Дэлхий дахинд

Умард Солонгос дахин пуужин харвалаа

Нийтэлсэн

5 жил өмнө

2019-10-02

Нийтэлч

Цэргийн нэгдсэн удирдлагын газраас “Умардын талаас лхагва гарагийн өглөөгүүр Япон тэнгист бага тусгалын үл мэдэгдэх пуужингууд харвасан” гэж мэдэгдсэнийг Өмнөд Солонгосын хэвлэлд мэдээлжээ.

Эхний мэдээгээр чухам хэдэн пуужин харвасан талаар мэдээлэл байгаагүй. “Гэхдээ пуужингуудыг Умардын зүүн эргийн Вонсан тосгоноос хөөргөсөн” гэсэн мэдээлэл байсан юм. Өмнөдийн талаас АНУ-тай хамтран нөхцөл байдалд хяналт тавьж мэдээллийг нягталж байна.

Уг нь Умардын Гадаад хэргийн нэгдүгээр орлогч сайд Чо Сон Хуй “Пехнъян Вашингтон хоёр энэ долоо хоногт ажлын хэсгийн яриа хэлэлцээгээ сэргээхээр тохиролцсон. Талууд энэ баасан гарагт урьдчилсан уулзалтаа хийнэ. Маргааш нь ажлын хэсгийн яриа хэлэлцээ болно” гэж мягмар гарагт мэдэгдсэн байна. Харин АНУ-ын талаас Төрийн департамент нь “Хоёр тал ирэх долоо хоногтоо багтан уулзах төлөвлөгөөтэй” гэжээ.

Өмнөд Солонгосын “Ёнхап” агентлагийн мэдээлснээр ажиглагчид Умардын талыг “Зэвсгийн туршилтууд хийж дараагийн яриа хэлэлцээнд байр сууриа бэхжүүлэх зорилготой байж болзошгүй” гэж харж байгаа юм байна. Умардын талаас он гарснаас хойш 11 дэх удаагийн туршилтаа хийгээд байна.

Гэтэл “Умардын талаас шумбагч онгоцноос хөөргөдөг баллистик пуужин харвасан байна” гэж Өмнөд Солонгосын цэргийн нэгдсэн удирдлагын газар мэдэгдлээ.

Сүүлд ирсэн мэдээллээр Умард Солонгос лхагва гарагийн өглөөгүүр орон нутгийн цагаар 7 цаг 11 минутын үед Пугуксон төрлийн нэг пуужин харвасан нь дээд чадлаараа буюу 910 км-ийн өндөрт 450 км ниссэн байна.

Үүний улмаас Өмнөд Солонгосын Ерөнхийлөгчийн дэргэдэх Үндэсний аюулгүй байдлын зөвлөл шуурхай хуралдаж, энэ удаа пуужин харвасан үйлдэлд ихэд санаа зовниж болгоомжилж байгаагаа илэрхийлжээ. Мөн Японы Батлан хамгаалах яам “Аюулгүй байдалд нь халдсан үйлдэл боллоо” гэж мэдэгдсэн байна.

Умардын талаас шумбагч онгоцноос хөөргөдөг баллистик пуужингаа хамгийн сүүлд 2016 онд туршиж байжээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...