Дэлхий дахинд

Швед: Турк хэтэрхий их зүйл хүсч байна

Нийтэлсэн

2 жил өмнө

2023-01-10

Нийтэлч

Швед улс НАТО-д элсэх хүсэлтээ өнгөрсөн оны дөрөвдүгээр сард өгсөн. Энэ өргөдлийг Турк улс хүлээн зөвшөөрнө гэдэгт Швед итгэлтэй байгаа ч тэдний тавьсан бүх болзлыг биелүүлэх боломжгүй гэв. Тус улсын ерөнхий сайд Ульф Кристерссон батлан хамгаалахын судалгааны төвийн бага хурлын үеэр энэ талаар мэдэгджээ.

Швед, Финланд улсуудыг НАТО-д элсэхийг Турк эсэргүүцэж буй. Одоогоор НАТО-ийн 30 гишүүнээс Унгар, Турк хоёр өргөдлийг зөвшөөрөөгүй байна. Швед болон Финландыг Курдистаны ажилчны нам тэргүүтэй зэвсэгт бүлэглэлийн дайчдыг орогнуулж байна гэж Турк буруутгасны үндсэн дээр эвсэлд нэгдэхийг нь эсэргүүцсэн. Энэ эсэргүүцлийг шийдвэрлэх зорилготойгоор Швед, Финланд, Турк улсууд өнгөрсөн онд гурвалсан хэлэлцээр байгуулжээ. Гэвч гурван талт санамж бичгийн хамрах хүрээнээс давсан зүйлсийг Турк шаардаж байна гэж Шведийн ерөнхий сайд хэллээ.

Турк улс Швед, Финландаас ялтан шилжүүлэн авах хүсэлтийг үе үе тавьдаг. Тодруулбал, Курдын дайчин гэгдэх 33 хүн болон төрийн эргэлт хийхийг оролдсон сэжигтэн Фетуллах Гюленийг шилжүүлэн авахаар хөөцөлдөж байна.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...