Дэлхий дахинд

Д.Трамп Б.Обамагийн цуцалсан бүх хоригийг дахин сэргээв

Нийтэлсэн

6 жил өмнө

2018-11-05

Нийтэлч

Admin

АНУ-ын Ерөнхийлөгч Дональд Трамп 2015 онд буюу Барак Обамаг Ерөнхийлөгч байх үед цөмийн гэрээний үр дүнд цуцлагдсан Ираны эсрэг бүх хоригийг дахин сэргээж байгаагаа мэдэгдлээ.

Ираны цөмийн хэлэлцээрийг Обамагийн засаг Их Британи, Хятад, Франц, Герман, Орос улсуудтай хамтран байгуулсан нь түүний гадаад бодлогын нэг томоохон амжилтад тооцогдож байсан юм. Харин Трамп уг гэрээг ашиггүй, алдагдалтай гэрээ гэж дүгнэдэг байсан юм. Эхний ээлжийн хоригууд өнгөрсөн тавдугаар сараас хэрэгжиж эхэлсэн бол өнөөдрөөс /2018.11.05/ эхлэн үлдсэн бүх хоригийг гүйцээн хэрэгжүүлэхээр боллоо. Энэхүү мэдэгдлийнхээ дараа Трамп “Хоригууд айсуй, арван нэгдүгээр сарын 5” гэсэн гарчигтай “Game of Thrones” цувралаас сэдэвлэсэн зурагт хуудсыг твиттертээ нийтэлжээ.

АНУ-ын төрийн нарийн бичгийн дарга Майк Помпео хориг арга хэмжээг “Иран улсын дураараа авирлахыг зогсоох зорилготой” хэмээн тодорхойлжээ.

Хэрвээ Иран улс энэхүү хоригоос чөлөөлөгдөхийг хүсвэл Вашингтоноос гаргасан терроризмыг дэмжихээ зогсоох, Сирид байлдааны үйл ажиллагаа явуулахаа болих, цөмийн болон баллистик пуужингийн хөгжүүлэлтээ зогсоох зэрэг 12 шаардлагыг биелүүлэх ёстой гэнэ. Шинэ хориг хэрэгжиж эхлэхэд Ираны эдийн засаг гүн хямралд унах нь тодорхой болж байна. Тавдугаар сард хэрэгжүүлж эхэлсэн эхний ээлжийн хоригийн дараа Ираны үндэсний валютын үнэ ханш тал хувиар унаж, хүнсний бараа бүтээгдэхүүний үнэ эрчимтэй өсөөд байгаа билээ.

Эх сурвалж: republicworld

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...