Эдийн засаг
Сангийн яамны Татварын бодлогын газрын дарга Б.Тэлмүүн: НӨАТ-ын сугалааг есдүгээр сараас сэргээхээр төлөвлөж байгаа
Дөрөвдүгээр сараас түр хугацаанд зогсоогоод байсан НӨАТ-ын сугалааг есдүгээр сараас сэргээхээр төлөвлөж байгаа аж. Энэ талаар болон сугалааг зогсоосноор ямар өөрчлөлт гарсан талаар Сангийн яамны Татварын бодлогын газрын дарга Б.Тэлмүүнээс тодрууллаа.
НӨАТ-ын урамшууллын сугалаа нь цөөхөн хүнд хүртэж байна гэсэн зарим иргэний шүүмжлэлээс үүдэн 2022 оны дөрөвдүгээр сарын 18-наас уг үйл ажиллагааг зогсоох шийдвэр гаргасан.
Хэдий сугалааг зогсоосон ч НӨАТ-ын дүнгийн 2%-ийн буцаан олгох систем хэвээр үргэлжилж ирсэн бөгөөд энэ хугацаанд хэвлэгдсэн баримтын тоо буураагүй ч худалдан авалтын баримтаа бүртгүүлэх идэвх буурсан нь судалгаанаас харагдаж байна.
Дээрх графикаас харахад өмнө нь хэвлэгдсэн баримтыг уншуулж баталгаажуулах дундаж хувь 64% байсан бол дөрөвдүгээр сараас хойш 50%-д хүртэл буурчээ.
НӨАТ-ын сугалааг зогсоохоос өмнө урамшууллын хөтөлбөр ямар үр дүнд хүрч байсныг доорх графикаас харж болно.
2016 онд 203 сая ширхэг баримт бүртгэгдэж байсан бол 2021 онд 647 сая ширхэг бол гурав дахин өссөн бол үнийн дүн нь 39 тэрбум төгрөгөөс 104 их наяд төгрөг болж өссөн үр дүнтэй байв.
Энэ хугацаанд давхардсан тоогоор 1.6 сая азтан тодорч, 81.2 тэрбум төгрөгийн урамшууллыг сугалааны тохирлоор авчээ.
“Бүх хонжвор дээр заавал азтан тодордог болно”
Дээр дурдсан судалгааны үр дүнд суурилаад НӨАТ-ын сугалааг есдүгээр сараас сэргээхээр төлөвлөж байгаа бөгөөд ингэхдээ хэд хэдэн шинэчлэлийг нэвтрүүлэхээр ажиллаж байгааг Б.Тэлмүүн хэллээ.
Тэрбээр “Төлбөрийн баримт идэвхтэй бүртгүүлдэг иргэдээ дэмжих бодлого барьж байгаа. Өөрөөр хэлбэл, олон төлбөрийн баримт бүртгүүлэх тусам өндөр шагналтай сугалаанд оролцох эрх нээгдэх хувилбарууд яригдаж байна. Тухайлбал, 10 хүртэлх баримт бүртгүүлсэн хүнд сугалааны 3 орон таарвал 30,000, 5 орон таарвал 60,000 төгрөг хожих боломж нээгдэх бол 51-ээс дээш баримт бүртгүүлсэн хүний 3 орон таарвал 60,000, 5 орон таарвал 500,000 төгрөгийн азтан болох боломж бүрдэх ч юм уу. Эцсийн байдлаар батлагдаагүй ч ийм хувилбараар иргэдийг идэвхжүүлэх боломжтой гэж үзэж байгаа.
Мөн өмнө нь супер азтан тодрохгүй улирал гардаг байсан бол одоо тухайн улиралд хэвлэгдсэн баримтуудын дугаарын хүрээнд бүх хонжвор дээр заавал азтан тодордог болох юм. Ингэснээр жилд 550,000 орчим азтан тодрох нөхцөл бүрдэнэ гэж тооцоолж байгаа. Орон нутгийн баримт бүртгүүлэлтийг дэмжих үүднээс мөн урамшууллын тогтолцоо нэвтрүүлэх талаар ярьж байна. Ингэснээр иргэдийн идэвх нэмэгдэж, баримт бүртгүүлэх хувь өснө гэж тооцож байна” гэлээ. Түүнээс гадна иргэдийн итгэлийг нэмэгдүүлэх хүрээнд хонжворын тохирлыг олон нийтийн газруудаар ээлжилж явуулах, түүнийг И-баримт апп-аар дамжуулан хүн бүр лайваар үзэх техникийн боломжийг хангажээ.
И-баримтын систем нь зөвхөн татварын орлого бүрдүүлэх зориулалттай систем биш гэдгийг Гааль, татварын санхүүгийн мэдээллийн технологийн төв УҮГ-ын дарга Т.Батбилэг онцоллоо. “Энэ нь нөгөө талаар төсвийн зарцуулалтыг хянах бас систем гэдгийг иргэд ойлгох хэрэгтэй. Тухайлбал, ногоо зарах гэж байгаа хүмүүс урамшууллаа авахын тулд НАӨТ-ын баримт үүсгэж байгаа. Үүний цаана Засгийн газраас тариалан эрхлэгчдэд олгож байгаа урамшууллын үр дүнг хянах боломж бүрдэж байгаа юм.
Мөн И-баримт нь зөвхөн сугалаанд ордог систем биш. Онцгой албан татвар төлөгдсөн эсэхийг иргэд хянаж болно. Тухайлбал, архи, тамихины бар кодыг уншуулаад тухайн барааны ОАТ-ыг төлсөн эсэхийг харах боломжтой.
Нэг хүн сугалаанд олон хонжвор авдаг гэсэн хардлага иргэдийн дунд байсаар байгаа. Энэ нь анх систем нэвтэрч байхад иргэд баримтаа бүртгүүлдэггүй байсантай холбоотой. Тухайн үед бүртгээгүй баримтыг худалдагч, кассууд их бүртгүүлж байсан нь хонжвор авах магадлалыг нэмж байсан бол одоо магадлалаараа 1,000 баримт тутмын нэгд хонжвор таарах боломжтой байгаа. Өнгөрсөн хугацаанд тагнуул, цагдаа гээд холбогдох байгууллагуудаас олон удаа шалгалт хийсэн бөгөөд зөрчил гараагүй” гэлээ.
И-баримт системийн шинэчлэлийн дараагийн хувилбарыг хэрэглээнд нэвтрүүлж, НӨАТ-ын сугалааны хонжворыг лайваар үзүүлснээр тухайн тоонууд тохирч байгаа хэдэн баримт танд байгаа зэрэг мэдээлэл нь шууд цагийн горимоор хэрэглэгчдэд харагдах байдлаар бэлтгэгдэж байгаа аж.
Эдийн засаг
“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ
Эдийн засаг
“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ
Эдийн засаг
Монголбанк: Аравдугаар сард 1.9 тонн үнэт металл худалдан авлаа
Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.
Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.
-
Улс төр7 цаг өмнө
“Анхдугаар Үндсэн хуулийн мөн чанар, агуулга, ач холбогдол” сэдвээр улс орон даяар хичээл зааж байна
-
Нийгэм9 цаг өмнө
Ой модны салбар үүсэж хөгжсөний 100 жилийн ойн барилдаанд улсын начин Л.Энхсаруул түрүүллээ
-
Энтертайнмент9 цаг өмнө
Циркийн уран нугараач Э.Лхагва-Очир Алтан цомын эзэн боллоо
-
Энтертайнмент8 цаг өмнө
“Болор цом-42” наадамд оролцох найрагчдын нэрс тодорлоо
-
Нийгэм9 цаг өмнө
Т.Даваадалай: Автомашины импортыг хязгаарлаагүй, улсын дугаар авах шалгуур үзүүлэлтээ л биелүүлэх ёстой
-
Улс төр7 цаг өмнө
Боомтын сайд “Тавантолгой төмөр зам” ХХК-ийн үйл ажиллагаатай танилцав
-
Нийгэм9 цаг өмнө
Аюулт үзэгдэл, ослын 115 удаагийн дуудлагаар үүрэг гүйцэтгэжээ
-
Нийгэм9 цаг өмнө
Улс тунхагласны баяраар зарим хилийн боомтууд амарна