Дэлхий дахинд

SONY КОМПАНИ ЦАХИЛГААН АВТОМАШИН ҮЙЛДВЭРЛЭХЭЭР БОЛЖЭЭ

Нийтэлсэн

3 жил өмнө

2022-01-06

Нийтэлч

Японы электроникийн томоохон компани Sony цахилгаан хөдөлгүүрт автомашин үйлдвэрлэлийн салбарт орох болсноо өчигдөр зарлажээ.

Өчигдөр тус компани АНУ-ын Лас-Вегас хотод эхэлж байгаа CES (Consumers Electronic Show) үзэсгэлэн дээр өөрийн зохион бүтээсэн Vision-S автомашины туршилтын загварыг үзүүлсэн байна.

2022 оны хавар Sony цахилгаан автомашины салбарт ажиллах Sony Mobility охин компаниа байгуулахаар болжээ.

Vision-S ангиллын автомашинууд нь төрөл бүрийн гадаад болон дотоод мэдрэгчүүдээр тоноглогдсон, автомат жолоодлогын системтэй байх гэнэ. Мөн Sony компанийн хамгийн сайн чаддаг зүйл болох энтертайнмэнт системүүдээр бүрэн тоноглогдох ажээ.

Цахилгаан хөдөлгүүрт автомашины салбар одоогоор дөнгөж эхлэлийн шатандаа яваа ч маш олон хөрөнгө оруулагчдын анхаарлыг татаж байгаа.

Өнөөдөр АНУ-ын автомашины зах зээлийн ердөө 3 хувийг ийм төрлийн машинууд эзэлж байгаагаас шинэ салбар ямар ирээдүйтэй нь харагдаж байна.

Америкийн хамгийн том авто үйлдвэрлэгч General Motors цахилгаан автомашины хөгжүүлэлтэд 2025 оныг хүртэл $35 тэрбумыг зарцуулахаа мэдэгдээд байгаа.

АНУ-ын засгийн газар дотоод шаталтын хөдөлгүүрт автомашинаас цахилгаан хөдөлгүүрт автомашинд шилжих шилжилтийг түргэсгэх зорилгоор цэнэглэгч станцуудын сүлжээг байгуулахад олон тэрбумыг зарцуулахаар төлөвлөөд байна.

Эх сурвалж: AFP

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

2 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...