Ойрын өдрүүдэд дуучин A Cool болон реппер Gee нарын маргаан олны анхаарлыг татаад байгаа билээ. Өөрийнх нь тухай дуундаа оруулан дисс хийсэн реппер Gee-г халз тулаанд дуудаад байгаа A Cool энэ удаад “+17”-ийн Цогтоо, Жижгээ нарыг мөн шүүмжлээд амжсан байна. “Хүүхдийн элч дуучин” тодотголтой түүнд тэдний гаргасан ёс бус хэллэгтэй дуу мөн л таалагдаагүй гэх бөгөөд хүүхэд багачуудад буруу үлгэр дуурайл үзүүлж байгаа тухай тэрээр дурдсан байх аж.

Хип хоп жанраар реппер Gee-с илүү дуулна гэдгээ мөн хэлсэн тэрээр онгоцны буудал дээр болсон үйл явдлын тухайд “Миний саваагүй гэх юм уу, сайн гэх юм уу нэг сайн найз байдаг юм, Баярсайхан гээд. Бид хоёр Найрамдлаас авахуулаад хамтдаа ажиллаж байсан. Тэр найз маань олон дүү нарыг маань цуглуулаад яахав намайг гадаадад аялан тоглолтоо амжилттай хийгээд ирэхэд тэгж угтаж авсан. Би мэдэхгүй. Мөнгө төгрөг төлсөн, өөрөө зохион байгууллаа гэж яриад байгаа юм” хэмээх тайлбарыг өгчээ.

Харин реппер Gee түүний шоуны нэг хэсэг болохгүй гэдгээ дурдсан байх бөгөөд A Cool-ийн зүгээс түүнийг хараалын үгтэй дуунуудаа устгахыг шаардаж байгаа ажээ.