ШИНЭ ЖИЛИЙН ЁСЛОЛЫН БУУДЛАГА ҮЙЛДЭЭД ЦАГДААД АЛАГДСАН ХЭРЭГ АНУ-Д ГАРЧЭЭ

Нийтэлсэн

3 жил өмнө

2022-01-05

Нийтэлч

АНУ-ын Охайо мужийн Кантон хотын оршин суугч эрэгтэй шинэ оны эхний өдөр хувийн галт зэвсгээрээ ёслолын буудлага үйлдээд цагдаад буудуулж алагдсан хэрэг гарсан байна.

Тодруулбал 46 настай Жэймс Уилльямс шинэ оны эхний өдрийн өглөө гэрийнхээ гадаа хуулийн дагуу эзэмшдэг АR-15 хагас автомат буугаар тэнгэр рүү чиглүүлэн ёслолын буудлага үйлджээ.

Энэ нь тэдний хувьд төдийгүй хөршүүдийнх нь хувьд жил бүр үйлддэг уламжлалт ёс болохыг түүний гэргий Маркетта Уилльямс орон нутгийн хэвлэлд ярьсан байна.

Гэтэл ойролцоо эргүүлийн үүрэг гүйцэтгэж байсан цагдаагийн офицер ямар нэг анхааруулга өгөлгүйгээр Уилльямсыг буудаж, хүнд шархдуулжээ.

Цагдаа түүнийг зэвсэглэсэн аюултай этгээд өөдөөс нь гал нээж байна гэж үзээд ийм арга хэмжээ авсан байна. Уилльямсыг гэрийнхэн нь эмнэлэгт хүргэсэн ч удалгүй амьсгал хураасан гэнэ.

Тэрбээр дөрвөн охины ааваас гадна хоёр дагавар хүүхэдтэй хүн байжээ.

Охайо мужийн Мөрдөн Байцаах Алба цагдаагийн болон хохирогчийн хэрэглэсэн галт зэвсгүүд, цагдаагийн энгэрт зүүсэн хяналтын камер зэргийг баримт болгон хурааж, хэргийг мөрдөн шалгаж эхэлсэн байна.

Журмын дагуу хэрэгт холбогдсон цагдаагийн офицерыг ажлаас нь түр чөлөөлжээ.

Зөвхөн 2019 онд АНУ даяар галт зэвсгийн улмаас 39,707 хүн амиа алдсан байдаг. Эдгээрийн 60 орчим хувь нь амиа хорлосон тохиолдол байсныг албаны тоо баримт харуулж байна.

Үүнээс гадна АНУ-д жил бүр дунджаар 115,000 орчим хүн бууны суманд шархадсан тохиолдол бүртгэгддэг ажээ.

Эх сурвалж: Associated Press

Сэдвүүд:онцлох

Дэлгэрэнгүй ...

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

3 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...