Германы баруун хэсэгт нүүрсний уурхайн өргөтгөл хийхээр төлөвлөж, тухайн байршил дахь тосгоныг цэвэрлэж, нураах болжээ. Уг үйл ажиллагааг эсэргүүцсэн германчууд өчигдөр /2023.01.14/ жагслаа. Жагсагчид “Тосгон үүрд үлдэнэ”, “Чи ганцаараа биш” гэсэн уриа лоозон барьжээ.

Уур амьсгалын өөрчлөлтийн эсрэг тэмцэгч Шведийн иргэн Грета Тунберг жагсагчидтай нэгдэж, Лютцератыг чөлөөлж, ойролцоох Кейенберг тосгоноор жагсжээ. Зохион байгуулагчдын мэдээлснээр, 35 мянга орчим хүн жагсаалд оролцсон бол цагдаа нар 15 мянган хүн оролцсон гэж хэлэв. Жагсагчид хаалтыг давж, зарим нь Гарцвейлерийн нүүрсний уурхайд орсон байна. Цагдаа нар Луетцерат тосгоныг хашаалсан бөгөөд усан буу, бороохой ашиглан жагсагчидтай тэмцжээ. Цагдаа нар зүй бусаар хүч хэрэглэсэн гэж жагсагчид үзэж байна. Харанхуй болсны дараа байдал намжжээ.

“Уур амьсгалын өөрчлөлтийн эсрэг дэлхийн тэмцэлд хүн бүрийн оролцоо чухал. Хэрэв Герман шиг хамгийн том бохирдуулагчдын нэг ийм зүйл хийж байгаа бол энэ нь мэдээжийн хэрэг хүн бүрт нөлөөлнө. Уур амьсгалын хямралд хамгийн их өртөж байгаа хүмүүст ялангуяа ихээр нөлөөлнө” гэж тэмцэгч Грета Тунберг хэллээ.

Тосгонд нуугдаж байсан уур амьсгалын эсрэг тэмцэгчдийг нүүлгэн шилжүүлэх ажиллагаа Лхагва гаригийн өглөө эхэлжээ.  Ажиллагааны эхний гурван өдрийн байдлаар 470 орчим хүн талбайг орхисны 320 нь сайн дураараа явсан гэж цагдаагийнхан мэдэгдлээ.

Бямба гаригт болсон жагсаалын үеэр зарим идэвхтэн Ногоонтнуудтай хэлэлцсэн бөгөөд энэ нь бусад таван тосгоныг нураахаас аварсан гэж үзэж байна.