Дэлхий дахинд

Дуучин Фаррелл Виллиамс Трамптай заргалдана гэв

Нийтэлсэн

6 жил өмнө

2018-11-02

Нийтэлч

Admin

Энэ оны аравдугаар сарын 27-ны өдөр АНУ дахь Еврейн сүмд халдлага гарч 11 хүн нас барсан хэрэг олон нийтийг цочроогоод байгаа билээ. Харин уг хэрэг гарснаас хэдхэн цагийн дараа АНУ-ын Ерөнхийлөгч улс төрийн арга хэмжээний үеэр дуучин Фарелл Виллиамсын “Happy” дууг эгшиглүүлсэн байна.

45 настай алдарт дуучны хувьд түүний энэ үйлдэлд тун сэтгэл гонсгор байгаа бөгөөд өмгөөлөгчөөрөө дамжуулан ерөнхийлөгчид хандан захиа илгээсэн юм. “Гэмгүй 11 хүн амиа алдсан харамсалтай үйл явдал болсон өдөр Индиана мужийн сонгуулийн кампанит ажлын үеэр “Аз жаргалтай байна” хэмээх дууг явуулсан байна. Хүмүүс амь насаа алдсан явдалд “баяр баясгалантай байх” ямар ч шалтгаан алга. Түүнчлэн дуучин Фаррель Виллиамс өөрийн зохиогчийн эрхийн үүднээс дууг иймэрхүү зорилгоор ашиглуулахыг зөвшөөрөхгүй байна” хэмээн түүний өмгөөлөгч Ховард Кинг бичжээ.

Дональд Трампын хувьд дуучдын уран бүтээлийг нь зөвшөөрөлгүй ашиглан тэднийг бухимдуулсан явдал энэ анхных биш юм. Өмнө нь Роллинг Стонс, Адел, Квйин тэргүүтэй уран бүтээлчид өөрсдийнх нь дууг ашиглахаа болих шаардлагыг түүнд хүргүүлж байв.

Эх сурвалж: CNN

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...