ДЭЛХИЙН ХАМГИЙН ӨНДӨР НАСТАЙ ХҮН 119 НАСНЫХАА ТӨРСӨН ӨДРИЙН БАЯРЫГ ТЭМДЭГЛЭЖЭЭ

Нийтэлсэн

3 жил өмнө

2022-01-04

Нийтэлч

Манай дэлхий дээр одоо амьдарч байгаа хамгийн өндөр настай хүн өнгөрсөн Ням гарагт 119 насныхаа төрсөн өдрийн баярыг тэмдэглэжээ.

Японы Фүкүока хотын асрамжийн газарт амьдардаг Кане Танака гэдэг эмэгтэй 1903 оны нэгдүгээр сарын 2-ны өдөр мэндэлсэн юм байна.

Тэрбээр 120 наслах хүсэлтэйгээ ярьдаг тухай гэр бүлийнхэн нь мэдээлжээ.

2019 онд 116 настайд нь Гиннесийн дээд амжилтын ном Танакаг дэлхий дээр амьд сэрүүн байгаа хамгийн өндөр настнаар тодруулж байв.

Хэрвээ энэ өндөр настан дахин гурван жил амьдарвал 122 насалсан Францын иргэн Жанна Луйз Калментын насыг гүйцэж, бүх цаг үеийн түүхэнд хамгийн өндөр насалсан хүн болох юм.

Асрамжийн газрынх нь мэдээлснээр Танака гуай өдөр бүр 6:00 цагт нойрноосоо сэрдэг ба хөлөгт тоглоом тоглож, математик судлан өдрийг өнгөрөөдөг гэнэ.

Тэр бас хийжүүлсэн ундаа ууж, шоколад идэх их дуртай ажээ.

117 настайдаа Япон улсын хамгийн өндөр настай хүний алдрыг хүртэхдээ тэрбээр нэг лонх Кока Кола ууж тэмдэглэж байсан байна.

Танака гуай эцэг эхээс ах дүү арвуулаа бөгөөд 19 насандаа нөхөрт гарч байжээ.

Түүнийг мэндэлсэн жил Америкт ах дүү Райт нарын зохион бүтээсэн хөдөлгүүртэй нисэх онгоц анх удаа тэнгэрт нисэж байсан гэдэг.

Эх сурвалж: Kyodo News

Сэдвүүд:онцлох

Дэлгэрэнгүй ...

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

3 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...