хулгайн хэрэгтэй холбоотой бүх биткойныг хурааж авч чадлаа. Иший одоо Япон улсад тус улсын хуулиар шийтгүүлэх болно” гэж АНУ-ын хууль зүйн яам мэдээлжээ.

“Энэ бол Холбооны Мөрдөх Товчоо болон Японы хуулийн байгууллагын виртуал мөнгөний мөрөөр хамтарч ажилласан гайхалтай сайхан жишээ юм. Хууль бус аргаар олсон мөнгөө крипто валют болгон нуух аргад найдаад хэрэггүй болсныг энэ явдал гэмт хэрэгтнүүдэд сануулж байна” гэж АНУ-ын прокурор Рэнди Гроссмэн мэдэгджээ.

Эх сурвалж: AFP

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

3 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...