Дэлхий дахинд

Дональд Трамп АНУ-Мексикийн хил дээр Афганистанд байгаагаас илүү олон цэрэг байрлуулна

Нийтэлсэн

6 жил өмнө

2018-11-01

Нийтэлч

Admin

Төв Америкаас айсуй дүрвэгчдийн нүүдлийг зогсоохын тулд АНУ дахин 10,000-15,000 цэрэг Мексиктэй залгаа хил рүүгээ илгээж магадгүй байгааг Дональд Трамп өчигдөр мэдэгджээ.

Хэрвээ ингэвэл өмнөд хил дээрээ төвлөрүүлсэн цэргийн тоо нь Ирак, Сири, тэр ч байтугай Афганистанд байрлаж байгаа Америк цэргийн тооноос давах юм. Одоо Афганистанд АНУ-ын 14,000 орчим цэрэг байрладаг.

АНУ-Мексикийн хил дээр одоо Хил, Гааль Хамгаалах албаны хэдэн мянган албан хаагчаас гадна тэдэнд дэмжлэг үзүүлэхээр Үндэсний Гвардийн 2,100 алба хаагч очоод байгаа.

Өнгөрсөн Даваа гарагт батлан хамгаалах, дотоодыг хамгаалах яамд хамтарсан мэдэгдэлдээ 5,200 цэргийг энэ долоо хоногийн сүүлээр өмнөд хил рүү илгээнэ гэж өгүүлсэн байна.

Тэд энэ алхмаа эхний шатны төлөвлөгөө гэсэн тул цаашид ч нэмж цэрэг илгээж магадгүй юм. Дональд Трамп өмнөд хил дээрээ үүсээд байгаа нөхцлийг “үндэсний хэмжээний онц байдал” гэж нэрлээд байна.

Зарим шинжээчид үүнийг нь ирэх долоо хоногт болох конгрессын завсрын сонгуулийг угтсан улс төрийн явууллага гэж үзэж байгаа.

Өмнөд хил рүү эхний ээлжинд зэвсэг хэрэглэх биш, Техас, Аризона, Калифорни дахь хилийн зурвасуудад хаалт, хашаа босгох инженерийн ангиудыг илгээсэн гэж Пентагон тайлбарлажээ.

Эх сурвалж: Business Insider

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...