Эдийн засаг

Дэлхийн тэргүүлэх 26 тэрбумтны хөрөнгө 3.8 тэрбум хүний хөрөнгөтэй тэнцэнэ

Нийтэлсэн

6 жил өмнө

2019-01-21

Нийтэлч

Admin

Дэлхийн тэрбумтнуудын хөрөнгө өдөр ирэх тусам 2.5 тэрбум ам.доллараар нэмэгдэж байхад дэлхийн хүн амын хамгийн ядуу хэсгийн хөрөнгийн хэмжээ буурсаар байна.

Энэ тухай “Oxfam” байгууллагаас даваа гарагт гаргасан тайланд мэдээлэв.

Дэлхийн тэрбумтнуудын тоо одоогийн байдлаар хамгийн олон буюу 2208 хүрч, тэдний хөрөнгийн хэмжээ урьд өмнө байгаагүй хамгийн их хэмжээнд хүрсэн байна. 10 жилийн өмнөх дэлхийн санхүүгийн хямралаас хойш тэрбумтнуудын тоо ойролцоогоор хоёр дахин нэмэгджээ.

Швейцарын Давос хотноо зохион байгуулдаг, дэлхийн хамгийн нэр нөлөөтэй, баян чинээлэг хүмүүс нэгэн дор цугладаг Дэлхийн эдийн засгийн жил тутмын чуулга чуулга уулзалтыг угтан дээрх тайланг гаргажээ. 106 хуудас бүхий тайланд баян ядуугийн ялгаа өсөн нэмэгдсээр буйд анхаарлаа хандуулахыг уриалсан байна.

Өнгөрсөн оны тооцоогоор, дэлхийн хамгийн баян 26 хүний хөрөнгийн хэмжээ дэлхийн хамгийн ядуу 3.8 тэрбум хүний хөрөнгөтэй тэнцэх хэмжээнд хүрчээ.

“Forbes” сэтгүүлээс гаргадаг жагсаалтаас үзэхэд, хамгийн баян хүмүүсийн дийлэнх нь Америкийн иргэд байгаа аж. Үүнд тэмдэглэснээр, “Amazon” компанийн захирал Жефф Безос, “Microsoft” компанийн захирал Билл Гейтс, “Berkshire Hathaway” компанийн захирал Уоррен Буффет, “Facebook” компанийн захирал Марк Зукерберг нарын хөрөнгө 357 тэрбум ам.доллартай тэнцэх ажээ.

Улс орнуудын татварын орлогыг шударга түвшинд хүргэж, хувь хүний орлогын түвшин болон корпорацийн татварыг өсгөж, компаниуд болон хэт баян хүмүүсийг татвараас зайлсхийх явдлыг үндсээр нь устгахыг дээрх тайланд уриалсан байна. Мөн дэлхий даяар эмнэлгийн тусламж, боловсрол болон олон нийтийн бусад үйлчилгээг үнэ төлбөргүй болгох нь чухал хэмээн онцлон тэмдэглэжээ. Үүний зэрэгцээ ус, цахилгаан, хүүхдийн асрамж зэрэг нийгмийн үйлчилгээнд хөрөнгө оруулалт хийхийг “Oxfam” байгууллагын тайланд санал болгосон байна.

Э.Хулан

Сэдвүүд:

Дэлгэрэнгүй ...

Сэтгэгдэл үлдээх

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

4 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

2 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.