ТЕСЛАГИЙН ТӨВ УДИРДЛАГЫН ДЭЛГЭЦ ДЭЭР ЯАГААД ТОГЛООМ ТОГЛОХ ХЭРЭГТЭЙ БОЛСНЫГ АНУ-ЫН ЭРХ БАРИГЧИД ШАЛГАЖ ЭХЭЛЖЭЭ

Нийтэлсэн

3 жил өмнө

2021-12-23

Нийтэлч

АНУ-ын замын хөдөлгөөний аюулгүй байдлыг зохицуулах байгууллага Тесла үйлдвэрийн зарим автомашинуудыг шалгах болсноо өчигдөр зарлажээ.

Энэ нь 2017 оноос хойш борлуулагдсан хагас сая гаруй автомашины төв удирдлагын дэлгэцэд компьютер тоглоом суурилуулсан асуудал юм байна.

Дээр дурдсан хугацаанд үйлдвэрлэгдсэн Теслагийн Model 3, S, X, Y загваруудад “Passenger Play” нэртэй шинэ функц өнгөрсөн оны арванхоёрдугаар сараас эхлэн программын шинэчлэлттэй цуг нэвтэрсэн ажээ.

Өмнө нь ийм тоглоомыг зөвхөн автомашин зогсоолд байрласан үед тоглох боломжтой байсан бол одоо хөдөлгөөнд оролцож байх үед ч тоглодог болсон байна.

Хэдийгээр зорчигчдод зориулсан тоглоом гэсэн тайлбартай ч энэ нь жолоочийн анхаарлыг сарниулах аюултай гэж зохицуулах байгууллага үзээд зарим жолооч нараас гомдол ирсний дагуу шалгахаар болжээ.

Тус байгууллагын мэдээлснээр зөвхөн 2019 онд АНУ даяар анхаарал нь сарнисан жолоочийн алдаанаас үүдэлтэй ослын улмаас 3,142 хүн амиа алдсан байна.

Эх сурвалж: Reuters

Сэдвүүд:онцлох

Дэлгэрэнгүй ...

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

5 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...