Дэлхий дахинд

МОСКВАТАЙ ХЭЛЭЛЦЭЭР ХИЙХ БОЛЗЛОО ЗЕЛЕНСКИЙ ДЭЛГЭЛЭЭ

Нийтэлсэн

3 жил өмнө

2022-03-03

Нийтэлч

Москватай хэлэлцээрийн ширээнд суухын тулд эхлээд гал зогсоох ёстой гэж Украины Ерөнхийлөгч Владимир Зеленский гуравдугаар сарын 1-нд Reuters агентлагт яриа өгөхдөө мэдэгджээ. “Хэлэлцээрийн ширээнд суухын тулд эхлээд галаа бүрэн зогсоох шаардлагатай” гэж тэр хэлсэн байна.

Украины тэргүүн бас АНУ-ын Ерөнхийлөгч Жо Байден өөрт нь Украины агаарын орон зайг арай хаагаагүй байгаа гэж хэлсэн гэжээ. Тэр “Хэрэв тус улсыг НАТО-д элсэх хаалгыг Умард атлантын эвсэл хаах юм бол Киев хуульзүйн хувьд аюулгүй байдлын баталгаа шаардах болно” гэсэн байна.

Орос, Украины анхны хэлэлцээр Белоруссын Гомель мужид болсон юм. Таван цаг үргэлжилсэн хэлэлцээрийн үеэр талууд нөхцөл байдлыг нэг бүрчлэн ярилцаж белорусс-польшийн хил дээр хэлэлцээрийг үргэлжлүүлэхээр тохиролцсон юм.

ОХУ-ын төлөөлөгчдйиг ахалсан Оросын ерөнхийлөгчийн туслах Владимир Мединский орос украины талууд нэгдсэн байр сууринд хүрэх талаар хэдэн сэжим олсон гэж мэдэгдсэн байна.

Харин Украины тэргүүн Владимир Зеленский хэлэлцээрээр хүссэн үр дүнд хүрээгүй гэж мэдэгдсэн юм. Хэлэлцээрийн явцад Орос өөрийн байр сууриа хадгалсаар байсан бол Украин дайныг дуусгахад уулзах цэг товлохоо мэдэгдсэн гэнэ.

ОХУ-ын ерөнхийлөгч Владимир Путинхэлэлцээрийн үр дүнг мэдэж байгаа, “ямар нэг дүгнэлт хийхэд эрт байна” гэж ОХУ-ын төрийн тэргүүний хэвлэлийн нарийн бичгийн дарга Дмитрий Песков гуравдугаар сарын 1-нд мэдээлсэн байна. Тэр бас ОХУ, Украины Ерөнхийлөгчдийн яриа хэлэлцээрийг төлөвлөгөөгүй байгаа гэжээ.

Харин Украины Ерөнхийлөгч Владимир Зеленский оросын тэргүүн Владимир Путинтай хэлэлцээр хйихэд бэлэн байгаагаа үүний өмнө мэдэгдсэн.

Оросын ерөнхийлөгчтэй хэлэлцээрийн ширээнд суух хэрэгтэйг бид ойлгож байгаа, одоо ч түүнтэй хэлэлцээрийн ширээнд суухад бэлэн байна гэж Зеленскийн хэлснийг CNN телевиз иш татан дамжуулсан байна.

Сэдвүүд:онцлох

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...