Дэлхий дахинд

Хятад улс Антарктидад байнгын нисэх буудал барина

Нийтэлсэн

6 жил өмнө

2018-11-05

Нийтэлч

Admin

Хятадын эрх баригчид хэдэн жилийн дараа өмнөд туйл Антарктидад байнгын нисэх буудал барихаар төлөвлөж байна. Энэ нь шинжилгээ судалгааний ангиуд болон аялагч жуулчдыг ирж очиход үйлчилнэ гэснийг эрдэм шинжилгээний Keji Ribao хэвлэл дамжуулсан байна.

“Энэ байгууламж нь онгоц бууж хөөрөх зурвас, зорчигчдын буудал байх юм. Нисэх буудал барих газрыг сонгоод төлөвлөгөө баталсан. Харин хэрэгжүүлэхэд хэдэн жил хүлээх хэрэгтэй байна гэж хэвлэлийн эх сурвалж хэлжээ.

Эх сурвалжийн хэлснээр бол нисэх буудлыг Антарктидын мөсний газаргуу дээр шууд барих юм байна. “Жилийн өмнө бид ирээдүйн нисэх буудал барих газраа сонгохоор яг хаана мөсний зузаан даац ямар байгааг судалж үзсэн” гэж тэр хэлсэн байна.

Үүний өмнө Хятад 2009, 2010 онуудад Антарктид дахь өөрийн “Куньлунь” баазаасаа баруун зүгт гурван км- ийн зайд нислэгийн зурвас, дахин цэнэглэх станц бүхий хоёр ч түр нисэх буудал байгуулсан юм. Харин одоо мөсөн тивийн энэ хэсэгт байнгын нисэх буудал барих шаардлага бий болоод байна гэж эх сурвалж хэлжээ.

Бээжин өмнөд туйлыг судлах ажлыг 1984 оноос эхлэн ихээхэн ач холбогдол өгч өнөөдөр тэнд хятадын судалгаа шинжилгээний “Чанчэн”, “Чжуншань”, “Куньлунь”, “Тайшань” гэсэн дөрвөн ч станц ажиллаж байна. Ойрын ирээдүйд Хятад тэнд тав дахь станцаа байгуулах мэдээ бий.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...