Дэлхий дахинд

“ОМИКРОН” АМЬСГАЛЫН ЗАМД 70 ДАХИН ХУРДАН, УУШГИНД 10 ДАХИН УДААН ҮРЖДЭГ БОЛОХЫГ ТОГТООЖЭЭ

Нийтэлсэн

3 жил өмнө

2021-12-27

Нийтэлч

Сэрэмжлүүлэг

Хонгконгийн эрдэмтэд “SARS-CoV-2” вирусийн Омикрон хувилбар хүний амьсгалын замд хурдан, уушгинд удаан үрждэг болохыг тогтоосон байна.

Судалгааг ахалсан Хонгконгийн их сургуулийн эрдэмтэн, доктор Майкл Чан Чигийн мэдээлснээр “Омикрон” хувилбар нь “Дельта” хувилбартай харьцуулахад амьсгалын замд 70 дахин хурдан үрждэг байна. Тиймээс шинэ мутаци хүнээс-хүнд илүү хурдан халдварлаж байгаа нь амьсгалын замд илүү хурдан үрждэгтэй холбоотой байж болох юм таамаглаж байгаа аж. Харин эсрэгээрээ Омикрон мутаци нь БНХАУ-ын Ухань хотод бүртгэгдсэн “SARS-CoV-2” вирусийн анхны хувилбартай харьцуулахад хүний уушгинд 10 дахин удаан үрждэг болохыг тогтоосон байна. Улмаар Омикроноор халдварласан хүмүүс харьцангуй хөнгөн буюу шинж тэмдэггүй өвчилж байгаа нь үүнтэй холбоотой байж болох юм гэж таамаглажээ. Одоогоор судалгааны баг судалгааны үр дүнгийн талаарх тайлангаа хараахан нийтлүүлээгүй байгаа юм. Гэсэн ч доктор Майкл Чан Чи “Аливаа вирусийн халдвараар хүндээр өвчлөх магадлалыг дан ганц тухайн вирусийн үржлийн хурдаар тодорхойлох боломжгүй. Хүн бүрийн дархлааны хариу урвалаас өөр өөр түвшинд явагддаг. Дархлаа султай зарим хүн амь насанд аюултай хэмжээнд хүндээр өвчлөх эрсдэлтэй байдаг. Тиймээс халдварлах хурд өндөр байгаагийн хэрээр олон хүн халдвар авч, дархлаа султай хүмүүс хүндээр өвчилж, үхэлд хүргэх аюултайг анхаарах шаардлагатай” гэж анхааруулсан байна. Мөн тэрбээр “Бидний судалгаа болон Омикрон хувилбар вакцинаар үүсгэгдсэн болон өвчлөөд эдгэрсний дараа үүссэн дархлаанаас зугтах чадвартай гэх судалгааг хамтад нь авч үзвэл Омикрон хувилбарын аюул заналхийлэл мөн өндөр байх магадлалтай” гэх байр суурийг илэрхийлсэн юм.

Америкийн анагаах ухааны нийгэмлэгийн “JAMA” сэтгүүлийн мягмар гаригийн дугаарт нийтлэгдсэн судалгаанд “дэлхийн хэмжээнд ковидын халдварын нийт тохиолдлын 40.5 хувь нь шинж тэмдэггүй өвчилж байгаа нь халдвар тархах хамгийн том шалтгаануудын нэг болж байна” гэх дүгнэлтийг хийсэн. Өөрөөр хэлбэл, халдвар авсан 10 хүний тутмын дөрөв нь ковид туссан гэдгээ мэдэлгүй бусдад тарааж байх боломжтой юм.

Эх сурвалж: Reuters, JAMA

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

5 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...