Эдийн засаг

2018 онд банкны зээлийн хүү 2.1 нэгж хувиар буурч, 16.9 хувьд хүрчээ

Нийтэлсэн

6 жил өмнө

2019-02-01

Нийтэлч

Admin

2018 оны эцэст Банк бус санхүүгийн байгууллагуудын зээлийн сарын жигнэсэн дундаж хүү 3.3 хувь байгаа нь өмнөх оны мөн үеэс 0.1 пунктээр буурсан үзүүлэлт гэж Санхүүгийн зохицуулах хороо мэдээллээ.

Жилээр нь авч үзвэл хүүгийн түвшин 1.2 нэгжээр буурсан байна. Энэ нь 40 орчим хувийн хүү юм. Банк бус санхүүгийн байгууллагуудын нийт хөрөнгийн хэмжээ 1.3 их наяд төгрөгт хүрч өсөхөд актив талаас зээлийн өсөлт бүрдүүлсэн байна.

Зээлийн нийлүүлэлт нэмэгдсэнээр Банк бус санхүүгийн байгууллагуудын харилцагчдын тоо 1.6 сая хүрчээ. Харилцагчдын тоо өсөхөд технологид суурилсан санхүүгийн бүтээгдэхүүн, үйлчилгээ зах зээлд нэвтэрсэнтэй холбоотой юм байна. Нөгөө талаас банкны шаардлага хангахгүй зээлдэгчид Банк бус санхүүгийн байгууллагуудад хандах хандлагатай байдаг гэж Санхүүгийн зохицуулах хороо мэдээлж байсан юм.

СЗХ-ны ББСБ-ын дарга Б.Итгэлсүрэн

Тайлант хугацаанд банкнуудын шинээр олгосон зээлийн жигнэсэн дундаж хүү 16.9 хувьтай байна. Энэ нь өмнөх оны мөн үеэс 2.1 нэгжээр буурсан үзүүлэлт юм. Банкнуудын бизнесийн зээлийн хүүгийн түвшин буурах хандлагатай байгаа аж. Зээлийн өсөлтийг харвал өмнөх оноос 26 хувиар өсөж, 17.1 их наяд төгрөг давжээ. Хэдий тийм боловч өнгөрсөн оны зээлийн өсөлтийг иргэдэд олгосон зээл тэргүүлж байна. Иргэдийн зээл 35 хувиар өссөн бол бизнесийн зээл үүнээс хоёр дахин бага буюу 17 хувиар өсжээ. Бизнесийн зээлийг нэмэгдүүлэх зорилгоор Төв банк хэрэглээний зээлийг хязгаарлах бодлого барьж байна.

Монголбанкны Судалгаа, статистикийн газрын захирал Д.Ган-Очир

Б.Бямбасүрэн|@byambasuren_b

Сэдвүүд:

Дэлгэрэнгүй ...

Сэтгэгдэл үлдээх

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

4 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

2 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.