Дэлхий дахинд

Британи, Европын Холбоо хоёр туурга тусгаарлах урьдчилсан тохиролцоонд хүрлээ

Нийтэлсэн

6 жил өмнө

2018-11-14

Нийтэлч

Admin

Британийг Европын Холбооноос салгах тохиролцоонд урьдчилсан байдлаар хүрснийг Лондон, Брюсселийн албаны хүмүүс өчигдөр мэдэгджээ.

Нэг жил, хагас орчим хугацаанд хэлэлцэж, зарим үед мухардалд орж байсны эцэст ийнхүү нэгдсэн тохиролцоонд хүрсэн байна. Гэхдээ талууд одоо дотооддоо саналыг хэлэлцэж, эцсийн шийдийг гаргах юм.

Хэлэлцээрийн хүрээнд үлдээд байсан гол асуудал болох Ирландын хилийн асуудлаар өчигдөр тохиролцож чаджээ.

Британий ерөнхий сайд Тереза Мэй өнөөдөр үдээс хойш сайд нарын танхимаа хуралдуулж, Европын Холбоотой тохиролцсон хувилбарыг хэлэлцүүлнэ.

Гэхдээ үр дүнд хүрнэ гэсэн баталгаа байхгүй байна. Учир нь “Brexit” талыг дэмжигч сайд нар Европын Холбоонд буулт хийхгүй байхыг ерөнхий сайдаасаа шаардаж байгаа.

Хэрвээ энэ тохиролцоог хүлээн зөвшөөрвөл Умард Ирланд нь Белфастын биш, Дублины нөлөөнд орно гэж тэд болгоомжилж байна.

Өнөөдөр бас Брюссельд Европын Холбооны гишүүн 27 орны элч нар Британитай байгуулах гэрээний нөхцлийг хэлэлцэнэ.

Британий засгийн газар гэрээний нөхцлийг дэмжвэл гуравдугаар сарын 29-нд тус улс Европын Холбооноос албан ёсоор өрх тусгаарлахаас өмнө парламент нь хэлэлцэж амжих юм.

Удаан яригдсан асуудал нь “Brexit”-ийн дараа Британий харьяаны Умард Ирланд, Европын Холбооны гишүүн Ирланд улсын дундах хил, гаалийн асуудлыг хэрхэн шийдэх тухай байв.

Хэрвээ засгийн газар гэрээний асуудлаар тохиролцоонд хүрч чадахгүй бол компаниуд нөөц төлөвлөгөөндөө шилжиж, ажлын байраа цомхотгон үйл ажиллагаагаа өөр улс орнууд руу шилжүүлж эхлэх тул Британий эдийн засагт сөрөг нөлөө үзүүлэх юм.

Гэхдээ энэхүү гэрээтэй, гэрээгүй Brexit-ийн нөлөө Британий эдийн засагт үйлчлээд эхэлсэн байгаа. Тухайлбал өнгөрсөн есдүгээр сарын байдлаар Британид ажил эрхэлдэг Европын Холбооны иргэдийн тоо 132,000 хүрсэн нь жилийн өмнөх 2.25 саяас огцом буурсан үзүүлэлт юм.

Энэ бол 1997 оноос хойш гаргаж байгаа энэхүү тоон үзүүлэлтийн хувьд хамгийн том уналт ажээ. Лондоны Эзэн Хааны Коллежийн эдийн засгийн ухааны профессор Жонатан Портес “Brexit-ийн үр дүнд Британи нь Европчуудын хувьд ажиллаж, амьдрахад улам бүр таагүй улс орон болох нь тодорхой” гэж энэ талаар хэлсэн байна.

Эх сурвалж: Reuters

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

БНСУ даяар галын нөхцөл байдал ноцтой түвшинд хүрснийг зарлалаа

Нийтэлсэн

1 долоо хоног өмнө

2025-03-26

Нийтэлч

24barimt

2025 оны гуравдугаар сарын 26-ны өглөөний 07:30 цагийн байдлаар БНСУ даяар галын нөхцөл байдал ноцтой түвшинд хүрсэн гэж зарласан бөгөөд энэ нь гал түймрийн хамгийн дээд түвшин юм.

Одоогийн байдлаар нас барсан хүмүүсийн тоо 18, түлэгдэж угаартсан хүмүүсийн тоо 19 болж, нийт 37 хүн амь нас, эрүүл мэндээрээ хохирсон байна.

Гал түймрийн гарал үүсэл нь тодорхой болж эхэлсэн бөгөөд салют буудуулах болон талийгаачийн булш эргэж байх үед гал алдсан нь гол шалтгаан болсон гэж үзэж байна.

Мөн аюултай нөхцөл байдал үүссэнтэй холбогдуулан нийт 27,000 орчим иргэнийг аюулгүй газар нүүлгэн шилжүүлж, 1,600 иргэнийг түр хоргодох байранд байрлуулжээ.

Гал сөнөөгчид болон цэргийн 5000 гаруй албан хаагч, 146 нисдэг тэрэг дайчлагдан ажиллаж байгаа ч хуурай салхи, хүнд нөхцөл байдлаас болж унтраахад хүндрэлтэй байна.

Гуравдугаар сарын 26-ны үдээс хойш хүчтэй салхи шуурах төлөвтэй байгаа тул иргэдийг аюултай нөхцөл байдлаас урьдчилан сэргийлж, хяналттай байхыг анхааруулж байна.

Консулын газар нь галын голомтын аюултай бүсэд оршин суугаа Монгол Улсын иргэддээ яаралтай үед холбогдох шуурхай утсыг ажиллуулж байна гэж Пусан хотод суугаа Консулын газраас мэдээллээ.

Дэлгэрэнгүй ...

Дэлхий дахинд

Сөүл хотод авто зам цөмөрч мотоциклтой иргэн унажээ

Нийтэлсэн

2 долоо хоног өмнө

2025-03-25

Нийтэлч

24barimt

Өчигдөр буюу даваа гарагт Сөүл хотод авто зам цөмөрч, мотоциклтой иргэн унасан байна. Одоогоор тус иргэнийг аврах ажиллагаа үргэлжилж байгаа аж.

Орон нутгийн цагаар өчигдөр орой 6 цагийн үед Гандун дүүрэг дэх бага сургуулийн ойролцоох авто зам цөмөрч, бараг 20 метрийн өргөнтэй нүх үүссэн байна.

Тус нүх зургаан эгнээтэй замын дөрвийг нь хамарч байгаа бөгөөд нэмж томрох эрсдэлтэй байгаа аж. Улмаар Сөүл хотын захирагч яаралтай арга хэмжээ авахыг үүрэгджээ.

Одоогоор зам цөмөрсөн шалтгааныг тодруулахаар ажиллаж байна.

Гэхдээ албаныхны урьдчилсан байдлаар үзэж буйгаар зам цөмөрсөн шалтгаан нь замын доорх ус дамжуулах хоолой хагарснаас үүдсэн байж болзошгүй гэв.

Осол гарсан замын доор метроны есдүгээр шугамын өргөтгөлийн ажил мөн хийгдэж байжээ.

Дэлгэрэнгүй ...

Дэлхий дахинд

Өмнөд Солонгос даяар 30 шахам ой хээрийн түймэр гарав

Нийтэлсэн

2 долоо хоног өмнө

2025-03-24

Нийтэлч

24barimt

Өмнөд Солонгосын зүүн өмнөд хэсэгт өнгөрсөн амралтын өдрүүдээр 30 шахам ой хээрийн түймэр гарчээ. Тодруулбал, 29 байршил гарсан гал түймрийн улмаас дор хаяж дөрвөн хүн амиа алдаж, зургаан хүн шархдаад байна. Мөн 19 км2 талбай шатсан бөгөөд галт тэрэг, зарим авто замын хөдөлгөөнд саад учирчээ.

Бямба гаригийн орой засгийн газар зарим бүс нутагт гамшгийн онц байдал зарлажээ. Харин Ням гаригийн өглөө ихэнх түймрийг унтрааж, зургаан газар л үлдсэн байна.

Гал унтраахад 1600 орчим гал сөнөөгч, 35 нисдэг тэрэг, олон арван галын машин дайчилжээ.

29 түймэр янз бүрийн шалтгаанаар гарсан бөгөөд тэдгээрээс дурдвал, Санчеон хотын түймэр л гэхэд тариачны зүлэг хадагч шатсанаас болжээ. Мөн Бусанаас холгүй орших Гимхэ хотод хог шатаах зуухнаас үүдэлтэй гал гарсан байна. Цаг агаар хуурай, салхитай байгаа тул гал түймэр амархан тархаж байгааг албаныхан анхааруулж байна. Гурав, дөрөв, тавдугаар сард Өмнөд Солонгос хамгийн хуурай цаг агаартай байдаг. Мөн гал түймэр гарсан зарим газар нь уулархаг бүс нутаг байгаа тул аврагчид хүрч очиход хүндрэлтэй байгаа аж.

Өмнөд Солонгосын ерөнхийлөгчийн үүрэг гүйцэтгэгч Чой Сан Мок галыг түргэн унтраахын тулд боломжит бүх техник хэрэгсэл, хүн хүчийг дайчлахыг тушаажээ.

Дэлгэрэнгүй ...