Дэлхий дахинд

Саудын Арабт хийсэн халдлагыг Иран улс үйлдсэн гэж АНУ буруутгалаа

Нийтэлсэн

5 жил өмнө

2019-09-16

Нийтэлч

Саудын Арабын газрын тосны хоёр байгууламжид Бямба гарагт гарсан халдлагыг Йемений босогчид биш, харин Иран улс үйлдсэн гэж АНУ-ын албаны хүн мэдэгджээ.

Өмнө нь Йемений босогчид тэсрэх бөмбөгтэй дроны тусламжтайгаар уг халдлагыг үйлдсэнээ зарлаад байсан юм. Харин АНУ-ын албаныхан халдлага өмнө зүгээс буюу Йеменээс үйлдэгдээгүй, харин баруун болон баруун хойд зүгээс үйлдэгдсэнийг тогтоосон гэнэ.

Энэ нь Ирак, Ираны хилийн цаанаас гэсэн үг. Мөн цохилтын нөлөөг шинжвэл дрон бус, харин далавчит пуужин ашигласан байх өндөр магадлалтай гэж дүгнэжээ.

“Халдлагад Иран улс буруутай нь ямар ч эргэлзээгүй. Үүнээс бултах аргагүй. Өөр хувилбар байх боломжгүй” гэж Вашингтоны нэрээ нууцалсан албаны хүн Ройтерс агентлагт ярьсан байна.

Үүнээс өмнө АНУ-ын төрийн нарийн бичгийн дарга Майк Помпео мөн халдлагад Иран улс буруутай гэж үзэж байгаагаа мэдэгдсэн юм.

Халдлагын улмаас Саудын Араб улс өдөрт үйлдвэрлэдэг газрын тосны хэмжээгээ тал хувь хүртэл нь бууруулаад байна.

Даваа гарагийн өглөө хөрөнгийн зах зээлийн арилжаа эхлэхэд Брент төрлийн газрын тосны баррелийн үнэ 19 хувь өсөж, $71.95 хүрээд байна.

Саудын Арабын үйлдвэрлэл буцаж хэвийн түвшинд хүрэхэд олон өдөр болно гэж тооцоолж байгаа.

Энэ хооронд тус улс нөөцөөсөө газрын тосны нийлүүлэлтийг нөхнө гэж мэдэгджээ. Тиймээс үнэ ханшийн савалгаа энэ долоо хоногтоо багтаж тогтворжих төлөвтэй байна.

Эх сурвалж: BBC

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...