Эдийн засаг

ДААТГАЛЫН КОМПАНИУД ₮243.3 ТЭРБУМЫН ХУРААМЖ ТӨВЛӨРҮҮЛЖ, ₮68.9 ТЭРБУМЫН НӨХӨН ТӨЛБӨР ОЛГОЖЭЭ

Нийтэлсэн

3 жил өмнө

2022-03-01

Нийтэлч

24barimt

Даатгалын салбарын 2021 оны статистик мэдээллийг Санхүүгийн зохицуулах хорооноос нэгтгэн гаргажээ. Өнгөрсөн онд

ердийн даатгалын 15
урт хугацааны даатгалын 1
давхар даатгалын 1
даатгалын зуучлагч 57
даатгалын хохирол үнэлэгч 25 компани болон
2,403 даатгалын төлөөлөгч тусгай зөвшөөрөлтэйгөөр даатгалын зах зээлд үйл ажиллагаа явуулсан байна.

2021 оны байдлаар даатгалын компаниудын нийт хөрөнгө өмнөх оны мөн үетэй харьцуулахад 43.4 тэрбум төгрөгөөр буюу 11.3 хувиар өсөж, 425.4 тэрбум төгрөгт хүрчээ.

Ердийн даатгалын компаниуд 2021 онд 241.5 тэрбум төгрөгийн, урт хугацааны даатгалын компани 1.8 тэрбум төгрөгийн нийт 243.3 тэрбум төгрөгийн даатгалын хураамж төвлөрүүлжээ.

Ердийн даатгалын компаниудын хувьд 6.1 тэрбум төгрөгийн хураамжийн буцаалт хийж, 84.4 тэрбум төгрөгийг давхар даатгалын хураамжийн зардалд зарцуулж, 151.1 тэрбум төгрөгийн даатгалын цэвэр хураамжийн орлоготой ажиллажээ.

Сүүлийн 5 жилийн даатгалын нийт хураамжийн дундаж өсөлт 17 хувь байсан бол 2021 онд 20.8 хувиар өссөн байна.

Эх сурвалж: СЗХ

2020 оны байдлаар ердийн болон урт хугацааны даатгалын компаниуд нийт хураамжийн 33.1 хувийг давхар даатгалын хураамжийн зардалд зарцуулж байсан бол 2021 онд 34.7 хувийг зарцуулжээ.

Урт хугацааны болон ердийн даатгалын компаниуд 2021 оны байдлаар нийт 68.9 тэрбум төгрөгийн нөхөн төлбөр олгосон байна.

Ердийн болон урт хугацааны даатгалын компаниуд нийт нөхөн төлбөрийн 7.1 хувийг давхар даатгагчаар, 2.5 хувийг буруутай этгээдээр төлүүлжээ.

Эх сурвалж: СЗХ

Ердийн даатгалын компаниудын цэвэр ашгийн хэмжээ 2021 онд 23 тэрбум төгрөгт хүрсэн нь өмнөх оны мөн үетэй харьцуулахад 30.5 хувиар буюу 5.4 тэрбум төгрөгөөр өссөн байгаа бол урт хугацааны даатгалын компани 1.5 сая төгрөгийн ашигтай ажилласан байна. Давхар даатгалын компани 2.2 тэрбум төгрөгийн цэвэр ашигтай ажилласан нь өмнөх оны мөн үетэй харьцуулахад 30.2 хувийн бууралттай байна.

Эх сурвалж: СЗХ

2021 онд даатгалын компаниудын хуримтлагдсан ашиг өмнөх оны мөн үетэй харьцуулахад 29.5 хувиар буюу 13.6 тэрбум төгрөгөөр нэмэгдсэн байна.

Эх сурвалж: СЗХ

Тайлант хугацаанд ердийн даатгалын компаниуд сайн дурын 518,654 болон албан журмын 690,589 даатгалын гэрээ байгуулж, 241.5 тэрбум төгрөгийн даатгалын хураамж төвлөрүүлж, 6.1 тэрбум төгрөгийн даатгалын хураамжийн буцаалт хийж, 151.1 тэрбум төгрөгийн даатгалын хураамжийн цэвэр орлого тайлагнажээ.

Тайлант хугацаанд ердийн даатгалын компаниуд нийт 67.2 тэрбум төгрөгийн даатгалын нөхөн төлбөрийг даатгуулагчид олгосон нь өмнөх оны мөн үетэй харьцуулахад 13.4 хувиар өсжээ.
Үүнээс

4.9 тэрбум төгрөгийг давхар даатгагч
1.7 тэрбум төгрөгийг буруутай этгээдээр төлүүлсэн байна.

Сэдвүүд:онцлох

Дэлгэрэнгүй ...

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

7 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

3 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.