Дэлхий дахинд

Газар хөдөлсний уршгаар Сири улсад учирсан хохирол 5 тэрбум доллар хэмээн Дэлхийн банк тооцоолжээ

Нийтэлсэн

2 жил өмнө

2023-03-06

Нийтэлч

Газар хөдөлснөөс Сирид улсад учирсан шууд, бодит хохирол 5,1 тэрбум доллар хэмээн тооцоолсноо Дэлхийн банк мэдэгджээ.

Тус улсын дотоодын нийт бүтээгдэхүүний 10 хувьтай тэнцэх энэ хохирол дараах байдлаар задарч байна. Тухайлбал, 2 дугаар сарын 6-ны газар хөдлөлтөөр Сирийн орон сууцны барилгуудад учирсан хохирол 2.5 тэрбум доллар буюу нийт дүнгийн бараг тал хувийг эзэлж байна. Мөн эмнэлэг, сургуулийн барилгуудын хохирол 1,7 тэрбум долларт хүрсэн бол, дэд бүтцийнх 900 сая доллар байна.

-Хойд бүсийн Алеппо мужид хамгийн их гарз учирч, нийт дүнгийн 45 хувийг бүрдүүлж байна. Үүний дараа тус улсын баруун хойд хэсгийн Идлиб муж хохирлын 37 хувийг бүрдүүлснээрээ бичигджээ. Үүн дээр нэмээд бизнесийн байгууллагууд болон түрээсийн орон сууцны зардалд учирсан нөлөөг үнэлэх нарийн судалгаа хэрэгтэй хэмээн Дэлхийн банк мэдэгджээ.

Банкны шинжээчид Турк улсад учирсан хохирлын хэмжээг 34,2 тэрбум доллар хэмээн 2 дугаар сард тооцоолсон. Сэргээн босгох зардлыг багтаавал 2 улсын хохирлын хэмжээ нэмэгдэх магадлалтай гэсэн таамаг байна.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...