Дэлхий дахинд

СӨҮЛ ХОТ “СМАРТ УТАСНЫ ЗОМБИ”-НУУДАД ЗОРИУЛСАН ГАЗРЫН ГЭРЛЭН ДОХИОГОО НЭМЭГДҮҮЛЖЭЭ

Нийтэлсэн

3 жил өмнө

2022-01-12

Нийтэлч

Гар утаснаас хамааралтай явган зорчигчдын аюулгүй байдлыг хангах үүднээс газарт байрлуулдаг гэрлэн дохионы тоогоо нэмэгдүүлсэн тухай Сөүл хотын захиргаа өчигдөр мэдээлжээ.

Сүүлийн байдлаар тус хотын бүх 25 дүүргийн 1,200 орчим гарц ийм гэрлэн дохиотой болсноос Ганнам дүүрэг 138 дохиотой тэргүүлж буйг мэдээлсэн байна.

Явган зорчигчийн гарцын захад нэмэлт байдлаар суурилагддаг LED гэрлэн дохио нь гар утасны хэрэглээнд хэт автсан “смарт утасны зомби”-нууд гэгддэг хүмүүст зориулагдсан гэнэ. Сүүлийн үед хүмүүс гар утасны дэлгэцээ шагайж яваад осолд орох эрсдэл нэмэгдэж байгаа юм.

Иргэдийн ихэнх хэсэг уг шийдлийг таатай хүлээж авсан тул цаашдаа нэмэгдүүлэх, ялангуяа сургуулиудын орчмыг хамруулахаар төлөвлөж буй тухайгаа Сөүл хотын захиргаа мэдээлжээ.

“Нэмэлт гэрлэн дохиог суурилуулах анхны зорилго нь смарт утасны зомбинуудыг хамгаалах байсан бол хүүхдүүдийг замаас хол байлгахад бас тус нэмэртэй нь батлагдаж байна” гэж Ганнам дүүргийн төлөөлөгч ярьсан байна.

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

1 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...