Нийгэм
Таван автомашин мөргөлдөж, долоон хүн гэмтжээ

Амралтын өдрүүдэд зам тээврийн ослын улмаас нийслэлд 24 хүн гэмтэж бэртсэн байна. Үүнээс ба 2 болон түүнээс дээш хүн гэмтсэн таван осол бүртгэгджээ.
Согтуугаар тээврийн хэрэгсэл жолоодсон 102 жолоочийг илрүүлсэн байна.
Сэрэмжлүүлэх зорилгоор зам тээврийн ноцтой ослуудаас дурдвал, 2019 оны 4 дүгээр сарын 27-ны өдрийн 17:30 цагт ХУД-ийн дүүргийн нутаг дэвсгэр дэх Сонсголонгийн гүүрний замд Sinotruk маркийн автомашины жолооч нь H.Starex, T.Pruis, T.Ractis зэрэг маркийн таван автомашинтай мөргөлдөж жолооч, зорчигч нарын долоон хүн гэмтсэн байна.
Гэмтсэн хүмүүс хөнгөн, зөөлөн эдийн гэмтэл авсан нь ГССҮТ-ийн үзлэгээр тогтоогджээ.
Ослын улмаас хүнд гэмтэл авсан хүн байхгүй ч ихээхэн хэмжээний эд материалын хохирол гарсан байна.
Урьдчилсан мэдүүлгээр тухайн Sinotruk маркийн автомашины тормос ажиллагаагүй болсон гэсэн мэдүүлэг өгсөн ч техникийн шинжээчийн дүгнэлт гараагүй, шалгалтын ажиллагааг явуулж байгаа тухай Тээврийн цагдаагийн албанаас мэдээлэв.

Нийгэм
ЭХЭМҮТ-д нэг настай хүүхдэд элэг шилжүүлэн суулгах мэс засал амжилттай хийлээ

ЭХЭМҮТ-ийн Хүүхдэд элэг шилжүүлэн суулгах баг, УНТЭ-ийн элэг шилжүүлэн суулгах хамтарсан багийнхан Монгол Улсад хамгийн бага буюу нэг настай хүүхдэд амьд донороос элэг шилжүүлэн суулгах мэс засал амжилттай хийлээ.
Энэ удаагийн хүүхдэд элэг шилжүүлэн суулгах эмчилгээний онцлог нь Монгол Улсад хамгийн бага настай буюу 1 настай хүүхдэд Амьд донороос элэг шилжүүлэн суулгасан аж.
Цаашид ЭХЭМҮТ нь 1 наснаас дотогш, бага сартай, бага жинтэй хүүхдэд элэг шилжүүлэн суулгах эмчилгээний шинэ технологийг нэвтрүүлж, төвлөрөлийг сааруулах, гадаад эмчилгээний урсгалыг багасгахаар ажиллаж байна.
Нийгэм
25 дугаар эмийн сангийн уулзвараас Амарсанаагийн гудамжны уулзвар хүртэлх зорчих хэсгийн урд талын замыг шинэчилж байна

Энхтайваны өргөн чөлөө буюу 25 дугаар эмийн сангийн уулзвараас Амарсанаагийн гудамжны уулзвар хүртэлх зорчих хэсгийн урд талын замын 1, 2 дугаар эгнээг шинэчлэн засварлаж байна. Тодруулбал, тус замыг 4.8 метрийн өргөнтэй зорж, рейсаклерын техник хэрэгсэл ашиглан 0.25 метрийн зузаантайгаар 6 хувийн цементээр бэхжүүлэн суурь хучилт хийж байна.
Нийгэм
Өнөөдөр монгол хэл, бичгийн шалгалт эхэллээ

Монгол хэл бичгийн шалгалтад 84969 шалгуулагч шалгалт өгөхөөр бүртгүүлжээ. Тодруулбал, шалгалтад 12 дугаар ангийн 39164, 11 дүгээр ангийн 30824, 10 дугаар ангийн 12909 сурагч мөн өмнөх оны төгсөгч 2108 гаруй шалгуулагч бүртгүүлсэн байна. Шалгалтыг улсын хэмжээнд 52 шалгалтын төвд зохион байгуулахаар бэлтгэл ханган ажиллаж байгаа аж. Шалгалтын комисс болон зохион байгуулах багт нийт 3301 багш ажилчид ажиллана.
Шалгуулагч нь бүртгэлээ баталгаажуулсны дараа БҮТ-өөс зарласан хугацаанд өөрийн бүртгэлийн дугаар болон нууц үгийг ашиглан ”суудлын хуваарь”-аа, www.eyesh.eec.mn цахим хуудасны “шалгуулагчийн булан”-аас хэвлэн авна.
- 2025.04.18-ны 10:00-11:40 цагт 12-р анги,
- 2025.04.19-ний 10:00- 11:40 цагт 11-р анги, 14:00-15:40 цагт 10-р ангийн сурагчид хамрагдана.