Эдийн засаг

“Эрдэнэс-Тавантолгой” ХК салбарын жендерийн бодлогыг боловсруулахад хамтран ажиллана

Нийтэлсэн

6 жил өмнө

2019-02-22

Нийтэлч

Уул уурхай, хүнд үйлдвэрийн яам, Ашигт малтмалын хэрэг эрхлэх газраас СЕСМИМ төслийн дэмжлэгтэйгээр “Геологи, уул уурхай, газрын тос, хүнд үйлдвэрийн салбарт жендерийн талаар баримтлах бодлого /2019-2026/”-ын баримт бичгийн төслийн олон нийтийн хэлэлцүүлгийг энэ сарын 21-ний өдөр зохион байгуулж, “Эрдэнэс-Тавантолгой” ХК-ийн төлөөллүүд оролцож, санал солилцлоо.

Энэхүү хэлэлцүүлгийг зохион байгуулахад Канад улсын Засгийн газар, олборлох салбарын менежментийг бэхжүүлэх СЕСМИМ төслийг хэрэгжүүлэгч Канад улсын Агритийм зөвлөх компани, зохион байгуулах ажлын хэсгийн гишүүд санаачилга гаргаж, дэмжлэг үзүүлсэн бөгөөд хэлэлцүүлэгт Канад улсаас Монгол Улсад суугаа Элчин сайд Дэвид Спрул болон 50 гаруй төрийн болон төрийн бус, олон нийтийн төлөөлөл оролцов.

“Геологи, уул уурхай, газрын тос, хүнд үйлдвэрийн салбарт жендерийн талаар баримтлах бодлого /2019-2026/”-ын баримт бичгийн төслийн олон нийтийн хэлэлцүүлэгт:

-Жендерийн Үндэсний Хорооны Нарийн бичгийн дарга бөгөөд ажлын албаны дарга Т.Энхбаяр Тогтвортой хөгжлийн зорилт: Төрөөс жендерийн талаар баримтлах бодлого, “ГУУГТХҮ-ийн салбарт жендерийн талаар баримтлах бодлого”-ын хүлээгдэж буй үр дүн,

-УУХҮЯ-ны Стратеги бодлого, төлөвлөлтийн газрын ахлах мэргэжилтэн, “ГУУГТХҮ-ийн салбарт жендерийн талаар баримтлах бодлого” боловсруулах Ажлын хэсгийн гишүүн А. Пүрэв “Монгол Улсын эрдэс баялгийн салбарын жендэрийн нөлөөллийн үнэлгээ: Зорилго, ач холбогдол, үр дүн”,

-УУХҮЯ-ны Төрийн нарийн бичгийн дарга, Жендерийн салбар зөвлөлийн дарга Г.Нандинжаргал- “ГУУГТХҮ-ийн салбарт жендерийн талаар баримтлах бодлого /2019-2026/: Зорилго, зорилт, хүрэх үр дүн, арга хэмжээ”

-УУХҮЯ-ны Хяналт-шинжилгээ, үнэлгээ, дотоод аудитын газрын дарга, “ГУУГТХҮ-ийн салбарт жендерийн талаар баримтлах бодлого” боловсруулах Ажлын хэсгийн ахлагч Г.Ганхүү ГУУГТХҮ-ийн салбарт жендерийн талаар баримтлах бодлого /2019-2026/-ыг хэрэгжүүлэх үйл ажиллагааны төлөвлөгөө

-БОАЖЯ-ны Цэвэр технологи, хөрөнгө оруулалт, үйлдвэрийн хэлтсийн дарга, Жендерийн салбар зөвлөлийн нарийн бичгийн дарга Д.Уранчимэг Байгаль орчны салбарын жендерийн бодлогын хэрэгжилт, туршлага , сургамж зэрэг сэдвүүдээр илтгэл тавилаа.

“Эрдэнэс-Тавантолгой” ХК-ийн хувьд салбарын жендерийн бодлогыг боловсруулахад чиглэсэн бодлогын зөвлөмж боловсруулах үйл ажиллагааг дэмжин, хамтран оролцож, 2019 онд бодит ажлуудыг хийхээр төлөвлөн ажиллаж байгаа юм.

Сэдвүүд:

Дэлгэрэнгүй ...

Сэтгэгдэл үлдээх

Эдийн засаг

“Moody’s” агентлаг Монгол Улсын зээлжих зэрэглэлийг ”В2,тогтвортой” хэмээн үнэллээ

Нийтэлсэн

4 өдөр өмнө

2024-11-19

Нийтэлч

24barimt

Олон улсын зээлжих зэрэглэл тогтоогч “Moody’s” агентлаг өнөөдөр Монгол Улсын зээлжих зэрэглэлийг 9 жилийн дараа ”В2, тогтвортой” болж сайжирсныг зарлалаа.

Өмнөх сард олон улсын зээлжих зэрэглэл тогтоогч “Fitch” агентлаг Монгол Улсын зээлжих зэрэглэлийг “В+тогтвортой”, “S&P” агентлаг “В+эерэг” гэж үнэлснээ дараалан зарлаж байсан юм.

Харин “Moody’s” агентлаг Монголын Улсын зээлжих зэрэглэлийн үнэлгээ “B2, Тогтвортой” болж сайжрахад дараах хүчин зүйлс нөлөөлснийг онцолжээ.

Ингэхдээ Засгийн газрын өрийн дарамтыг сүүлийн жилүүдэд тогтвортойгоор бууруулсан, Өрийн зохистой удирдлага, төсвийн сахилга батын үр дүнд Засгийн газрын ирэх жилүүдийн дахин санхүүжилтийн эрсдэл буурсан, Эдийн засаг тогтвортойгоор өсөж, ДНБ-ий хэмжээ болон түүний бодит өсөлт нэмэгдсэн хэмээн тайланд дурдсан байна.

Манай улсын хувьд өнгөрсөн хугацаанд дэлхий нийтийг хамарсан цар тахал, геополитикийн зэвсэгт мөргөлдөөний сорилттой он жилүүдэд Засгийн газраас авч хэрэгжүүлсэн санхүү, төсвийн сахилга бат, өрийн удирдлагын оновчтой бодлогын үр дүнд зээлжих зэрэглэлийг бууруулахгүйгээр тогтвортой хадгалсан учраас олон улсын нэр хүнд бүхий 3 агентлагийн үнэлгээг ийнхүү авч чадлаа.

Зээлжих зэрэглэл нь тухайн улсын төр, хувийн хэвшил, банк санхүүгийн байгууллагын гадаадын хөрөнгө оруулалт татах, хөрөнгө оруулалтын зардлыг бууруулахад нөлөөлдөг тул эдийн засгийн хөгжлөө дэмжих, тогтвортой өсөлтийг бий болгоход чухал ач холбогдол өндөр үзүүлэлт юм.

Мөн Засгийн газрын гадаад бондуудын үнэ цэнэ нэмэгдэх төдийгүй бусад арилжааны банкууд, хувийн хэвшлийн компанийн зээлжих зэрэглэл дагаж сайжрах нөхцөл бүрдэж байгаа юм гэж Монгол Улсын Сангийн яамнаас мэдээллээ.

Дэлгэрэнгүй ...

Эдийн засаг

“Эрдэнэс Тавантолгой” ХК дотоодын зах зээлд гаргасан бондын төлбөрөө бүрэн төлж барагдуулжээ

Нийтэлсэн

2 долоо хоног өмнө

2024-11-12

Нийтэлч

24barimt

“Эрдэнэс Тавантолгой” ХК хэрэгжүүлж буй төсөл, хөтөлбөрүүдийг санхүүжүүлэх зорилгоор 2021-2022 онд дотоодын зах зээлд төгрөгийн болон ам.долларын “ЭТТ-БОНД”-ыг нээлттэй гаргасан. Тодруулбал, төгрөгийн 6.2 сая ширхэг бонд арилжиж 620.0 тэрбум төгрөг, ам.долларын 0.6 сая ширхэг бонд арилжиж 64.2 сая ам.долларын хөрөнгө оруулалт тус тус татан төвлөрүүлсэн.

Татан төвлөрүүлсэн төгрөг болон ам.долларын “ЭТТ-бонд”-ын үндсэн төлбөр болох 802.8 тэрбум төгрөгийг 177.7 тэрбум төгрөгийн хүүгийн хамт нийт 980.4 тэрбум төгрөгийг өөрийн эх үүсвэрээр хугацаанд нь буюу 2024 онд бүрэн төлж барагдууллаа.

Нийт төлсөн бондын төлбөр болох 980.4 тэрбум төгрөгийг эргэн төлөх хуваарийн дагуу 15.6 тэрбум төгрөгийг 2021 онд, 74.7 тэрбум төгрөгийг 2022 онд, 552.6 тэрбум төгрөгийг 2023 онд, 337.6 тэрбум төгрөгийг 2024 онд тус тус төлсөн байна.

Ингэснээр “Эрдэнэс Тавантолгой” ХК дотоодын зах зээлд төсөл хөтөлбөр санхүүжүүлэхээр гаргасан ЭТТ-бондын төлбөрийг хүүгийн хамт хугацаанд нь өөрийн эх үүсвэрээр бүрэн төлж барагдуулан бондын өр, төлбөргүй боллоо.

Дэлгэрэнгүй ...

Эдийн засаг

Монголбанк: Аравдугаар сард 1.9 тонн үнэт металл худалдан авлаа

Нийтэлсэн

2 долоо хоног өмнө

2024-11-06

Нийтэлч

24barimt

Монголбанк 2024 оны 10 дугаар сард 1,902.5 кг үнэт металл худалдан авч, оны эхнээс өссөн дүнгээр 14.1 тонн үнэт металл худалдан аваад байна. Энэ нь өмнөх оны мөн үетэй харьцуулбал 0.6 хувиар буурсан үзүүлэлт байна.
Оны эхнээс өссөн дүнгээр Дархан-Уул аймаг дахь Монголбанкны хэлтэс 670.9 кг, Баянхонгор аймаг дахь Монголбанкны хэлтэс 1,085.7 кг үнэт металл тус тус худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. 2024 оны 10 дугаар сард алт худалдаж авах дундаж үнэ 292,856.04 төгрөг байв.