Эдийн засаг

ОЮУ ТОЛГОЙ ТӨГРӨГИЙН ХАНШИД ЭЕРЭГ НӨЛӨӨТЭЙ

Нийтэлсэн

3 жил өмнө

2022-02-18

Нийтэлч

Оюу толгойн нийт баялгийн 80 гаруй хувь газрын гүнд оршдог. Энэхүү баялгийг 2023 оноос тогтвортой олборлож эхэлснээр Монголд жил бүр 5 тэрбум ам.долларын экспортын орлого орж ирэх боломжтой гэх тооцоолол бий.

Энэ нь одоогоор жилдээ олж буй $9 тэрбумын экспортын орлогыг огцом нэмэгдүүлж, гадаад валютын орох урсгалыг нэмэгдүүлэх төлөвтэй байна. Мөн гүний уурхайн тогтвортой олборлолт эхлэх хугацаа буюу 2023 оны эхний хагас хүртэлх нэмэлт санхүүжилтийг “Рио Тинто”, “Туркойз Хилл Ресурс” бүрэн хариуцахаар байгаа юм.

Өөрөөр хэлбэл Засгийн газар, Рио Тинтотой амжилттай тохиролцсоноор 1-р сарын 25-нд Оюу толгойн гүний уурхайн нээлт, үйлдвэрлэлийн эхний шат эхэлсэн нь үндэсний мөнгөн тэмдэгт төгрөгийн тогтвортой байдлыг дэмжих үйл явдал болсон.

Оюу толгой шиг томоохон мега төслүүд амжилттай хэрэгжих нь гадаадын хөрөнгө оруулагчдад эерэг дохио болдог. Энэ нь цаашлаад дараа дараагийн хөрөнгө оруулалтыг татах таатай уур амьсгалыг бүрдүүлэх юм.

Зэсийн зах зээлийн ирээдүй

Өнгөрсөн онд хил хаагдсанаас үүдэж нүүрсний экспорт зорилтдоо хүрээгүй буюу 56.3 хувийн гүйцэтгэлтэй байсан ч зэсийн экспорт төлөвлөгөөнөөс 15 орчим хувиар давж биелээд байна.

Мөн зэсийн үнэ тогтвортой өндөр түвшинд хадгалагдаж байна. Энэ нь цар тахлын хүнд үед төсвийн орлого бүрдүүлэлт, валютын орон урсгалд томоохон дэмжлэг болсон бөгөөд цаашид ч энэ хандлага үргэлжлэх өндөр боломжтой.

Дэлхий дахинд уур амьсгалын өөрчлөлттэй тэмцэх зорилгоор хүлэмжийн хийн ялгарлыг бууруулах арга хэмжээнүүд өргөн хүрээнд хэрэгжиж байна. Тухайлбал Европын орнуудад бензинээр явдаг автомашиныг халах, БНХАУ-д нүүрсний цахилгаан станцуудаа хаах зэргээр эрчтэй арга хэмжээнүүд авч буй.

Энэхүү ногоон шилжилтэд шаардлагатай цахилгаан автомашин, салхин сэнс зэрэг бүтээгдэхүүний гол орц нь зэс тул ойрын ирээдүйд эрэлт нь дэлхий даяар тогтвортой өсөх хандлагатай байгаа юм. Тухайлбал Goldman Sachs-ийн шинжээчид одоо тонн нь $10 мянгад арилжигдаж байгаа зэсийн үнэ энэ онд дунджаар $12 мянга хүрч өсөх, 2024-2025 онд $15 мянга хүрч өсөх төсөөллийг “Copper is the New Oil” тайландаа дурджээ.

Сэдвүүд:онцлох

Дэлгэрэнгүй ...

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

7 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

3 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.